ခြေကျင်းဝတ်ကျိုးသွားလျက်နဲ့ သရုပ်ဆောင်ခဲ့တဲ့ Tom Cruise
Tom Cruise ကတော့ Mission: Impossible – The Final Reckoning မှာလည်း ဘယ်လို စတန့်အသစ်အဆန်းတွေလုပ်မလဲဆိုတာကို ပရိတ်သက်တွေ စိတ်ဝင်စားနေကြပါတယ်။
Dead Reckoning Part 1 မှာလည်း သက်စွန့်စံဖျားစတန့် ပြကွက်တွေက ပရိတ်သက်တွေအကြိုက်တွေ့ခဲ့ပြီး အခုတစ်ခါမှာလည်း ဒီထက် အန္တရာယ်များတဲ့ ဇာတ်ဝင်ခန်းတွေနဲ့ ပိုကြမ်းတဲ့ Action တွေ ပါလာမယ်လို့ သိရပါတယ်။
ဒါ့အပြင် Tom Cruise က စတန့်တွေလုပ်တဲ့အခါတိုင်း အန္တရာယ်ကင်းခဲ့တာတော့ မဟုတ်ပါဘူး။ Action ဇာတ်ဝင်ခန်းတွေ ရိုက်တိုင်း ဒဏ်ရာရတာမျိုးတွေ မကြာခဏဖြစ်ဖူးပါတယ်။ ဒါပေမယ့် သူ့ရဲ့ မမေ့နိုင်တဲ့ ဒဏ်ရာတစ်ခုကတော့ ရိုက်ကူးရင်း ခြေကျင်းဝတ်ကျိုးသွားတာပါပဲ။ ဒါတောင် သူက နာကျင်နေရက်နဲ့ အဲဒီဇာတ်ဝင်ခန်းအတွက်ပီပြင်ဖို့ ထော့နဲ့ထော့နဲ့ နဲ့ ထပ်ပြေးခဲ့ပါသေးတယ်။
Tom Cruise ရဲ့ ခြေကျင်းဝတ်ကျိုးသွားတဲ့ ဇာတ်ကားက ၂၀၁၈ ခုနှစ်ကထွက်ခဲ့တဲ့ “Mission: Impossible - Fallout” ရုပ်ရှင်ထဲမှာဖြစ်ပါတယ်။ ဒီဇာတ်ဝင်ခန်းက ကမ္ဘာပေါ်မှာ အခက်ခဲဆုံး အက်ရှင်ဇာတ်ဝင်ခန်းတစ်ခုဖြစ်ပြီး တိုက်တစ်ခုနဲ့ တစ်ခု ခုန်ကူးရတဲ့ ဇာတ်ဝင်ခန်းဖြစ်ပါတယ်။ ဒီဇာတ်ဝင်ခန်းကိုလည်း Tom Cruise ကိုယ်တိုင် စတန့်လုပ်ပြီး ခုန်ကူးသွားခဲ့ပါတယ်။
အဲ့လို ခုန်ကူးသွားတဲ့ အချိန် အဆောက်ဦးတစ်ခုရဲ့ နံရံနဲ့ သူ့ခြေထောက်တိုက်မိပြီး ကျိူးသွားခဲ့ပြီး။ Tom Cruise က ဒါကို သိသိချင်းမှာ နံရံတစ်ခုကို မှီထားပြီး ခြေထောက် ကျိူးလျက်နဲ့ နောက်ထက် ပြေးခဲ့ပါသေးတယ်။
သူက “ဂရေဟမ် နော်တန် Show” မှာ အခုလို ပြောပြခဲ့ပါတယ်။
“ကျွန်တော် ခြေကျင်းဝတ်ကျိုးသွားပြီဆိုတာ ချက်ချင်းသိလိုက်တယ်။ ဒါပေမယ့် Camera က လာနေပြီဆိုတော့ ပြေးပြီး ဇာတ်ဝင်ခန်းကို ရိုက်လိုက်ရတာပဲပေါ့။ အဲဒီဇာတ်ဝင်ခန်းက ရုပ်ရှင်ထဲမှာလည်း ပါပါတယ်… ပြီးတော့ အဖွဲ့သားတွေကို ‘အားနာပါတယ်ဗျာ၊ ကျွန်တော် ခြေထောက်ကျိုးသွားပြီ၊ ဆေးရုံပို့ပေးပါ” လို့ ပြောပြီး ဆေးရုံပေါ်ရောက်သွားခဲ့တာပါပဲ။
Tom Cruise ရဲ့ ခြေကျင်းဝတ်က ဆိုးဆိုးရွားရွား ကျိုးသွားတာမို့ ရိုက်ကူးရေးကို လပေါင်းများစွာ ရပ်ထားခဲ့ရပြီး သူ ပြန်သက်သာဖို့ အချိန်တော်တော်ယူခဲ့ရပါသေးတယ်။ နောက်ဆုံးတော့ Fallout ကိုလည်း အောင်အောင်မြင်မြင်နဲ့ ပရိတ်သက်တွေလက်ခံနိုင်အောင်လုပ်ပြသွားနိုင်ခဲ့ပါတယ်။