ရှယ်ကြမ်းတဲ့ AI မော်ဒယ်ကို Free ထုတ်ပေးလိုက်တဲ့ OpenAI
OpenAI က ChatGPT-4o ဆိုတဲ့ AI မော်ဒယ်အသစ်ကို မနေ့ညတုန်းက မိတ်ဆက်သွားတယ်။ ဘာတွေထူးခြားလဲဆိုရင် ဉာဏ်ပိုကောင်းလာတယ်။ Text, Vision နဲ့ Audio အပိုင်းတွေမှာ လုပ်ဆောင်နိုင်စွမ်းတွေ ပိုမြင့်လာပါတယ်။
သတင်းကောင်းကတော့ ChatGPT-4o ကို Paid User တွေအတွက်တင် မဟုတ်ဘဲ Free User တွေအတွက်ပါ ထုတ်ပေးလိုက်တာပါ။ Free User တွေကတော့ Usage နဲ့ Demand အပေါ်မူတည်ပြီး ChatGPT-4o ကို Limit နဲ့ အသုံးပြုခွင့်ရမှာပါ။ ဘာပဲဖြစ်ဖြစ် OpenAI အနေနဲ့ ဒီ AI မော်ဒယ်ကို Free သုံးခွင့်ပေးလိုက်တာကတော့ တော်တော်မိုက်တယ်။
အခုဆိုရင် Free User တွေလည်း ChatGPT ကို Google Search လိုမျိူး သုံးလို့ရပြီ။ အရင်တုန်းကလိုမျိူး ဘယ်ခုနှစ်နောက်ပိုင်း အချက်အလက်တွေကို သူမသိပါဘူးလို့ မပြောတော့ဘဲ အင်တာနက်ပေါ်က အချက်အလက်တွေကို ရှာပြောပေးတယ်။ မြန်မာစကားကိုလည်း အရင်တုန်းကထက် ပိုနားလည်လာပြီ။ English စာ အခက်အခဲရှိသူများ မြန်မာလို စမ်းမေးကြည့်ကြပါ။
Vision အပိုင်းမှာဆိုရင် ဓာတ်ပုံတွေပြပြီး ကိုယ်သိချင်တာမေးတာပဲဖြစ်ဖြစ်၊ ဆွေးနွေးတာပဲဖြစ်ဖြစ် လုပ်တဲ့အခါမှာ AI က နားလည်နိုင်စွမ်း ပိုမြင့်လာတယ်။ OpenAI ကတော့ ဒီနေရာမှာ ChatGPT-4o ဟာ လက်ရှိ AI မော်ဒယ်အားလုံးထက် အများကြီးသာတယ်လို့ ပြောထားတယ်။ နောက်ပိုင်းကျရင်တော့ Real-time ဗီဒီယိုတွေပြပြီး ကိုယ်သိချင်တာမေးရင်း AI နဲ့ Chatting ပါ လုပ်နိုင်မယ်လို့ သိရပါတယ်။
Chatting လုပ်တဲ့အခါမှာလည်း သူတို့ပြသွားတဲ့ Demo Video တွေအရ Response Time အရမ်းမြန်သလို လေယူ၊ လေသိမ်းတွေကိုလည်း လူတစ်ယောက်နဲ့ စကားပြောနေရသလိုမျိူး ခံစားရအောင်လုပ်ပေးထားတာ တွေ့ရတယ်။ OpenAI ကတော့ ရှယ်ကြမ်းနေပါပြီ 🫨
လောလောဆယ်မှာ ChatGPT Plus User တွေအတွက် MacOS Desktop App ဗားရှင်းထုတ်ပေးထားပါတယ်။ နောက်ပိုင်းကျရင် Windows ဗားရှင်းပါ ထုတ်ပေးမယ်လို့ OpenAI က ပြောပါတယ်။
- AI တွေက ကျွန်တော်တို့ နေ့စဥ်ဘဝမှာ မရှိမဖြစ်လိုအပ်တဲ့အရာတွေ ဖြစ်လာပါတော့မယ်။ ဒီလိုဖြစ်အောင်လည်း နည်းပညာကုမ္ပဏီကြီးတွေက လုပ်နေကြတာပါ။ ဒါကြောင့် နည်းပညာခေတ်မှာ မကျန်ရစ်ဖို့ AI ကို အသုံးချတတ်အောင်၊ AI နဲ့ ရင်းနှီးကျွမ်းဝင်အောင် လုပ်ထားသင့်နေပါပြီ။
Ref: OpenAI, The Verge
