March 22 မှာ Alpha Legend Skin လာပါမယ် 💥
ထူးထူးခြားခြား Alpha Legend Skin ဟာ ID Tag နဲ့လာမဲ့ ပထမဆုံး Legend Skin ဖြစ်ပါတယ် ❤
.....
ID Tag ဆိုတာ
ကိုယ်ကဒီ Skin ဝယ်ယူသူ ဘနှယောက်မြှောက်လဲဆိုတာကို Skin ပေါ်မှာ နံပါတ် နဲ့ပြပေးတာမျိုးဖြစ်ပါတယ် 😬
အဲ့ ID Tag မှာတောင် Gold နဲ့ Silver ကွဲပါသေးတယ်။ 🥲
• Gold ID tag - Free Ticket မလာခင်ဝယ်ရင်ရပါမယ်။
• Silver ID tag - Free Ticket လာပြီးနောက်ပိုင်းဝယ်သူရပါမယ်။ 🤒
သတင်းကောင်းအနေနဲ့ကတော့ ဒီ Event ကို Promo Diamond နဲ့လည်း လှည့်လို့ရပါမယ် 😍

နွေဦးဟာမခေါ်ပဲနဲ့ရောက်ခဲ့ကြပြန်ပေါ့

မိုဒရစ်က ဘောလုံးအတွက်လက်ဆောင်လို့ အန်ဆယ်လော့တီ ပြော

ဖေဖော်ဝါရီ ၂၄

ရီးရယ်လ်အသင်းက ဂျီရိုနာအသင်းကို ၂ ဂိုး-ဂိုး မရှိနဲ့အနိုင်ရခဲ့တဲ့ လာလီဂါပွဲစဉ်မှာ လှပတဲ့ကန်ချက်နဲ့ ဂိုးသွင်းယူ ခဲ့တဲ့ ဝါရင့်ကွင်းလယ်လူ မိုဒရစ်ဟာ ဘောလုံးအတွက် လက်ဆောင်လို့ နည်းပြအန်ဆယ်လော့တီက ပြောခဲ့ပါတယ်။

အန်ဆယ်လော့တီက “မိုဒရစ်က ဘောလုံးအတွက် လက်ဆောင်တစ်ခုပါ။ သူဟာ ကစားဖို့ ဆန္ဒရှိနေသေးရင် ဆက်သွားသင့်ပါတယ်။ သူဟာ ဘယ်လိုအရာကိုပဲလုပ်လုပ် ကောင်းမွန်စွာ လုပ်ပါတယ်။ ဘောလုံးနဲ့ ကျနော်တို့ ရီးရယ်လ်မှာ သူ့လိုဂန္ထဝင်တစ်ဦးကို ရခဲ့တာက ကံကောင်းပါတယ်။ သူ့ရဲ့အရည်အသွေး၊ သူ့ရဲ့ကျွမ်းကျင်မှုတွေနဲ့ လက်ဆောင်အဖြစ်ပေးပါတယ်”လို့ ပွဲအပြီးမှာ ပြောခဲ့တာပါ။

ဒါအပြင် အန်ဆယ်လော့တီဟာ မိုဒရစ်ကို အေစီမီလန်အသင်းဂန္ထဝင် မာလ်ဒီနီနဲ့ နှိုင်းယှဉ်မှုလည်း ပြုလုပ်ခဲ့ပါ တယ်။

အသက် ၃၉ နှစ်အရွယ်ရှိ မိုဒရစ်ဟာ ဒီရာသီမှာ ရီးရယ်လ်အသင်းအတွက် လူစားဝင်အဖြစ်သာ အများဆုံး ပါဝင် နေရပေမယ့် အသင်းရဲ့ အဝတ်လဲခန်းထဲမှာ အရေးပါတဲ့သူ တစ်ဦးအဖြစ် ဆက်ပြီးရှိနေတာပါ။

၂၀၁၂ ခုနှစ်ကတည်းက ရီးရယ်လ်အသင်းကို ရောက်ရှိလာပြီး ဆုဖလားပေါင်း ၂၈ ခုအထိ ရယူထားတဲ့ မိုဒရစ်ရဲ့ စာချုပ်ဟာ ဒီရာသီကုန်ရင် ကုန်ဆုံးပြီဖြစ်ပါတယ်။

သတင်းတွေမှာတော့ ရီးရယ်လ်အသင်းဟာ မိုဒရစ်ကို နောက်ထပ် တစ်နှစ်သက်တမ်းတိုးဖို့ ရှိနေတယ်လို့ ဖော်ပြ ထားတာပါ။

မိုဒရစ်ကတော့ ဘာနေဗျူးမှာ ဂိုးသွင်းရတာဟာ ထူးခြားပြီး အသင်းအနေနဲ့ လက်ရှိပြသနေတဲ့ ပုံစံအတိုင်း ဆက်ထိန်းကာ ဒီထက်ပိုပြီး တိုးတက်နိုင်သေးတယ်လို့ ထင်ကြောင်း ပြောခဲ့ပါတယ်။

ရီးရယ်လ်အသင်းဟာ ဂျီရိုနာအသင်းကို အနိုင်ရရှိခဲ့တာကြောင့် လာလီဂါ အမှတ်ပေးဇယားအဆင့် ၁ နေရာမှာ ရပ်တည်နေတဲ့ ဘာစီလိုနာအသင်းနဲ့ ရမှတ်တူ အဆင့် ၂ နေရာမှာ ရပ်တည်နေတာပါ။

ရီးရယ်လ်အသင်းဟာ ကြားရက်ထဲမှာ ကိုပါဒယ်ရေးဖလား ဆီမီးဖိုင်နယ် ပထမအကျော့ပွဲစဉ်အဖြစ် ဆိုစီဒက် အသင်း အိမ်ကွင်းသွားရောက် ယှဉ်ပြိုင်ရမှာ ဖြစ်ပါတယ်။

Source: CNA

ပုံ - မိုဒရစ်ကို တွေ့ရစဉ်

#ဘောလုံးသတင်းစုံ

ကျားဖျန့်နှိမ်နင်းရေး အရှိန်မြှင့်တင်ပြီးနောက် ရန်ကုန်တွင် လုံးချင်းအိမ်ငှားသော တရုတ်နိုင်ငံသား အရေအတွက် တိုးလာ

ဖေဖော်ဝါရီ ၂၄

ထိုင်း-မြန်မာနယ်စပ်တွင် ကျားဖျန့်နှိမ်နင်းရေးအရှိန်မြှင့်တင်ပြီးနောက် ရန်ကုန်တွင် လုံးချင်း အိမ်ငှားသော တရုတ် နိုင်ငံသားအရေအတွက် တိုးလာကြောင်း လွှတ်တော်ကိုယ်စားလှယ်ဟောင်းတစ်ဦး၏ ပြောပြချက်အရ သိရသည်။

ကရင်ပြည်နယ် မြဝတီမြို့-ရွှေကုက္ကိုနှင့် KK Park နယ်မြေတို့တွင် တရားမဝင်အွန်လိုင်း လောင်း ကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုကျူးခဲ့ကြသူများကို စစ်ဆေးဖော်ထုတ်လျက်ရှိပြီး ၎င်း တို့ကို သက်ဆိုင်ရာနိုင်ငံ များသို့ ပြန်လည်လွှဲပြောင်းနိုင်ရန် တာဝန်ရှိသူများက ဆောင်ရွက်နေကြောင်း သိရသည်။ ထိုသို့ ဆောင်ရွက်လျက် ရှိရာ နယ်စပ်ဒေသအခြေပြုကျားဖျန့်လုပ်ငန်းအချို့သည် ရန်ကုန်မြို့အထိ ခြေဆန့်လာကြောင်း စုံစမ်းသိရှိရသည်။

“မင်္ဂလာဒုံထဲမှာကိုပဲ ရက်ပိုင်းအတွင်းမှာ လုံးချင်းအိမ်ငှားတာ တရုတ်တွေပဲ။ ဗမာစကားတွေလည်း လုံးဝ မတတ်ကြဘူး။ မြဝတီဘက်ကလား၊ လားရှိုးဘက်ကလားတော့ သေချာမပြောတတ်ဘူး။ အဲဒါတွေကို သက်ဆိုင်ရာ ရပ်ကွက်အုပ်ချုပ်ရေးမှူး၊ ကျေးရွာအုပ်ချုပ်ရေးမှူးတို့က သေချာလေး ဧည့်စာရင်းတွေ ဘာတွေကော စစ်ရဲ့လား။ အဲဒါလေးတွေကတော့ အောက်ခြေအာဏာပိုင်အဖွဲ့အစည်းတွေက လုပ်ဖို့လိုတယ်။ ရန်ကုန်မြို့ထဲမကြည့်နဲ့ အန်ကယ်နေတဲ့နေရာက အလွန်ခေါင်တဲ့နေရာ။ အဲဒီမှာကို လုံး ချင်းအိမ်တွေမှာ လာငှားတဲ့တရုတ်တွေ စစ်ရှောင် လား၊ ကျားဖျန့်လားတော့မသိဘူး။ (၄၊ ၅) အိမ်တွေ့ ရတယ်။ အန်ကယ့်ပတ်ဝန်းကျင်လေးတွေမှာကို အခုရက်ပိုင်း အတွင်းမှာ များလာတယ်ဆိုတာ ရဲရဲတင်း တင်းပြောရဲတယ်” ဟု လွှတ်တော်ကိုယ်စားလှယ်ဟောင်းတစ်ဦးက ပြောသည်။

မြို့ကြီးများရှိ မြို့အဝင်ဂိတ်များ၌ တာဝန်ကျသည့်လုံခြုံရေးအဖွဲ့အစည်းများက ခရီးသွားရန် လိုအပ်သော အထောက်အထားများကို စစ်ဆေးခြင်းနှင့် သက်ဆိုင်ရာရပ်/ကျေးအုပ်ချုပ်ရေးမှူးများက လည်း ဧည့်စာရင်းစစ် ခြင်းတို့ကို ယခုရက်ပိုင်းအတွင်း ပိုမိုတင်းကြပ်စွာဆောင်ရွက်သင့်ကြောင်းလည်း ၎င်းက အကြံပြုထားသည်။

“တာဝန်ကျတဲ့ဂိတ်တွေမှာရော ၊ သက်ဆိုင်ရာ ရပ်ကျေးတွေမှာရော အခုရက်ပိုင်းမှာ ဟန်ချက်ညီလုပ်ရမှာ။ ဟန်ချက်ညီဆိုတာ ကျားဖျန့်ကိစ္စတွေပေါ်နေတယ်။ ပေါ်နေတာကို ကိုယ့်ရဲ့ပြည်တွင်းက လူတွေ ရန်ကုန်လို မြို့ကြီး တွေ၊ မန္တလေးတို့ တခြားမြို့တွေက ဧည့်စာရင်းစစ်တာတွေကို တစ်ပြိုင်နက် ဒီအချိန်မှာပိုပြီးတော့ ဖိရမယ့် အနေအထားရှိတယ်။ အဲဒါမျိုးလုပ်တာတွေ မတွေ့ရဘူး။ အန်ကယ်အကြံပြုတာပါ” ဟု ၎င်းက ဆက်လက် ပြောသည်။

နိုင်ငံတော်အစိုးရအနေဖြင့် မြန်မာနိုင်ငံ၏ နယ်စပ်ဒေသများတွင်လည်း တရားမဝင်အွန်လိုင်း လောင်းကစားနှင့် ငွေကြေးလိမ်လည်မှုလုပ်ငန်းများကို တားဆီးကာကွယ်တိုက်ဖျက်နိုင်ရန် အိမ်နီးချင်း နိုင်ငံများအပါအဝင် နိုင်ငံတကာမှ အဖွဲ့အစည်းများနှင့်ပူးပေါင်း၍ စုံစမ်းဖော်ထုတ်အရေးယူမှုများကို ဆက်လက်ဆောင်ရွက်မည် ဖြစ်ကြောင်း နစက က ထုတ်ပြန်ထားသည်။

#သတင်းဟင်းလေးအိုးကြီး

အလုပ်သမားအေဂျင်စီတစ်ခုလျှင် လိုင်စင်ကြေး သိန်း (၅၀ဝဝ)ထည့်ရန် မလိုကြောင်း MOEAF က ဖြေရှင်း

ဖေဖော်ဝါရီ ၂၄

အေဂျင်စီတစ်ခုလျှင် လိုင်စင်ကြေး သိန်း (၅၀ဝဝ)ထည့်ရန်မလိုကြောင်း ရှင်းပြနေသော်လည်း သတင်းမှားများ ဆက်ထွက်နေသည်ဟု မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအဖွဲ့ချုပ် (MOEAF) ထံမှ သိရသည်။

လက်ရှိတွင် အေဂျင်စီတစ်ခုလျှင် လိုင်စင်ကြေးအဖြစ် ငွေကျပ်သိန်း(၅၀ဝဝ)ထည့်ရမည်ဟု အလုပ်သမားဝန်ကြီးက ညွှန်ကြားထားကြောင်း အင်တာနက်လူမှုကွန်ရက်စာမျက်နှာများတွင် ယခုရက်ပိုင်းအတွင်း ပျံ့နှံ့နေခြင်းဖြစ်သည်။

ပြည်ပအလုပ်အကိုင်အေဂျင်စီများ၏ လိုင်စင်ကြေးကို ငွေကျပ်သိန်း(၂၅၀)သတ်မှတ်ထားပြီး ထိုင်း လိုင်စင်အတွက် သိန်း(၃၅၀)သတ်မှတ်ထားရာ လက်ရှိတွင်လည်း ပြောင်းလဲမှုမရှိကြောင်း သိရသည်။ “အေဂျင်စီတွေအကုန်လုံးကို လည်း အစည်းအဝေးလုပ်ပြီး ရှင်းပြပြီးပါပြီ။ အရင်အတိုင်းပါပဲ။ လက်ရှိအထိသည် ဘာမှအပြောင်းအလဲ မရှိသေးပါဘူး။ အခုလောလောဆယ်တော့ ထပ်တိုးဖို့တွေဘာ တွေလည်းမပြောသေးပါဘူး။ ဒါပေမဲ့ သတင်းတွေမှာ တော့ ပြောင်းတယ်ပြောင်းတယ်ဆိုပြီး တောက် လျှောက်တွေတက်လာတယ်။ အမှန်ကတော့ အစည်းအဝေး လုပ်တဲ့အချိန်မှာလည်း အဲဒါတွေဘာမှဆွေး နွေးတာမျိုးမရှိပါဘူး။ ဒီသတင်းကမဟုတ်ပါဘူး” ဟု MOEAF မှ တာဝန်ရှိသူတစ်ဦးက ပြောသည်။

လက်ရှိတွင် ပြည်ပသို့အလုပ်သမားစေလွှတ်မှု ခေတ္တဆိုင်းငံ့ထားရသည့်အချိန်၌ အဆိုပါသတင်းများကို အခြား‌အေဂျင်စီများမှ သတင်းဖွကြခြင်းမျိုးဖြစ်ကြောင်း ပြည်ပအလုပ်အကိုင်ဝန်ဆောင်မှုလုပ်ငန်းရှင်ကြီးတစ်ဦးက ပြောသည်။

“ဖေဖော်ဝါရီ (၁၅)ရက်က ဝန်ကြီးနဲ့ အမှုဆောင်တွေ အစည်းအဝေးပြီးတဲ့နေ့မှာပဲ အဲဒီသတင်းကို ဖွကြတာ။ တကယ်တမ်းတော့ အစည်းအဝေးမှာလည်း ဝန်ကြီးက သိန်း (၅၀ဝဝ) ဆိုတဲ့စကားကို လုံးဝမပြောပါဘူး။ ထိုင်းမှာရှိတဲ့ ထိုင်း‌‌အေးဂျင့်တွေက လိုင်စင်လျှောက်တာ ဘတ်(၅)သန်းသွင်းရတယ်ဆိုတာကို ပြောပြတာပါ။ မြန်မာပြည်အေဂျင်စီတွေက အဲဒီလောက်လည်း သွင်းစရာမလိုဘူး။ မှန်မှန်ကန် ကန်လုပ်ဖို့လိုတယ်။ ဝန်ကြီး ကတော့ အလုပ်သမားအကျိုးအတွက် ရည်ရွယ်ပြီးပြောတာ။ လိုင်စင်ကြေး ကို သိန်း(၅၀ဝဝ) ဘတ်(၅)သန်း နဲ့ ညီမျှတာ မျိုးသွင်းရမယ်လို့မပြောပါဘူး။ ထိုင်းဆိုရင် လိုင်စင်ကြေး များတယ်။ မြန်မာပြည်မှာကျတော့ အလုပ်သမားတွေ အလိမ်ခံရတယ်ဆိုရင် အေဂျင်စီတွေက ဘယ်လိုလျော်မလဲပေါ့။ အေဂျင်စီဆိုလည်း မကောင်းတဲ့ အေဂျင်စီကိုအရေးယူမယ်။ မှန်ကန်တဲ့အေဂျင်စီပဲ ထားမယ်။ ဒါမျိုးပဲပြောတာပါ” ဟု ၎င်းက ပြောသည်။

#centralnewsnaypyitaw

ခေတ်သစ်ဂန္ထဝင်တွေအတွက် ဖလားလိုတယ်လို့ ဆာလက်ပြော

ဖေဖော်ဝါရီ ၂၄

လီဗာပူးလ်အသင်းဟာ မန်စီးတီးအသင်းကို ၂ ဂိုး-ဂိုးမရှိနဲ့ အနိုင်ရခဲ့ပြီးနောက် တောင်ပံကစားသမား ဆာလက်က အသင်းရဲ့ခေတ်သစ် ဂန္ထဝင်တွေအတွက် နောက်ထပ်ဆုဖလား လိုအပ်တယ်လို့ ပြောခဲ့ပါတယ်။

ဆာလက်က “ဒုတိယမြောက် ပရီးမီးယားလိဂ်ဖလား ရယူဖို့နီးစပ်နေပြီလို့ ကျနော် မပြောပါဘူး။ သေချာတာ ကတော့ ကျနော်တို့အတွက် နောက်ထပ်ဆုဖလား လိုအပ်ပါတယ်။ ကျနော်နဲ့ အသင်းမှာရှိတဲ့ ကစားသမားကြီး တွေအတွက် ကျနော်တို့ နောက်ထပ်ဆုဖလား လိုအပ်ပါတယ်။ ဒီအတွက် ကျနော်တို့ အကောင်းဆုံး လုပ်ဆောင် သွားမှာပါ”လို့ ပြောခဲ့ပါတယ်။

လီဗာပူးလ်အသင်းဟာ မန်စီးတီးအသင်းကို အနိုင်ရခဲ့ပြီးနောက် ပရီးမီးယားလိဂ် အမှတ်ပေးဇယား အဆင့် ၂ နေရာမှာ ရပ်တည်နေတဲ့ အာဆင်နယ်အသင်းထက် ၁ ပွဲ ပိုကစားထားပြီး ရမှတ် ၁၁ မှတ်အသာနဲ့ အမှတ်ပေး ဇယား ထိပ်ဆုံးနေရာမှာ ရပ်တည်နေတာပါ။

အဲဒါကြောင့် လီဗာပူးလ်အသင်းဟာ ဒီရာသီ ပရီးမီးယားလိဂ် ဆုဖလားကို ရယူနိုင်ဖို့ နီးစပ်နေပြီဖြစ်ပါတယ်။

ဆာလက်ဟာ ဒီရာသီမှာ လီဗာပူးလ်အသင်းအတွက် ခြေစွမ်းပြသနေပြီး မန်စီးတီးအသင်းကို အနိုင်ရခဲ့တဲ့ပွဲမှာ ၁ ဂိုးသွင်းပြီး ၁ ဂိုးဖန်တီးခဲ့တာပါ။

ဆာလက်ဟာ မန်စီးတီးအသင်းနဲ့ပွဲက သွင်းဂိုးကြောင့် ဒီရာသီ ပရီးမီးယားလိဂ်ပြိုင်ပွဲမှာ သွင်းဂိုး ၂၅ ဂိုးနဲ့ ဂိုးသွင်း အများဆုံးစာရင်းရဲ့ ထိပ်ဆုံးနေရာမှာ ရပ်တည်နေတာ ဖြစ်ပါတယ်။

ဒါအပြင် ဆာလက်ဟာ ဥရောပထိပ်တန်း ၅ လိဂ်ထဲမှာ ဂိုးပါဝင်ပတ်သက်မှု ၅၀ ပြည့်တဲ့ ပထမဆုံး ကစားသမား လည်း ဖြစ်လာခဲ့တာပါ။

ဆာလက်ဟာ ဒီရာသီကုန်ရင် လီဗာပူးလ်အသင်းနဲ့ စာချုပ်ကုန်ဆုံးမှာဖြစ်ပြီး သူ့ရဲ့အနာဂတ် မရေမရာ ဖြစ်နေပေမယ့် ဒီရာသီက သူအနှစ်သက်ဆုံး ရာသီလို့လည်း ပြောခဲ့ပါတယ်။

ဒီရာသီ ပရီးမီးယားလိဂ်ပွဲစဉ် ၂၇ ပွဲ ကစားအပြီးမှာ ၁ ပွဲသာ အရေးနိမ့်ထားတဲ့ လီဗာပူးလ်အသင်းဟာ ကြားရက် ထဲမှာ လိဂ်ပွဲစဉ်အဖြစ် နယူးကာဆယ်အသင်းကို အိမ်ကွင်းယှဉ်ပြိုင်ရမှာ ဖြစ်ပါတယ်။

Source: ESPN

ပုံ - လီဗာပူးလ်အသင်းနဲ့ မန်စီးတီးအသင်း ယှဉ်ပြိုင်နေစဉ်

#ဘောလုံးသတင်းစုံ

ဝန်ထမ်းအဖွဲ့အစည်းအကြီးအမှူး ခန့်ထားခြင်း

#centralnewsnaypyitaw

hairstyle

အောင်မင်္ဂလာလမ်းရှိ စရိသီလိုက်မာ ကာလီယမ္မာန်မယ်တော်ကြီးဘုရားကျောင်း မီးနင်းပွဲတော်ကို စည်ကား သိုက်မြိုက်စွာကျင်းပခဲ့

ဖေဖော်ဝါရီ ၂၄

တာမွေမြိုနယ်၊ အောင်မင်္ဂလာလမ်းရှိ “စရီသီလိုက်မာ ကာလီယမ္မာန်မယ်တော်ကြီး” ဘုရားကျောင်းမှာ ဟိန္ဒူဘာသာဝင်တွေရဲ့ ယုံကြည်ကိုးကွယ်ရာ မီးနင်းပွဲ‌တော်ကို တော့ နှစ်စဉ် စဉ်ဆက်မပြတ် ကျင်းပခဲ့ရာ ဖေဖော်ဝါရီ ၂၃ ရက် ညနေပိုင်းက စည်ကားသိုက်မြိုက်စွာ ကျင်းပခဲ့တာဖြစ်ပါတယ်။

“ညီမ အဓိဌာန်ထားတဲ့ အရာလေး အောင်မြင်မှုရရှိခဲ့တဲ့ အတွက် နှစ်စဉ် ကိုယ့်ရိုးရာကို ကန်တော့တဲ့အနေနဲ့ နနွင်းဝတ်ပြီး အပ်ထိုးပြီးတော့ မီးနင်းတာပါ။ ညီမ ဒီလိုအဓိဌာန်ပြီးတော့ မီးနင်းတာဆိုရင်တော့ ၄ နှစ် ရှိပါပြီ။ မီးနင်းပွဲ ကာလရောက်ရင် ဘယ်လိုအဆင်မပြေမှုတွေဘဲ ဖြစ်ဖြစ် ပွဲတော်နားနီးရင် အဆင်ပြေသွားပါတယ်။ မယ်တော်က ဆုတောင်းက အရမ်းလည်းပြည့်ပါတယ် ” လို့ မီးနင်းသူတစ်ဦးက ပြောပါတယ်။

ဒီဘုရားပွဲတော်မှာတော့ လူမျိုးဘာသာမရွေး ကိုယ်ရဲ့ ကိုးကွယ်ယုံကြည်မှုနဲ့အတူ အဓိဌာန်ဝင် ဥပုသ်စောင့်ပြီး မီးနင်းခဲ့ကြတာလည်းဖြစ်ပါတယ်။ အောင်မင်္ဂလာဘုရားပွဲကာလအနေနဲ့ ဖေဖော်ဝါရီ ၁၄ ရက်ကနေ ဖေဖော်ဝါရီ ၂၃ ရက်အထိ ၁၀ ရက်တိုင်တိုင်ကိုတော့ သားသတ်လွတ် စတုဒိသာအလှူ ကျွေးမွေးခဲ့တာလည်း ဖြစ်ပါတယ်။

အဓိဌာန်အောင်မြင်သူတွေက မီးနင်းပွဲတော်မှာ ဥပုသ်သီလစောင့်ယူပြီးတော့ နနွင်းဝတ် ဝတ်ဆင်ထားသူ လူဦးရေ အယောက် ၃၀၀ ကတော့ မယ်တော်ကြီးကို ရည်စူးပြီး ခန္ဓာကိုယ်မှာ သံချွန်တွေနဲ့ထိုးပြီး ကလေးငယ်ကိုချီတာ စတာတွေနဲ့ မီးနင်းခဲ့ကြတာလည်းဖြစ်ပါတယ်။

ဒီမီးနင်းပွဲတော်ရက်ဆိုရင်တော့ အလှဆင်ထားတဲ့ နွားချောကြီးတွေနဲ့ ဘုရားတင်ပြီးလှည့်လည်သလို အောင်မင်္ဂလာလမ်းမကြီးဟာ လုံးဝစည်စည်ကားကားနဲ့ လာ ရောက်လည်ပတ်သူတွေကိုလည်း ဖာလူဒါ ၊ အအေး၊ ရေသန့်စတာတွေကို ဒါနကုသိုလ်ပြု လှူဒါန်းခဲ့ကြပါတယ်။
ကိုဗစ်ကာလအတွင်းက မီးနင်းပွဲကို ကျင်းပခဲ့တာ မရှိခဲ့ဘဲ ပြီးခဲ့တဲ့ ၂၀၂၄ ခုနှစ်က ပြန်လည်ပြီး မီးနင်းပွဲတော် ကျင်းပခဲ့တာဖြစ်ပြီးတော့ လူဦးရေ အယောက် ၂၀၀ သာ ပါဝင်မီးနင်းခဲ့ကြသလို ယခု ၂၀၂၅ ခုနှစ်မှာတော့ လူဦး ရေ ၃၀၀ ပါဝင်ဆင်နွှဲခဲ့ကြတာလည်းဖြစ်ပါတယ်။

ဒါ့ပြင် အဆိုပါ ကျောင်းမှာ ပြီးခဲ့တဲ့ ၂၀၂၄ ခုနှစ်ဒီဇင်ဘာ ၂၉ ရက် ညနေပိုင်းကလည်း တတိယအကြိမ်မြောက် စရီအယပ္ပါးဆွာမိ အထူးပူဇော်ပွဲကြီးကို ကျင်းပခဲ့ပါသေးတယ်။

Credit - MT News Agency

#သတင်းဟင်းလေးအိုးကြီး

တောသားတွေရဲ့ ဖေးဖရိတ် ဟီးရိုး