#နိုင်ငံတကာသတင်း
◼ အမေရိကန်တိုက်ခိုက်မှုကအီရန်နျူစွမ်းပကားများကို မဖျက်ဆီးနိုင်ခဲ့ကြောင်း ထောက်လှမ်းရေးသတင်းဖော်ပြ
အမေရိကန်၏ လေကြောင်းတိုက်ခိုက်မှုများက အီရန်၏ နျူကလီးယား စွမ်း ပကားများကို မဖျက်ဆီးပစ်နိုင်ခဲ့ဘဲ လပိုင်းမျှသာနောက်ဆုတ်သွားစေခဲ့ကြောင်းကနဦးထွက်ပေါ်လာသောအမေရိကန်ထောက်လှမ်းရေးသတင်းတစ်ရပ် က ဖော်ပြခဲ့သည်။
ပေါင် ၃၀၀၀၀ လေးသော ဘန်ကာခွင်းဗုံးများကို အမေရိကန်က ကြဲချခဲ့ပြီးနောက် အီရန် ၏ နျူကလီးယားအစီ အစဉ် လုံးဝကြေမွပျက်စီးသွားပြီဖြစ် ကြောင်း ထရန့် က သီတင်းပတ်ကုန်တွင် ပြောကြားသည်။
သို့သော် ယင်းသို့ ပြောဆိုမှုမှာ အမေရိကန်ထောက်လှမ်းရေးဌာနတစ်ခုထံမှ ထွက်ပေါ်လာသည့် ကနဦး အ ကဲ ဖြတ်ချက် နှင့် ဆန့်ကျင်နေကြောင်း ယင်းကိစ္စကို သိရှိထားသော သတင်းရင်းမြစ် သုံးဦးက ပြောကြားသည်။
အီရန်၏ သန့်စင်ပြီးသား ယူရေနီယံများကို ရှင်းလင်းပစ်နိုင်ခဲ့ခြင်းမရှိကြောင်း နှင့် အများအားဖြင့် နက်ရှိုင်းသော မြေအောက်စခန်းများတွင်လုပ်ဆောင်နေသော အီရန်၏ နျူကလီးယားအစီအစဉ်အား တစ်လ၊ နှစ်လ ခန့်သာ နောက် ဆုတ်သွားစေခဲ့ကြောင်း သတင်းရင်းမြစ် တစ်ဦးက ဆိုသည်။
ထောက်လှမ်းရေးအကဲဖြတ်ချက်မှာ လုံးဝ မှားယွင်းကြောင်း အိမ်ဖြူတော်က ပြောသည်။
သို့ရာတွင်အမေရိ ကန်ကာ ကွယ်ရေးထောက်လှမ်းရေးအေဂျင်စီ က ထုတ်ပြန်ခဲ့သောအစီရင်ခံစာအရ အ မေ ရိကန်၏ တိုက် ခိုက်မှုများသည် စခန်းနှစ်ခု၏ ဝင်ပေါက်ကို ပိတ်သွားစေခဲ့သော်လည်း မြေအောက် အ ဆောက် အဦးများအား ပြိုကျသွားစေခဲ့ခြင်း မရှိဟု ဖော်ပြထားကြောင်း သတင်းရင်းမြစ်တစ်ဦး က ပြောသည်။
ထို့ပြင် ထရန့်အစိုးရက ကုလသမဂ္ဂလုံခြုံရေးကောင်စီအား တင်ပြရာ၌လည်း ၎င်းတို့၏ တိုက်ခိုက်မှုများကြောင့် အီရန် နျူကလီးယားစခန်းများအား အဆင့်နိမ့်သွားစေခဲ့ကြောင်း သာ ပြောကြားပြီး ဒေါ်နယ်ထရန့် ပြောသကဲ့သို့ ကြေမွသွားသည်ဆိုသော အသုံးအနှုန်းအထိ မပြောခဲ့ပေ။
တိုက်ခိုက်မှု ဖြစ်ပြီးနောက်တွင်လည်း ယူရေနီယံသန့်စင်စက်အချို့ အကောင်းအတိုင်း ကျန်ရှိနေခဲ့ကြောင်း အစီ ရင်ခံစာအကြောင်း သိရှိသော အမည်မဖော်လိုသည့် သတင်းရင်းမြစ် တစ်ဦးအား ကိုးကား၍ ဝါရှင်တန်ပို့စ်သတင်း က ဖော် ပြသည်။
၎င်းကြေညာခဲ့သော အပစ်အခတ်ရပ်စဲမှုအား ချိုးဖောက်ခဲ့ခြင်းအတွက် နှစ်ဖက်စလုံးကို ဒေါ်နယ်ထရန့်က လူ သိ ရှင်ကြား ကြိမ်းမောင်းပြောဆိုခဲ့ပြီးနောက် နှစ်ဖက်ကြား လေကြောင်းစစ်ပွဲ အဆုံးသတ်သွားပြီဖြစ်ကြောင်း အီ ရန်နှင့် အစ္စရေး တို့က ကြေညာခဲ့ကြသည်။
အီရန်၏ နျူကလီးယားစခန်းများအား အမေရိကန်က အစ္စရေးနှင့် ပူးပေါင်းတိုက်ခိုက်ခဲ့သည့် ၁၂ ရက် ကြာ စစ် ပွဲပြီးနောက် နှစ်နိုင်ငံစလုံးက အရပ်ဖက်ဆိုင်ရာ ကန့်သတ်မှုများအား ဖယ်ရှားလိုက်ကြပြီဖြစ်ကာ အောင် ပွဲရခဲ့ကြောင်း နှစ်ဖက်စလုံးက ပြောဆိုနေကြသည်။
အီရန်အပေါ် တိုက်ခိုက်မှုများသည် နျူကလီးယားဖြင့် တိုက်ခိုက်ဖျက်ဆီးခံရမည့် ခြိမ်းခြောက်မှုကို ဖယ်ရှားခဲ့ ကြောင်း နှင့် နျူလက်နက်အစီအစဉ်အား ပြန်လည်စတင်ရေး အီရန်၏ ကြိုးပမ်းမှုမှန်သမျှကို တားဆီးရန် အစ္စ ရေးက ပိုင်းဖြတ်ထားကြောင်း အစ္စရေးဝန်ကြီးချုပ် နေတန်ယာဟု က ယမန်နေ့တွင် ပြောကြားသည်။
တစ်ဖက်တွင်လည်း အီရန်နိုင်ငံ က ကြီးမားသောအောင်ပွဲတစ်ရပ်ဖြင့် စစ်ပွဲအား အဆုံးသတ်နိုင်ခဲ့ကြောင်း အီရန် သမ္မတ မာဆွတ်ပီဇက်ကီယန် က ပြောကြားသည်ကို အီရန်မီဒီယာများက ဖော်ပြသည်။
အမေရိကန်နှင့်သဘောထားကွဲပြားမှုများကို ဖြေရှင်းရန် အီရန်က အသင့်ရှိကြောင်း အီရန်သမ္မတ က ဆော်ဒီ အိမ်ရှေ့မင်းသား မိုဟာမက်ဘင်ဆယ်လ်မန်အား ပြောကြားခဲ့သည်ဟုလည်း အီရန်အစိုးရ IRNA သတင်းဌာနက ဖော် ပြသည်။
ဇွန် ၁၃ ရက်တွင် အစ္စရေးက အီရန်အား အလစ်အငိုက် လေကြောင်းတိုက်ခိုက်မှုကို စတင်ခဲ့ပြီး အီရန်စစ်ဘက် ထိပ်တန်းတပ်မှူးများ နှင့် ထိပ်တန်း နျူက လီးယားသိပ္ပံပညာရှင်များကိုလည်း သုတ်သင်ခဲ့ကာ ၁၉၈၀ ပြည့်လွန် နှစ်များက အီရန်-အီရတ်စစ်ပွဲနောက်ပိုင်း အကြီးမားဆုံး ထိုးနှက်ခဲ့သည်။
အီရန်ကလည်း အစ္စရေး၏ စစ်စခန်းများနှင့် မြို့ကြီးများအား ဒုံးကျည်များဖြင့် တစ်သုတ်ပြီးတစ်သုတ် ပစ် လွှတ် တိုက်ခိုက် တုံ့ပြန်ခဲ့သည်။
အစ္စရေးတိုက်ခိုက်မှုများကြောင့် အီရန်တွင် လူပေါင်း ၆၁၀ ဦး သေဆုံးခဲ့ကာ ၄၇၄၆ ဦး ဒဏ်ရာရရှိခဲ့ကြောင်း အီ ရန်အာဏာပိုင်များက ပြောသည်။
အီရန်၏ လက်တုံ့ပြန်တိုက်ခိုက်မှုများကြောင့် အစ္စရေးတွင်လည်း လူပေါင်း ၂၈ ဦး သေဆုံးခဲ့သည်။ ယင်းမှာ အစ္စ ရေး၏ လေကြောင်းကာကွယ်ရေးစနစ်များအား အီရန်ဒုံးကျည် အမြောက်အမြား ပထမဆုံးအကြိမ် ထိုးဖောက် ဝင်ရောက်နိုင်ခဲ့ခြင်းလည်းဖြစ်သည်။
သတင်း-ရဲမင်း
ကိုးကား-Reuters
