Trinity အကြောင်းကိုပြောရမယ်ဆိုရင် အရင်ဆုံး Manhattan Project ကိုအရင်ပြောရပါမယ် ။ ဘာလို့လဲဆို Trinity ဟာ Manhattan Project ရဲ့ တစ်စိတ်တစ်ပိုင်းဖြစ်လို့ပါ ။ Manhattan Project ကို 1942 ခုနှစ်မှာစတင်ခဲ့တယ်လို့ဖော်ပြပါတယ် ။ ဒါပေမဲ့ ဒုတိယ ကမ္ဘာစစ် စတင်ဖြစ်သွားတဲ့ အချိန် 1939 ကတည်းက Manhattan Project ကို စတင်အကောင်အထည်ဖော်နေပြီပဲဖြစ်ပါတယ် ။ Manhattan Project ကို အမေရိကန်ပြည်ထောင်စု ၊ ဗြိတိန်နိုင်ငံ နဲ့ ကနေဒါနိုင်ငံတို့က ပူးပေါင်းလုပ်ဆောင်ခဲ့ခြင်းဖြစ်ပြီး အဓိကရည်ရွယ်ချက်ကတော့ အင်အားကြီးမားလာတဲ့ နာဇီ ဂျာမာန်တွေနဲ့ ဖက်ဆစ် တွေကို တန်ပြန်တိုက်ခိုက်ဖို့ပဲဖြစ်ပါတယ် ။
Manhattan Project ကို အမေရိကန် စစ်အင်ဂျင်နီယာ ဗိုလ်ချုပ်ကြီး Leslie Groves ကဦးဆောင်ပါတယ် ။ နျူးကလီးယားဗုံးတွေပြုလုပ်ခြင်းနဲ့ ဒီဇိုင်းဆွဲခြင်းကိုတော့ Los Alamos Laboratory ကလုပ်ဆောင်ပါတယ် ။ Los Alamos Laboratory ကိုတစ်နည်းအားဖြင့် Project Y လို့လဲခေါ်ပါတယ် ။ နျူးကလီးယား Physics ပညာရှင် Dr . Robert Oppenheimer ကတော့ Los Alamos Laboratory ရဲ့ Director ပဲဖြစ်ပါတယ် ။ Manhattan Project မှာလူပေါင်း 130000 နီးပါး ပါဝင် ပြီး ရုံးချုပ်ကို အမေရိကန် Manhattan မှာ ထားရှိသောကြောင့် Manhattan Project လို့ခေါ်ရခြင်းဖြစ်ပါတယ် ။ Manhattan Project ရဲ့ ဘတ်ဂျက်ကထိုခေတ်က အမေရိကန် US ဒေါ်လာ 2 Billions ရှိပါတယ် ။ ဒီဘက်ခေတ်ငွေကြေးနဲ့ပြန်တွက်ကြည့်မယ်ဆို 24 Billions လောက်ရှိပါတယ် ။ အဲ့ဒီ ဘတ်ဂျတ်တွေရဲ့ 90 ရာခိုင်နှုန်းကို လက်နက်တွေထုတ်ဖို့အတွက်အသုံးပြုခဲ့တာပဲဖြစ်ပါတယ်
Manhattan Project မှာ Atom ဗုံးတွေကို gun type fission weapon နဲ့ implosion type ဆိုပြီး နှစ်မျိုးခွဲပြီးထုတ်ခဲ့ပါတယ် ။ Trinity ကတော့ Implosion ပုံစံဖြစ်ပါတယ် ။ Implosion type ဆိုတာကတော့ ပလူတိုနီယံတွေပေါက်ကွဲတဲ့ပုံစံကိုပြောတာဖြစ်ပြီး ထိုပုံစံကို Gadget လို့လဲခေါ်ပါတယ် ။
Trinity မှာတော့ ယူရေနီယံ နဲ့ ပလူတိုနီယံတွေပါဝင်ဓာတ်ပေါင်းထားပါတယ် ။ ဒီလိုဓာတ်ပေါင်းဖို့ဆို နျူးကလီးယားဓာတ်ပေါင်းဖိုလိုပါတယ် ။ ဒီ နျူးကလီးယား Elements တွေကို ဝါရှင်တန်ပြည်နယ် ကိုလံဘီယာ မြစ်နားမှာရှိတဲ့ Hanford Site နျူးကလီးယားစက်ရုံ ဓာတ်ပေါင်းဖို Chicago Pile -1 မှာ ဓာတ်ပြုသိုလှောင်ခဲ့တာပဲဖြစ်ပါတယ် ။
( ဒီလောက်နဲ့ပဲ ထုတ်လုပ်တဲ့အပိုင်းကိုထားသွားပြီး စမ်းသပ်တဲ့ အပိုင်းကိုသွားပါတော့မယ် )
Trinity ရဲ့ စမ်းသပ်မှုကိုတော့ 1945 July 16 မနက် 5 : 30 မှာ New Mexico Jornada del Muerto ဆိုတဲ့ သဲကန္တာရမှာ ပြုလုပ်ခဲ့ပါတယ် ။ Trinity ရဲ့ ပေါက်ကွဲ ပြင်းထန်မှုဟာ Trinity ကိုတင်ထားတဲ့ စတီး မျှော်စင်ကြီးတစ်ခုလုံးကိုအရည်ပျော်ကျသွားစေခဲ့ပြီး အနီးအနားမှာရှိတဲ့ သဲတွေဟာလဲ ဖန်သားတွေအဖြစ်ပြောင်းလဲသွားခဲ့ပါတယ် ။ Trinity ပေါက်ကွဲမှုမှ ထွက်လာတဲ့ မှိုပုံစံ အငွေ့တွေကိုလဲ မိုင်ပေါင်း 150 ကနေမြင်တွေ့နေရပါတယ် ။ Trinity ရဲ့ ပေါက်ကွဲအားဟာ 25 kilotons of TNT ရှိပါတယ် ။ အဓိပ္ပါယ်ကတော့ TNT မိုင်း 25 kilotons ပေါက်ကွဲတာနဲ့ညီမျှပါတယ် ။
Trinity ဆိုတဲ့ နာမည်ကို Dr Oppenheimer ကိုယ်တိုင်ပေးထားတာဖြစ်ပြီး Trinity ရဲ့ အဓိပ္ပါယ်ကတော့ Father , Son and Holy Spirit တို့ကိုကိုယ်စားပြုပြီးနာမည်ပေးထားတာဖြစ်ပါတယ် ။
Trinity အကြောင်းကတော့ ဒီလောက်ပါပဲ ။