လိပ်နှင့် လင်းယုန်ငှက်ပုံပြင်

တစ်ခါသော် လိပ်တစ်ကောင်သည် မြေနှင့်ရေ၌သာ သွားလာနေထိုင် ရခြင်းကို ငြီးငွေ့လာသည်။ ကောင်းကင်မှနေ၍ ကမ္ဘာလောကကြီးကို ကြည့်ရှု လိုသောဆန္ဒ ဖြစ်ပေါ်လာ၏။

ထို့ကြောင့် သူသည် ကြေညာချက်တစ်ရပ် ထုတ်ပြန်လိုက်သည်။ ကြေညာချက်တွင် သူ့ကို ကောင်းကင်ထက်သို့ သယ်ဆောင်လျက် ကမ္ဘာ လောကကြီးကို ပြသနိုင်သူအား ဆုအဖြစ် မြေအောက်တစ်နေရာ၌ သိုဝှက်ထား သော ကျောက်မျက်ရတနာများ ပေးအပ်မည်ဖြစ်ကြောင်း ပါရှိသည်။

ဤတွင် လင်းယုန်ငှက်တစ်ကောင် ရောက်ရှိလာသည်။ လိပ်ကို ကောင်းကင်ထက်သို့ သယ်ဆောင်လျက် ကမ္ဘာလောကကြီးကို ပြသ၏။ ထို့နောက် မြေသို့ ပြန်မရောက်မီ လိပ်အား လင်းယုန်ငှက်က သူ့ကို ပေးအပ်မည် ဆိုသော ကျောက်မျက်ရတနာတို့ မည်သည့်အရပ်၌ ထားရှိပါသနည်း ဟူ၍ မေးမြန်းသည်။

လိပ်သည် ကျောက်မျက်ရတနာတို့ ထားရာအရပ်ကို မည်သည့်အခါ ကမျှ မသိချေ။ လင်းယုန်ငှက်၏မေးမြန်းချက်ကို ဖြေဆိုခြင်းမပြုနိုင်။ ထိုအခါလင်းယုန်ငှက်သည် ကတိမတည်သောလိပ်အား သယ်ဆောင်ထားရာမှ မြေပြင် သို့ လွှတ်ချလိုက်လေသည်။ လိပ်သည် ကျောက်တောင်များပေါ်သို့ကျကာ အစိတ်စိတ်အမြွှာမြွှာ ကွဲကြေ၍ သေဆုံးသွားလေသတည်း။

#ကမ္ဘာကျော်အီစွတ်ပုံပြင်များ