#ယနေ့ထုတ်သတင်းစာ_သတင်း
◼ ချင်းမိုင်တွင် မြန်မာဆိုင်ရှင်နှင့် မြန်မာလုပ်သားငါးဦး ဖမ်းဆီးခံရ
ထိုင်းနိုင်ငံ ချင်းမိုင်မြို့တွင် မေ ၂ ရက်က မြန်မာဆိုင်ရှင်တစ်ဦးနှင့် မြန်မာအလုပ်သမား ငါးဦးကို အလုပ်ပါမစ် မရှိသည့်အတွက် ဖမ်းဆီးခံခဲ့ရကြောင်း ထိုင်းသတင်းဌာနများတွင် ဖော်ပြချက်အရ သိရသည်။
ရဲတပ်ဖွဲ့နှင့် ချင်းမိုင်လူဝင်မှုကြီးကြပ်ရေး စုံစမ်းစစ်ဆေးရေးအဖွဲ့သည် ချင်းမိုင်မြို့နယ်ချင်းဖူရပ်ကွက်ရှိ အဆောက်အအုံများ၌ နိုင်ငံခြားသားများတရားမဝင် အလုပ်လုပ်နေသည်ဟူသောသတင်းများ လက်ခံရရှိသောကြောင့်စစ်ဆေးစဉ် မြန်မာနိုင်ငံသား အလုပ်ရှင်တစ်ဦးနှင့် မြန်မာအလုပ်သမားငါးဦး ကို နိုင်ငံခြားသားများ အလုပ်လုပ်ခွင့်ပါမစ်မရှိဘဲ အလုပ်လုပ်ကိုင်ခြင်းဖြင့် ဖမ်းဆီးခဲ့ကြောင်းသိရသည်။
သံသယရှိသူ မြန်မာနိုင်ငံသားနှစ်ဦးမှ ငါးဦးခန့်သည် ဆိုင်တစ်ဆိုင်တွင် စားပွဲထိုးများနှင့်မီးဖိုခန်းလက်ထောက်များအဖြစ် တစ်နှစ်ခန့် အလုပ်လုပ်ကိုင်ခဲ့ကြောင်း ဝန်ခံခဲ့ကြပြီး ပထမသံသယရှိသူမှာ ၎င်းတို့၏အလုပ်ရှင်ဖြစ်ပြီး တရားဝင်အလုပ်လုပ်ခွင့်ပါမစ်များ ရယူထားခြင်းမရှိဘဲ လုပ်အားခပေးခဲ့ကြောင်းသိရသည်။
စုံစမ်းစစ်ဆေးရေးအရာရှိများသည် သံသယရှိသူများအား ချင်းဖူ ရဲစခန်း ရှိစုံစမ်းစစ်ဆေးရေးအရာရှိများထံ လွှဲပြောင်းထားပြီး ဥပဒေရေးရာ ဆောင်ရွက်ချက်များ ပြုလုပ်မည်ဖြစ်ကြောင်း သိရသည်။
ဓာတ်ပုံ - ChiangMai Immigration
