ဖြစ်နိုင်ရင်တော့ ဒီစာအုပ်ကို Relationship ထဲမှာ ပါဝင်သူ နှစ်ယောက်စလုံးက ဖတ်ထားသင့်ပါတယ် ။ ဒါပေမဲ့ စိုးရိမ်စရာတော့မရှိပါဘူး ။ တစ်ယောက်ယောက်က ဖတ်မိတဲ့အခါ သေချာပေါက် ကျန်တစ်ယောက်ကို ဖတ်ခိုင်းမှာပါပဲ။
အရောင်မတူတဲ့ Highlighter ၂ ချောင်းဝယ်ထားပြီး သူ့ကို ကိုယ် အဓိကပြောချင်တဲ့အချက်တွေ လိုင်းတားပြီး စာအုပ်ကြားခံထားရင်း ပြောလို့ တောင် ရပါတယ် ။
ကိုယ်ကိုယ်တိုင် မပြောဖြစ်တဲ့စကားတွေကို စာအုပ်က အစားပြောပေးတာမျိုးပေါ့။ ကိုယ့် ကိုယ်ကိုယ် အရိုးသားဆုံး ရှာဖွေတွေ့ရှိစေချင်တာကြောင့် ဒီစာအုပ်ကို နှစ်ယောက်အတူမဖတ်ဘဲ တစ်ယောက်တည်းရှိချိန် ဖတ်စေ ချင်တာပါ ။
ယောက်ျားနဲ့မိန်းမကြားက မတူညီမှုတွေကို အဓိက Highlight လုပ်ပြီး ရေးထားတဲ့စာအုပ်ဖြစ်တာကြောင့် Sterotype ဆန်တာတွေ ပါပါ လိမ့်မယ်။ Black or White ထင်ရှားစေချင်လို့ ရေးတဲ့နေရာမျိုးတွေမှာ Gray parts တွေ မှေးမှိန်နေတာမျိုးတွေ ပါပါလိမ့်မယ်။
ဥပမာ မိန်းမတွေဟာ ယောက်ျားတွေထက် Physical Strength အားနည်းတယ်ဆိုရင် ကျွန်တော် ပြောနေတာက ကမ္ဘာ့အသန်မာဆုံး ကာယဗလမယ်အမျိုးသမီးအကြောင်း မဟုတ်ပါဘူး။ ရိုးရိုးယောက်ျားနဲ့ ရိုးရိုးမိန်းမကို ပြောတာပါ။ယေဘုယျ အများစုကို ဆိုလိုတဲ့သဘောပါ။ယောက်ျားတွေဟာ မိန်းမတွေလောက် Multitasking မကောင်း ဘူးလို့ ပြောရင်လည်း Averageကို ဆိုလိုခြင်းဖြစ်ပါတယ်။ မိန်းမတွေထက် Multitasking ကောင်းတဲ့ ယောက်ျားတွေ တစ်ပုံကြီးရှိနိုင်မှန်း သဘောပေါက်ပါတယ် ။ များသောအားဖြင့်ကို ဆိုလိုခြင်းဖြစ်ပါတယ်။
တချို့စာပိုဒ်တွေဖတ်ရတဲ့အခါ အောင့်သည်းအောင့်သက်ဖြစ်ရတာ တွေရှိပါမယ်။
တချို့အပုဒ်တွေမှာ ကျွန်တော့်ကို စိတ်ဆိုးပါလိမ့်မယ်။
တချို့အပုဒ်တွေမှာ ကိုယ့်ဘေးက လက်တွဲဖော်ကို စိတ်ဆိုးပါလိမ့်မယ် ။ သဘောကျချင်စရာ၊ သဘောတူချင်စရာအချက်တွေကိုချည်းပဲ စာဖတ်သူအကြိုက်ချပြီး ရေးထားတာမဟုတ်လို့ ရေးထားသမျှကို ဟုတ် တယ်၊ မှန်တယ်ချည်းထင်နေတယ်ဆိုရင်တောင် တစ်ခုခုမှားနေပြီ ပြောရမှာပါ။
ဒါပေမဲ့ သေချာပေါက်ပြောနိုင်တာတစ်ခုကတော့
ဒီစာအုပ်ကို ဖတ်ပြီးသွားတဲ့အချိန်မှာRelationslipကို
အရင်က တစ်ခါမှ မမြင်ခဲ့ဖူးတဲ့ ပုံစံတစ်ခုနဲ့ ရှုထောင့်အသစ်ကနေပြောင်းပြီး တန်ဖိုးထားကြည့်မြင်တတ်လာ လိမ့်မယ်ဆိုတာပါပဲ။🌻
#ရာဇာဝိဇယ
#မဖတ်ရမြဲတတ်သည်