ဇူလိုင်လမှာ ကြည့်စရာ
တင်နက်ဆီပြည်နယ် နက်ရှဗီးမြို့မှာ ကျင်းပမယ့် UFC on ESPN 70 ပြိုင်ပွဲမှာ Derrick Lewis နဲ့ Tallison Teixeira တို့က ခေါင်ပွဲထိုးမယ်။ အသက်က သားအဖလောက် မကွာပေမယ့် တူဝရီးလောက်ကွာတယ်။ Derrick Lewis က Prime Time လွန်လာပေမယ့် ပါဝါကျန်ပါသေးတယ်။ ဟဲဗီးဝိတ်လောရှည်လေး Tallison Teixeira က လက်စလက်နရှိတယ်။ ဒါကြောင့်မို့ အဆင့်ကျော်ပြီး ကစားခွင့်ရတာပါ။ Derrick Lewis မလွယ်ပါဘူး။
လူဝီစီယားနားပြည်နယ် နယူးအော်လီယန်မြို့မှာ ကျင်းပမယ့် UFC 318 ပြိုင်ပွဲမှာ Max Holloway နဲ့ Dustin Poirier တို့က ခေါင်ပွဲထိုးကြမှာပါ။ Dustin Poirier က The Last Dance လို့ ဆိုထားပြန်တယ်။ နောက်ဆုံးပိတ် အိတ်နဲ့လွယ်မလား။ Max Holloway ကလည်း မာဂုဏ်မြင့်တာမို့ သိပ်မလွယ်လှဘူး။
ယူအေအီးနိုင်ငံ အဘူဒါဘီမြို့မှာ ကျင်းပမယ့် UFC on ABC 9 ပြိုင်ပွဲမှာ Robert Whittaker နဲ့ Reinier de Ridder တို့က ခေါင်ပွဲဖြစ်ပါတယ်။ UFC Fight Night ပြိုင်ပွဲအဆင့်ဆိုပေမယ့် ယူအေအီးနိုင်ငံမှာ ကျင်းပမှာမို့ တခြားနာမည်ကြီးတွဲဆိုင်းတွေထည့်ပြီး ဖွယ်ဖွယ်ရာရာ စီစဉ်ထားတယ်။ သက်တူရွယ်တူဆိုပေမယ့် Robert Whittaker က Prime Time လွန်သွားပါပြီ။ Reinier de Ridder က အခုမှတက်တုန်းပါ။