Discover postsExplore captivating content and diverse perspectives on our Discover page. Uncover fresh ideas and engage in meaningful conversations
မချစ်တာ သေချာရင် ကိုယ်ခပ်ဝေးဝေး ပြေးတော့မယ်။
တွန်းလိုက်၊ ဆွဲလိုက် ကစားတာကို မခံနိုင်ဘူး။
အခြားတစ်ယောက်ကို ပြောင်းချစ်မယ်။
ဂရုစိုက်မှုတွေအကုန် သူ့ကိုပေးမယ်။
ချစ်တယ်ဆိုတဲ့စကားကို အဲ့အမျိုးသား/သမီး ကိုပဲပြောမယ်။
ငြင်းဆန်ပြီးရင်တော့ ပြန်မခေါ်ချင်နဲ့။
မချစ်ကြမှတော့ မပတ်သတ်ချင်ဘူး။
ကိုယ်မင်းနဲ့ သူငယ်ချင်းတွေလဲ ထပ်မဖြစ်နိုင်ဘူး။
#tarmhyuunge (တာမြူးငယ်)
UID ကတ်ရှိသူများသာ တံတားဖြတ်သန်းခွင့်ရသည့်အတွက် မြဝတီ-မဲဆောက် အမှတ် (၁) ချစ်ကြည်ရေးတံတားတွင် ခရီးသွားလာသူအရေအတွက် ထောင်နှင့်ချီလျော့ကျ
မြန်မာ-ထိုင်းနယ်စပ် မြဝတီ -မဲဆောက် အမှတ်(၁) ချစ်ကြည်ရေးတံတားမှ တရားဝင် သွားရောက်ရာတွင် မေ ၁ ရက်မှစ၍ UID ကတ် ရှိသူများကိုသာ နယ်စပ်ဖြတ်သန်းခွင့် လက် မှတ်ပြုလုပ်ပေးသည့်အတွက် ခရီးသွားလာသူ ထောင်နှင့်ချီ၍ လျော့ကျခဲ့ကြောင်း သတင်း ရရှိသည်။
Unique Identification Number- (UID) ကတ် အသုံးမပြုခင်က မြဝတီအမှတ် (၁)တံတားမှတစ်ဆင့် ထိုင်းနိုင်ငံ မဲဆောက် မြို့သို့ ဝင်/ထွက် သွားလာသူ ဒေသခံပြည်သူ တစ်နေ့လျှင် လူဦးရေ ၃၀၀၀ ကျော် ၄၀၀၀ ခန့် ရှိခဲ့ပြီး ယခုအခါ တစ်နေ့လျှင်လူဦးရေ ၉၀၀ ခန့်သာ အသွားအလာရှိကြောင်း ချစ်ကြည် ရေးတံတား၌ တာဝန်ထမ်းဆောင်နေသူတစ် ဦးက ပြောကြားသည်။
“UID ကတ်ပါမှသာ တံတားဖြတ်သန်း ခွင့်ရှိတာဆိုတော့ မေ ၁ရက်နေ့ကစလို့ တံ တားမှာ ဖြတ်သန်းသွားလာသူ အရမ်းလျော့ နည်းသွားတယ်။ မနေ့ကဆိုရင် ၉၀၀ ကျော် ကျော်လေးပဲရှိတယ်။ တံတားမှာ ခြောက်ကပ် သွားတာပေါ့”ဟု ၎င်းက ဆိုသည်။
UID ကတ်ပြုလုပ်ရာတွင် တုံကင်ယူပြီး နောက် တစ်ပတ်ကျော်အထိ ရက်ကြန့်ကြာ ခြင်းကြောင့် မဲဆောက်ဘက်သို့ သွားရောက် အလုပ်လုပ်ကိုင်သူများလည်း လုပ်ငန်းခွင်သို့ ခွင့်ရက်အတွင်း ပြန်မဝင်နိုင်ဘဲ အခက်ကြုံ လျက်ရှိကြောင်း သိရသည်။
ထို့ပြင် ယခင်မှတ်ပုံတင်များ၌ မြန်မာ မွေးသက္ကရာဇ်ကို အင်္ဂလိပ်သက္ကရာဇ် ပြန် လည်ထည့်သွင်းရာတွင် အခက်အခဲများစွာ ကြုံတွေ့နေရခြင်း၊ အမှားပြင်ဆင်ရသူများပြား ခြင်းကြောင့်လည်း ရက်ပေါင်းများစွာ ကြန့်ကြာ နေရသည်ဟု ဆိုသည်။
ချစ်ကြည်ရေးတံတားမှ ခရီးသွားလာမှု နည်းပါးရခြင်းနှင့်ပတ်သက်၍ ထိုင်းနိုင်ငံဘက် တွင် နေထိုင်ပြီး အလုပ်သမားအရေးဆောင် ရွက်နေသူ မြန်မာပြည်သားများအရေးပူးတွဲ လှုပ်ရှားမှုကော်မတီ (JACBA) ဥက္ကဋ္ဌ ဦးမိုး ကြိုးက “ဒါက ပြဿနာရဲ့အဖြေကို ရှာရမယ့် လုပ်ထုံးလုပ်နည်း လျော့ပေါ့ရမယ်ဆိုတဲ့အနေ အထားကို ရှင်းရှင်းလင်းလင်းပြသနေတာပဲ ဗျ။ လုပ်ထုံးလုပ်နည်းတွေ အလွန်အမင်းတင်း ကျပ်လာတယ်။ လိုတာထက်ပိုပြီး မလူးသာမ လွန့်သာ နေပူပြင်းတဲ့အချိန် ပင်ပင်ပန်းပန်း ဆင်းဆင်းရဲရဲနဲ့ UID ကတ်လုပ်ရတယ်။ တတ် နိုင်သူတွေလို ပွဲစားတွေနဲ့ ငွေပေးပြီး လုပ်ရ အောင်လည်း မတတ်နိုင်သူ အများအပြားရှိ တယ်။ဒီ UID ကတ်ရှိမှ တစ်ဆွဲတစ်ပိုးသမားတွေ မြဝတီကနေ မဲဆောက်ကို လာလို့ရမယ်။ မဲဆောက်က နိုင်သလောက်လေးဝယ်ပြီး မြဝ တီမှာ ပြန်ရောင်းကြတယ်။ တစ်နေ့စာ၊ သုံး ရက်စာ တစ်ပတ်စာစသည်အားဖြင့် အသက် မွေးဝမ်းကျောင်းအလုပ်တွေရတယ်။ တခြား သောကားတွေနဲ့ သယ်ယူကြတဲ့ ကုန်သည် အလတ်စား၊ အကြီးစားသမားတွေလည်းရှိမှာ ပေါ့။ ပုံမှန်ဆိုရင် လူ ၃၀၀၀၊ ၄၀၀၀ လောက် အမှတ် (၁) ချစ်ကြည်ရေးတံတားက သွားလာ နေကြတဲ့အနေအထားကနေ လူ ၁၀၀၀ ဝန်း ကျင်သာ သွားလာနေတယ်ဆိုတော့ လူသူသွား လာမှုနည်းပါးသွားတာပေါ့။ ဒါကို ထိုင်းဘက် ကလည်း အခြေအနေအရပ်ရပ်ကို သုံးသပ် နေတယ်လို့ သိရတယ်။ နှစ်နိုင်ငံပြန်လည်ညှိ နှိုင်းတိုက်ဆိုင်တဲ့အခါမျိုးမှာ မြန်မာဘက်က တင်းကျပ်တဲ့ လုပ်ထုံးလုပ်နည်းတွေ၊ စည်းမျဉ်း စည်းကမ်းတွေကို လျော့ပေါ့သက်သာအောင် လို့ ထိုင်းဘက်က တိုက်တွန်းမှုတွေရှိလာမယ် လို့သုံးသပ်ပါတယ်”ဟု ပြောကြားသည်။