" ပိုးဖလံလေးတစ်ကောင်
သူ့အတောင်ပံတွေကို ချွတ်ချလိုက်သလိုပေါ့။
ဘေးလူတွေ အမြင်မှာ ပေါ့ပါးနေပေမယ့်
သူ့လေးလံဖိစီးမှုနဲ့သူပါ ခင်ဖုန်းသက်ဝေ။
ဒီလိုကြောင့်သာ
ကျွန်တော် မီးကို ရှာဖွေတွေ့ရှိခဲ့ပါတယ်
“ကန်သုံးဆင့်” ကို
ရောက်ဖြစ်ခဲ့သေးတယ်။
ရေလှိုင်းလားရာအတိုင်း
ရေညှိပင်လေးတွေ ဆက်လက်ရွေ့လျားနေကြ။
ရေလယ်ကျွန်းက ငှက်တွေ
အရင်လို တေးသီဖောင်ဖွဲ့နေကြ။
တံတားပျက်ကြီးရဲ့လက်ကျန်တိုင်တွေက
ရေလယ်မှာ ထိုးထိုးထောင်ထောင်နဲ့
လှမ်းပြီး နှုတ်ဆက်တယ်။
အင်မတန် အထီးကျန်လှပေမယ့်
ခုထိ လဲပြိုခွင့်မရသေးပါဘူးကွာ တဲ့။
တချို့လူတွေအတွက်
လမ်းခွဲတယ်ဆိုတာ လွယ်လွန်းပါတယ်
ကိုယ့်အအေးဖိုး ကိုယ်ရှင်းပြီး ထပြန်ကြရုံပါပဲ။
ခက်တယ် ခင်ဖုန်းသက်ဝေရယ် "
▪️သန်းတင့်▪️
Like
Comment
Share
