ဆော်ဒီကလပ် အယ်လ်အာလီကတော့ အာရှချန်ပီယံလီဂ်ဖလားကို ဆွတ်ခူးခဲ့ပါပြီ။ ကာဝါဆာကီကို ၂ဂိုးပြတ်နဲ့ အနိုင်ယူခဲ့ပြီး ဖာမီနိုက အသင်းအတွက် သူရဲကောင်းဖြစ်ခဲ့ပါတယ်။ သူ့ရဲ့ ဖန်တီးပေးမှုတွေကနေ ဂိုးသွင်းနိုင်ခဲ့တာဖြစ်ပြီး လီဗာပူးလ်နဲ့အတူ ချန်ပီယံလိဂ်ဖလား ကိုင်မြှောက်ဖူးတဲ့ ဖာမီနိုက အခု အာရှချန်ပီယံလိဂ်ဖလားကို ကိုင်မြှောက်နိုင်ခဲ့ပါတယ်။
တိုနေး၊ ကက်ဆီ၊ မာရက်ဇ်၊ မန်ဒီတို့လိ ကစားသမားတွေကိုလည်း ပိုင်ဆိုင်ထားတဲ့ အယ်လ်အာလီက ကာဝါဆာကီကို သက်တောင့်သက်သာလေးကစားနိုင်ခဲ့တာပါ။ ပထမပိုင်းမှာကတည်းက ၂ဂိုးပြတ်နိုင်ခဲ့ပြီး ပွဲကို အေးဆေးထိန်းကစားပြီး အာရှရဲ့ချန်ပီယံဖြစ်လာခဲ့ပါတယ်။
ဆီမီးဖိုင်နယ်မှာ အယ်လ်ဟီလယ်ကို ကျော်ဖြတ်ခဲ့တဲ့ အယ်လ်အာလီဟာ ဒီပြိုင်ပွဲတလျှောက် တော်တော်လေးရလဒ်ကောင်းခဲ့ပြီး ချန်ပီယံခြေစွမ်းကို ပြသနိုင်ခဲ့တာပါ။ သူတို့နဲ့ ထိုက်တန်တဲ့ ဆုဖလားဖြစ်ခဲ့ပါတယ်။
ကြိုက်တယ်။
မှတ်ချက်
မျှဝေပါ။
