Healthy Burger ❤

မရောက်နိုင်တော့ဘူး😞

Dubai, UAE 😯

တနင်္သာရီတိုင်း ကျွန်းစုမြို့နယ်တွင် လှေပိုင်ရှင်အား ကျောက်ခဲဖြင့် ထုသတ်ပြီး လှေမောင်းယူပြေးသူနှစ်ဦးကို ၂၄ နာရီအတွင်း ဖမ်းဆီးရမိခဲ့ကြောင် းသိရသည်။

ဖြစ်စဉ်မှာ လှေပိုင်ရှင် ကိုသောင်းမြတ်စိုး (၃၃ နှစ်)သည် မေ ၁၀ ရက်က တောပြားကျေးရွာအုပ်စု၊ ပလုတ်ကျွန်းအနီးရေပြင်တွင် အလုပ်သမား လေးဦးနှင့်အတူ ကျောက်ပုစွန်ဖမ်းဆီးခြင်း လုပ်ကိုင်နေကြောင်း၊ လှေပေါ်တွင် အလုပ်သမားများဖြစ်သည့် မြတ်ငယ်၊ ခင်ဇော်လင်း၊ ရဲနိုင်ဦး(ခ)နေနေ၊ ထွေးကို(ခ)နေကျော်အေးတို့မှ ကျောက်ပုစွန်ပိုက်ဆွဲနေစဉ် ကိုသောင်းမြတ်စိုးမှ ရဲနိုင်ဦးနှင့် ထွေးကိုတို့အား အလုပ်ကို သေချာလုပ်ဟု ပြောကာ ဇတ်ပိုးအား တစ်ချက်ပုတ်လိုက်ကြောင်း သိရသည်။

ထိုသို့ပြုလုပ်သည်ကို ရဲနိုင်ဦးဆိုသူက မကြိုက်ကြောင်း ပြန်လည်ပြောဆိုခဲ့ကြောင်း၊ ကိုသောင်းမြတ်စိုးက ကျောက်ပုစွန်ပိုက်အား ဆက်လက်ကြည့်ရှူ့နေစဉ် ရဲနိုင်ဦးက လှေပေါ်တွင် ပါလာသည့် ကျောက်ခဲဖြင့် လှေရှင်အား ပစ်လိုက်ရာ ဦးခေါင်းထိမှန်ကာ ရေထဲပြုတ်ကျသွားကြောင်း၊ လှေပိုင်ရှင်ကိုးသောင်းမြတ်စိုးသည် ရေထဲပြုတ်ကျပြီး လှေပဲ့ပိုင်းတွင် ပြန်ပေါ်လာရာ ထွေးကိုမှ ကျောက်ခဲဖြင့် ဆက်လက်ပစ်ခတ်သည့်အတွက် ရေထဲနစ်မြုပ်သွားကြောင်း၊ ဖြစ်စဉ်ဖြစ်ပွားပြီးနောက် ရဲနိုင်ဦးနှင့် ထွေးကိုက ကျန်လှေသား နှစ်ဦးအား ဓားဖြင့်ထောက်ကာ လှေကို မြိတ်မြို့သို့ မောင်းနှင်ခိုင်းခဲ့ကြောင်း သိရသည်။

အဆိုပါဖြစ်စဉ်အား လှေသားများဖြစ်သည့် မြတ်ငယ်နှင့် ခင်ဇော်လင်းက လှေပိုင်ရှင်ဇနီးအား ပြောပြခဲ့ပြီး တာဝန်ရှိသူများက ချက်ချင်းလိုက်လံစုံစမ်းခဲ့ရာ ပြစ်မှုကျူးလွန်သူ ရဲနိုင်ဦးနှင့် ထွေးကိုတို့အား မြိတ်မြို့တွင် မေ ၁၁ ရက်က ဖမ်းဆီးရမိခဲ့ကြောင်း သိရသည်။

ယင်းနောက် အခင်းဖြစ်သည့်ရေပြင်တွင် လှေပိုင်ရှင်ကိုသောင်းမြတ်စိုး ရုပ်အလောင်းအား ဆယ်ယူရရှိခဲ့ပြီး ကျွန်းစုမြို့ ပြည်သူ့ဆေးရုံသို့ ပို့ဆောင်ပေးခဲ့ကြောင်း၊ ပြစ်မှုကျူးလွန်သူများအား ကျွန်းစုမြို့မရဲစခန်းမှ (ပ) ၁၉/၂၀၂၄၊ ရာဇသတ်ကြီးပုဒ်မ ၃၀/၁၁၄၊ အမှုကြီးအမှတ်စဉ် ၃/၂၀၂၄ ဖြင့် အမှုဖွင့်ဆောင်ရွက်နေကြောင်း သိရသည်။

ဂျပန်နိုင်ငံရဲ့ အမြန်ဆုံးကျည်ဆန်ရထားဖြစ်တဲ့ Yamanashi Maglev train ဟာ ၇ စက္ကန့်အတွင်း ၁ ကီလိုမီတာ၊ ၁ မိုင်ကို ၁၁ စက္ကန့်နှုန်းနဲ့ ခုတ်မောင်းနိုင်စွမ်းရှိပြီး ၂၀၂၇ ခုနှစ်က စတင်ပြေးဆွဲသွားတော့မှာပါ။ Yamanashi Maglev ရထားကြောင့် တိုကျိုနဲ့ နာဂိုယာမြို့ကြား ခရီးစဉ်ဟာ မိနစ် ၄၀ ပဲ ကြာမြင့်တော့မှာ ဖြစ်ပါတယ်။

Yamanashi Maglev ရထားလိုင်းကို အဆင့် ၂ ဆင့်နဲ့ အကောင်အထည်ဖော်သွားမှာဖြစ်ပြီး ၂၀၂၇ ခုနှစ်ကျရင် နာဂိုယာမြို့မှာ စတင်ပြေးဆွဲမှာပါ။ နောက် ၁၀ နှစ်အကြာ ၂၀၃၇ ခုနှစ်မှာတော့ အိုဆာကာမြို့မှာ ပြေးဆွဲသွားဖို့ စီစဉ်ထားပါတယ်။

📈🔴 အာဆင်နယ်အသင်းဟာ ဒီရာသီ ပရီးမီးယားလိဂ်မှာ:

✅ နိုင်ပွဲအများဆုံးစံချိန်
⚽ သွင်းဂိုး အများဆုံးအသင်း
🥅 ပေးဂိုး အနည်းဆုံးအသင်း
🧤 ပေးဂိုးမရှိပွဲစဥ် အများဆုံးအသင်း
🔥 ကြီး ၆ ကြီးနဲ့တွေ့တိုင်းမှာ တစ်ပွဲမှ မရှုံးထား

🗣အာတေတာ: "ကျနော်တို့ ဒီရာသီ ပရိီးမီးယားလိဂ်မှာ နိုင်ပွဲ ၂၇ ပွဲအထိ ရခဲ့တယ်။ နှစ်ပေါင်း ၁၃၀ ကြာ သက်တမ်းရှိတဲ့ ကျနော်တို့အသင်းရဲ့သမိုင်းတလျှောက် နိုင်ပွဲအများဆုံး ရရှိတဲ့ ဘောလုံးရာသီပါ။

ဒါက တိုးတက်ကောင်းမွန်လာတာ မဟုတ်ပါဘူး၊ သမိုင်းသစ်စိုက်ထူ ရေးထိုးနိုင်လိုက်တယ်လို့ ​ပြောရပါမယ်။"

ဒီရာသီမှာ မယုံနိုစရာကောင်းတဲ့ စွမ်းဆောင်ရည်တွေပြနေတဲ့ ဂန်နားတို့အတွက်တော့ သူတို့လိုအပ်နေတာ ဆုဖလားပဲ ကျန်ရှိပါတော့တယ် 🏆

Budget Friendly Snack!!!

ဂုဏ်သိက္ခာအရှိန်အဝါ အင်မတန် ကြီးကျယ်ခမ်းနားမြင့်မြတ်တဲ့ Apple လို မျိူးလိုမျိူး ကုမ္ပဏီကြီးအနေနဲ့ ဒီနှစ်ထဲမှာ ဂုဏ်သိက္ခာပိုင်းဆိုင်ရာ ညှိုးနွမ်းအားငယ်စရာ ဖြစ်ရပ် ၂ခု အတည်အလင်းဖြစ်ပွားခဲ့တယ်။

ပထမ ၁ခုက ၁၀နှစ်ကြာ ရင်းနှီးမြှုပ်နှံခဲ့တဲ့ Apple ကားပရောဂျက်ကြီးကို ဘယ်လိုမှမဖြစ်နိုင်တော့တဲ့အဆုံး လက်မြှောက်အရှုံးပေးပြီး ဖျက်သိမ်းလိုက်ရတာပါ။

ဒုတိယ ၁ခုကတော့ iPhone တွေမှာ Generative AI တွေ ထည့်ပေးဖို့အရေး Google နဲ့ OpenAI တို့လိုမျိူး ပြိုင်ဘက်ကုမ္ပဏီကြီးတွေဆီကနေ အကူအညီရယူဖို့ ညှိနှိုင်းဆွေးနွေးနေရတာပါ။ လောလောဆယ်တော့ Apple က OpenAI နဲ့ ကျီစားနေပြီး နောက်ဆုံးအဆင့် ဆွေးနွေးမှုတွေလုပ်နေပြီလို့ သတင်းထွက်လာတဲ့အတွက် iOS 18 မှာ ChatGPT အခြေပြု Generative AI Features တွေကို တွေ့ရဖို့ အလားအလာများနေပါတယ်။

Apple ရဲ့ အဖြစ်က မနှစ်ကနဲ့ မတူတာတော့ အမှန်ပါပဲ။ “မချစ်သော်လည်း အောင့်ကာနမ်း” ဆိုသလိုပဲ “OpenAI ကို မချစ်သော်လည်း ကြိတ်မှိတ်ပြီး အောင့်ကာနမ်းမယ်ဟေ့” လို့ ဆုံးဖြတ်ထားပုံ ရပါတယ်။

Ref: 9To5Mac

စပါးစျေးထိုးကျနေသော်လည်း ဆန်စျေးနှုန်းများဆက်လက်မြင့်တက်

စပါးဝယ်ယူသည့် စျေးနှုန်းများကျဆင်းနေသော်လည်း ဆန်စျေးနှုန်းများမှာမူ ကျဆင်းခြင်းမရှိဘဲ ဆက်လက်မြင့်တက်နေကြောင်း တောင်သူလယ်သမားများနှင့် ဆန်လုပ်ငန်းရှင်များထံမှသိရသည်။

တောင်သူလယ်သမားများထံမှ ကောက်ယူသော စပါးစျေးမှာ တင်း ၁၀၀ လျှင် သိန်း ၂၀ ‌အောက်သာရှိကြောင်း ဧရာ၀တီတိုင်းဒေသကြီး၊ ကျုံပျော်မြို့နယ်ရှိ လယ်သမားတစ်ဦးက ပြောသည်။

“ ကျွန်တော်တို့ဆီမှာ ကုန်သည်တွေက စပါးလာဝယ်ရင် စပါး ၁၀၀ ကို သိန်း ၂၀ အောက်လောက်ပဲပေးကြတယ်၊ စပါးစျေးကျနေတာပေါ့၊ စပါးစျေးတက်လာဖို့လည်းမျှော်လင့်တယ်၊ စပါးစျေးက ပွဲစားတွေကပဲ စျေးကစားနေတာလား၊ ကုန်သည်တွေကပဲ စျေးကစားနေသလားတော့မသိဘူး။ ဆန်စျေးတွေက တော်တော်ကြီးနေပေမယ့် ကျွန်တော်တို့ဆီမှာ စပါး‌‌ကောက်ရင် စျေးနှိမ်ကြတယ်” ဟု ၎င်းက ရှင်းပြသည်။

ထိုသို့ စပါးစျေးများကျဆင်းနေသော်လည်း ဆန်စျေးမှာမူ တစ်နေ့ထက်တစ်နေ့ ဆက်လက်မြင့်တက်နေဆဲဖြစ်ကြောင်း ဆန်ရောင်းဝယ်ရေးလုပ်ငန်းလုပ်ကိုင်နေသူတစ်ဦးက ဆက်လက်ပြောသည်။

“ ဆန်စျေးတွေကတော့ သင်္ကြန်ပြီးနောက်ပိုင်းတစ်နေ့ထက်တစ်နေ့တက်နေတယ်၊ သုခ တစ်အိတ်ကိုတင် ၁ သိန်းနီးပါးဖြစ်နေပြီ၊ တချို့ ဆန်ကြမ်းစျေးတွေဆိုရင် အစသိပ်မကောင်းတဲ့ ဆန်ချောစျေးထက်တောင်ပိုပြီးများလာတာတွေ့ရတယ်။ ဒါပေမယ့် စပါးစျေးကတော့ ထိုးကျနေတယ်လို့သိရတယ်။ ကြားထဲမှာ ဘယ်သူတွေကို ဘယ်လိုမျိုးစျေးကစားနေလဲဆိုတာတော့ မသိရဘူး” ဟု ဆန်ရောင်းဝယ်ရေးလုပ်ငန်းလုပ်ကိုင်နေသူတစ်ဦးက ဆိုသည်။

လက်ရှိစျေးကွက်အတွင်းတွင် ဆန်ကြမ်းစျေးနှုန်းမှာ ရက် ၉၀၊ ဖန်သီးသုခရှယ်၊ ပခမ်းရှယ်၊ ဆင်းသွယ်ရှယ်၊ အညာသားရှယ်၊ ဧရာမင်းရှယ် တစ်အိတ်လျှင် ကျပ် ၁ သိန်း၁ သောင်းဝန်းကျင်အထိစျေးပေါက်နေပြီး ဆန်ချောစျေးနှုန်းအနေဖြင့် တောင်ပျံ‌မွှေး၊ မြောင်းမြပေါ်ဆန်းမွှေး၊ ပုသိမ်ပေါ်ဆန်းမွှေး၊ ဧရာ၀တီပေါ်ဆန်းမွှေးတို့မှာ တစ်အိတ်လျှင် ကျပ် ၁ သိန်းခွဲကျော်အထိ ပေါက်စျေးရှိကာ ရွှေဘိုပေါ်ဆန်းမွှေးတစ်အိတ်လျှင်ကျပ် ၁ သိန်း၉ သောင်းဝန်းကျင်အထိစျေးပေါက်နေကြောင်း ဆန်စပါးလုပ်ငန်းရှင်များထံမှစုံစမ်းသိရသည်။

Vanilla Coffee Ice Cubes ❤