iPhone 18 Pro အတွက် မှန်ပြင်အောက် Face ID စမ်းသပ်နေ
နောက်နှစ်ထဲမှာ iPhone တွေ ဒီဇိုင်းပြောင်းလာနိုင်ပါတယ်။
၂၀၂၆ မော်ဒယ် iPhone တွေ မြင်ဖို့က တော်တော်ကြီး လိုပါသေးတယ်။ iPhone သစ် မထွက်မချင်း rumors တွေကတော့ စုံနေအောင် ကြားရဦးမှာပါ။ ဒီလို rumors တွေထဲမှာ တရုတ်ကလာတဲ့ သတင်းတစ်ခုက ထူးဆန်းပါတယ်။
iPhone 18 Pro နမူနာ prototype မော်ဒယ်မှာ Under-display Face ID စနစ်စမ်းသပ်နေတယ် ဆိုတာပါ။ ရှုပ်ထွေးတဲ့ infrared မျက်နှာပြင်ဖတ် sensors တွေကို OLED display အောက်မှာ ထားတဲ့ Face ID နည်းပညာက အင်ဂျင်နီယာပညာရပ်ဆိုင်ရာ စိန်ခေါ်မှုတွေ ရှိနေလို့ပါါ။
Face ID က ဖုန်းပိုင်ရှင်မျက်နှာကို ထောင်နဲ့ချီတဲ့ infrared dots လေးတွေနဲ့ ဖတ်ပြီး အသေးစိတ် သုံးဖက်မြင်ပုံရိပ်တစ်ခုဖော်ပါတယ်။ OLED panels က အနီအောက် infrared အလင်းတွေ အများကြီး မဖမ်းနိုင်တာ ဖြစ်လို့ မှန်ပြင်အောက်မှာ Face ID system ကောင်းကောင်းအလုပ်လုပ်နိုင်ဖို့ ခက်ပါတယ်။
Digital Chat Station ရဲ့ weibo အကောင့်မှာတော့ Under-display မျက်နှာဖတ်စနစ်ကို iPhone 18 Pro နဲ့ iPhone 18 Pro Max တွေမှာ စမ်းသပ်နေတာလို့ ဆိုပါတယ်။ ဒီအကောင့်က Apple supply chain ထဲက sources တွေ ရထားတာမို့ တော်တော်စိတ်ဝင်စားဖို့ ကောင်းနေတာပါ။
ဒီသတင်းအတိုင်းဆို iPhone 18 Pro မော်ဒယ်တွေက မှန်ပြင်အောက် FaceID စနစ်နဲ့အတူ အပေါ်ထိပ် ဘယ်ထောင့်မှာ ရှေ့ကင်မရာအတွက် punch-hole တစ်ခု ပါမယ့်ပုံပါ။ ‌လက်ရှိ iPhone တွေမှာ သုံးနေတဲ့ ဆေးတောင့်ပုံ ကင်မရာ cutout လည်း ၂၀၂၆ မော်ဒယ် iPhone 18 Pro မှာ နိဌိတံဖို့ ရှိပါတယ်။
rumors တွေအတိုင်း မှန်ရင် ရှေ့ဘယ်ထောင့် punch-hole ကင်မရာသုံး iPhone တစ်လုံးက Android အငွေ့အသက်တွေ ပိုရောစွက်လာမယ့်ပုံပါပဲ။