#ယနေ့ထုတ်သတင်းစာ_နိုင်ငံတကာသတင်း
◼ အီရန်နှင့်အင်အားကြီးလေးနိုင်ငံ နျူကလီးယားအရေး ဆွေးနွေး
အီရန်နျူကလီးယားအစီအစဉ်နှင့် ပတ်သက်၍ အမေရိကန်အပြင် ဗြိတိန်၊ ပြင်သစ်၊ ဂျာမနီတို့နှင့်တူရကီနိုင်ငံတွင် တွေ့ဆုံ ဆွေးနွေးခဲ့ကြောင်း အီရန်တာဝန်ရှိသူများက မေ ၁၆ ရက်တွင် ပြောသည်။
အဆိုပါ အင်အားကြီးလေးနိုင်ငံမှ ထိပ်တန်းကိုယ်စားလှယ်အဖွဲ့များနှင့် အီရန်တာဝန်ရှိသူများသည် မြို့တော်အစ္စတန်ဘူလ်တွင် တွေ့ဆုံခဲ့ကြပြီး သံတမန်နည်းလမ်းကို အကောင်းဆုံးအသုံးချရန် စိတ်ပိုင်းဖြတ်ထားပြီးနောက်ထပ် ဆွေးနွေးမှုများပြုလုပ်ရန် သဘောတူခဲ့ကြသည်။
အီရန်အနေဖြင့် သဘောတူညီချက်များကို ချိုးဖောက်ပါက ကုလသမဂ္ဂအရေးယူပိတ်ဆို့မှုများ ပြန်လည်အသက်ဝင်စေမည့် ယန္တရားတစ်ခုကို စတင်နိုင်ဖွယ်ရှိကြောင်း ဂျာမနီ၊ ဗြိတိန်နှင့် ပြင်သစ်တို့က လွန်ခဲ့သည့် ဒီဇင်ဘာလတွင် ပြောသည်။
အီရန်၏ နျူကလီးယားအစီအစဉ်ကို တားဆီးရန် ကမ္ဘာ့အင်အားကြီးနိုင်ငံများနှင့် အီရန်တို့အကြား ၂ဝ၁၅ ခုနှစ်ကသဘောတူညီ ချက်ရရှိခဲ့သည်။ သို့သော် သမ္မတဒေါ်နယ်ထရန့်၏ ပထမသက်တမ်းတွင် အမေရိကန်သည် သဘောတူစာချုပ်မှ နုတ်ထွက်ခဲ့ပြီး အီရန်အပေါ် အရေးယူပိတ်ဆို့မှုများ ပြန်လည်ချမှတ်ခဲ့သည်။
လက်ရှိတွင် အီရန်သည် အမေရိကန်နှင့် စေ့စပ်ညှိနှိုင်းမှုများ ဆက်တိုက်ပြုလုပ်ခဲ့ပြီး ဆွေးနွေးပွဲများ အပြုသဘောဆောင်သည်ဟု နှစ်ဖက်စလုံးက ထုတ်ဖော်ပြောဆိုထားသည်။ အီရန်က ယူရေနီယံသန့်စင်မှုများ တိုးမြှင့်လုပ်ဆောင်လာမှုအတွက် စိုးရိမ်ပူပန်ကြောင်း နိုင်ငံတကာအဏုမြူစွမ်းအင်အေဂျင်စီက မကြာသေးမီတွင် သတိပေးထားသည်။
အင်န်အိတ်ချ်ကေ
