အမေရိကန်ရဲ့ ဟိုင်းမားစ်ဒုံးကျည်စနစ် ထိုင်ဝမ်စစ်တပ် ပထမဆုံးအကြိမ် ပစ်ခတ်လေ့ကျင့်
တိုင်ပေ၊ မေ-၁၃-၂၀၂၅
မျိုးဆက်(VOM)
တရုတ်နိုင်ငံရဲ့ စစ်ရေးဖိအားတွေ တိုးပွားလာချိန်မှာ ထိုင်ဝမ်စစ်တပ်ဟာ အမေရိကန်ထောက်ပံ့ပေးထားတဲ့ ဟိုင်းမားစ် ဒုံးကျည်စနစ်သစ်ကို စမ်းသပ်ပစ်ခတ်မှု လေ့ကျင့်ခန်း ပထမဆုံးအကြိမ် ပြုလုပ်ခဲ့ပါတယ်။
ထိုင်ဝမ်တောင်ပိုင်း ပင်တုံခရိုင်ရှိ စစ်အခြေစိုက်စခန်းမှာ လက်တွေ့ပစ်ခတ်တဲ့ လေ့ကျင့်မှုတွေ ပြုလုပ်ခဲ့တာဖြစ်ပြီး ၁၂ ကီလိုမီတာအကွာရှိ ပစ်မှတ်တွေကို စုစုပေါင်းဒုံးကျည် ၃၃ စင်းနဲ့ ပစ်ခတ်ခဲ့တယ်လို့ တာဝန်ရှိသူတွေက ပြောပါတယ်။
ဟိုင်းမားစ်ဒုံးကျည်စနစ်ဟာ စစ်သုံးယာဉ်တွေပေါ်ကနေ သယ်ဆောင်ပစ်ခတ်နိုင်ပြီး ပစ်ခတ်မှုနဲ့ တိကျမှုကို အဆင့်မြင့်ပေါင်းစပ်ထားပါတယ်။ ထိုင်ဝမ်ဟာ ဒီဒုံးကျည်စနစ် ပထမအသုတ်ကို ပြီးခဲ့တဲ့နှစ်က အမေရိကန်ဆီက လက်ခံရရှိခဲ့ပါတယ်။
လာမယ့်နှစ်မှာ နောက်ထပ် ဒုံးကျည်စနစ် ၁၈ ခုကို ထပ်မံရရှိမယ်လို့ ဆိုပါတယ်။ လက်ရှိစမ်းသပ်ပစ်ခတ် လေ့ကျင့်မှုဟာ ထိုင်ဝမ်လုံခြုံရေးနဲ့ အချုပ်အခြာအာဏာ ကာကွယ်ရေးတို့ကို မြှင့်တင်နိုင်မှာဖြစ်တယ်လို့ ထိုင်ဝမ် စစ်တပ်က ပြောပါတယ်။
တရုတ်နိုင်ငံဟာ ထိုင်ဝမ်ကျွန်းကို ပို်ငဆိုင်တယ်လို့ အခိုင်အမာဆိုထားပြီး လိုအပ်ပါက စစ်အင်အားသုံးမယ်လို့ ခြိမ်းခြောက်ထားကာ လိုင်းကျင်းတီ သမ္မတဖြစ်လာပြီးနောက်ပိုင်း ကျွန်းဝန်းကျင်းမှာ စစ်ရေးလေ့ကျင့်မှုအပါအဝင် ဖိအားတွေ တိုးမြှင့်ပေးနေပါတယ်။
ထိုင်ဝမ်အရေးနဲ့ပတ်သက်ပြီး ဝင်ရောက်စွက်ဖက်တာတွေ မလုပ်ဖို့ တရုတ်အာဏာပိုင်တွေဟာ အမေရိကန်ကို ကြိမ်ဖန်များစွာ သတိပေးထားပြီး လက်နက်ရောင်းချမှုတွေနဲပတ်သက်ပြီး ပြင်းပြင်းထန်ထန် ဝေဖန်ပြောဆိုလေ့ရှိပါတယ်။
Ref:NHK
Photo:AFP