weapons trailer
ညသန်းခေါင်ယံမှာ ကလေးတချို့ ထူးဆန်းစွာပျောက်ဆုံးမှုဖြစ်ပွား

Weapons ရဲ့ ပထမဆုံး Teaser ထဲမှာတော့ ညသန်းခေါင်ယံအချိန်တိုင်း ကလေးတချို့ ထူးဆန်းစွာ ပြေးလွှားနေတဲ့ပုံစံကိုတွေ့ရမှာဖြစ်ပါတယ်။

Teaser Video ထဲမှာ နံနက် ၂:၁၇ အချိန်ကို နှိုးစက်နာရီနဲ့ ပြထားပြီး အိပ်ခန်းအလွတ်ကနေ အိမ်ရှေ့တံခါးမှတစ်ဆင့် အပြင် ထွက်သွားတာကိုပြသထားပါတယ်။ အဆိုပါအချိန်မှာတော့ ကလေးတစ်ချို့ အိမ်မှ ထွက်သွားခဲ့ကြောင်း Trailer ထဲမှာ ဖော်ပြထားပါတယ်။

၂၀၂၂ ခုနှစ်ကထွက်ခဲ့တဲ့ Barbarian ရုပ်ရှင်နဲ့ လူသိများတဲ့ ဒါရိုက်တာ Zach Cregger ကတော့ ဒီ ရုပ်ရှင်နဲ့ ပတ်သက်တဲ့ သတင်းအချက်အလက်တွေအားလုံးကို သူတစ်ယောက်ထဲထိန်းသိမ်းထားခဲ့ပါတယ်။

Trailer မထွက်ခင် နံနက် ၂:၁၇ နာရီမှာ ရပ်တန့်နေတဲ့ နှိုးစက်နာရီရဲ့ First Look ကို ထုတ်ပြခဲ့ပြီး၊ ကလေးတွေ ညအချိန်ကြီး ရပ်ကွက်ထဲမှာ ပြေးလွှားကာ ဆော့ကစားနေတဲ့ ထိတ်လန့်ဖွယ်ရာ ဗီဒီယိုအပိုင်းအစတွေကိုလည်း ထုတ်ပြခဲ့ပါတယ်။

Weapons ရဲ့ ဒီအဖြစ်အပျက်တွေအကြောင်း သိချင်တယ်ဆိုရင် Maybrook Missing ဆိုတဲ့ Site တစ်ခုကို Trailer ထဲမှာ ညွန်ပြထားပြီး ဒီ Site ကလည်း လက်ရှိမှာ ကြည့်ရှုသူအများဆုံး Site တစ်ခုဖြစ်လာပါတယ်။

ဒီ Site ထဲမှာဆိုရင် ဒေသခံတိုင်းရဲ့ ပျောက်ဆုံးကလေး အမှုတွေကို ဖော်ပြထားပြီး၊ “ဒေသခံကလေး ၁၇ ဦးက နံနက် ၂:၁၇ အချိန်မှာ တပြိုင်နက်ထဲ အိမ်မှထွက်သွားပြီး ပျောက်ဆုံးသွားခဲ့ပါတယ်။ အာဏာပိုင်တွေနဲ့ ဒေသခံတွေက ဒီပျောက်ဆုံးမှုကို ရှင်းမပြနိုင်ဘဲ အဖြေမထွက်နိုင်ဖြစ်နေတယ်”လို့ ရေးသားထားခဲ့ပါတယ်။

အခုအချိန်ထိတော့ ကလေးတွေက အပြင်မှာ တကယ်ပျောက်သွားတာလား၊ ရုပ်ရှင်အတွက် သီးသန့်ဖန်တီးထားတာလား၊ စဥ်းစားစရာအနေနဲ့ ဒါရိုက်တာက ပေးတာလားဆိုပြီး ပရိတ်သက်တွေကြားမှာ အငြင်းပွားမှုတွေရှိလာခဲ့ပါတယ်။

ဒါ့အပြင် ဒီ Site ထဲမှာ Barbarian ရုပ်ရှင်ရဲ့ အပိုင်းအစတွေကိုလည်းထည့်ထားပြီး ဒီရုပ်ရှင်နှစ်ခုက ဆက်စပ်နေနိုင်တယ်လို့ လည်း ခန့်မှန်းနေကြပါတယ်။

Weapons ရုပ်ရှင်ကိုတော့ ဩဂုတ် ၈ ရက်နေ့မှာ ရုံတင်ပြသမှာဖြစ်ပါတယ်။