အရေအတွက်ထက် အရည်သွေးကို ပိုဦးစားပေးတော့မယ့် Marvel
မေလ ၁၁ ၊ ၂ဝ၂၅
Disney ရဲ့ CEO Bob Iger က Marvel ရဲ့ ရုပ်ရှင်ထုတ်လုပ်မှု ဗျူဟာသစ်နဲ့ ပတ်သက်ပြီး Variety မှာ ပြောကြားခဲ့ပါတယ်။ Marvel ရုပ်ရှင်တွေ ထုတ်လုပ်မှုနှုန်းကို လျှော့ချပြီး အရည်အသွေးကို အဓိကထားသွားမယ်လို့ သူက အတည်ပြုပါတယ်။
Iger က "ကျွန်တော်တို့ အရည်အသွေးကို ပိုအာရုံစိုက်ဖို့ လိုပါတယ်။" လို့ ပြောကြားခဲ့ပါတယ်။ Marvel ရုပ်ရှင်နဲ့ စီးရီးတွေ အများအပြား ထွက်ရှိလာတာကြောင့် ပရိသတ်တွေ နောက်ကျကျန်နေပြီး စိတ်ဝင်စားမှု လျော့ကျလာတယ်လို့ သူက ထောက်ပြပါတယ်။
ဒီဗျူဟာသစ်အရ Thunderbolts လို ရုပ်ရှင်တွေက အရေးပါတဲ့ အခန်းကဏ္ဍက ပါဝင်လာမှာ ဖြစ်ပါတယ်။ ဇာတ်ကောင်အသစ်တွေကို မိတ်ဆက်ပေးမယ့်အစား လက်ရှိ Marvel ဇာတ်ကောင်တွေရဲ့ ဇာတ်လမ်းတွေကို ဆက်လက်တည်ဆောက်သွားမှာ ဖြစ်ပါတယ်။
Iger က ဒီနည်းဗျူဟာဟာ Marvel ရဲ့ ရေရှည်အောင်မြင်မှုအတွက် အထောက်အကူဖြစ်လိမ့်မယ်လို့ မျှော်လင့်ကြောင်း ပြောကြားခဲ့ပါတယ်။
