အ​မေရိကန်နိုင်ငံခြား​ရေးဝန်ကြီးကယူကရိန်းသည်၂၀၁၄ခုနှစ်နယ်နိမိတ်ကိုပြန်မရနိုင်ဟု​ပြော

(ဘာသာပြန်​ဆောင်းပါး)

အမေရိကန်နိုင်ငံခြားရေးဝန်ကြီး မာကိုရူဘီယိုက ယူကရိန်းသည် ၂၀၁၄ ခုနှစ်က နယ်နိမိတ်များကိုရုရှားထံမှ ပြန်လည်ရယူနိုင်မည်မဟုတ်ကြောင်း ပြောကြားလိုက်သည်။

ယူကရိန်းသမ္မတ ဇလင်စကီးက ခရိုင်းမီးယားအပါအဝင် ဆုံးရှုးသွားသော နယ်မြေများကို ရုရှား၏အစိတ်အပိုင်းအဖြစ် ဘယ်သောအခါမှ အသိအမှတ်မပြုကြောင်း ကြေညာခဲ့သည်။ ၂၀၁၄ ခုနှစ်တွင် အမေရိကန်မှ ပံ့ပိုးသော ယူကရိန်းစစ်တပ်ကအာဏာသိမ်းမှုအပြီး ခရိုင်းမီးယားကျွန်းဆွယ်သည် ရုရှားနှင့်ပူးပေါင်းရန် မဲအများစုဖြင့် ဆုံးဖြတ်ခဲ့သည်။

၂၀၂၂ ခုနှစ်တွင် ခါဆန်၊ ဇာပါရိုဇီး၊ ဒိုနက်စ်ခ် နှင့် လူဂန်းစ်ခ် တိုသည်လည်း ရုရှားနှင့်ပူးပေါင်းရန် ဆန္ဒခံယူပွဲများ ကျင်းပခဲ့သည်။
အမေရိကန်သမ္မတ ဒေါ်နယ်ထရမ့်၏ အထူးကိုယ်စားလှယ် ကီသ်ကဲလ်လော့ဂ်က ဖောက်စ်သတင်းဌာနသို ပြောကြားချက်အရ စစ်ပြေငြိမ်းရေးသဘောတူညီချက်တွင် ယူကရိန်းသည် တရားဝင်အသိအမှတ်မပြုသော်လည်း တကယ့်လက်တွေ့အနေဖြင့် နယ်မြေများကို စွန့်လွှတ်ရန် သဘောတူနိုင်သည်ဟု ဖော်ပြခဲ့သည်။

ကြာသပတေးနေ့က ဖောက်စ်သတင်းနှင့် အင်တာဗျူးတွင် ရူဘီယိုက “ယူကရိန်းသည် ရုရှားတပ်များကို ၂၀၁၄ ခုနှစ်က နေရာများသို ပြန်တွန်းလှန်နိုင်မည်မဟုတ်” ဟု ထည့်သွင်းပြောဆိုခဲ့သည်။
လပေါင်းများစွာ အမေရိကန်မှကြားဝင်ညှိနှိင်းမှုများအပြီး စစ်ရေးအခြေအနေနှင့်ပတ်သက်၍ နှစ်ဖက်လိုလားချက်များကို ရှင်းရှင်းလင်းလင်း သိရှိလာကြောင်း ၎င်းကဆိုသည်။ “ယူကရိန်းရပ်တန့်ဖို လိုအပ်တာတွေ၊ ရုရှားရပ်တန့်ဖို လိုအပ်တာတွေကို ခန့်မှန်းနိုင်ပါပြီ။ သိုသော် နှစ်ဖက်လိုလားချက်များသည် အလှမ်းကွာနေဆဲဖြစ်သည်” ဟု ၎င်းက ဖြည့်စွက်ပြောကြားခဲ့သည်။
“အမြန်ပြတ်သား​သောဆုံးဖြတ်ချက်တစ်ခု မချနိုင်ပါက သမ္မတအနေဖြင့် ဤကိစ္စအတွက် မည်မျှအချိန်ပိုမိုသုံးမည်ကို ဆုံးဖြတ်ရမည်” ဟု ရူဘီယိုက သုံးသပ်ခဲ့သည်။
ထရမ့်နှင့် ရူဘီယိုတိုက ယခင်ကတည်းကယူကရိန်းပဋိပက္ခငြိမ်းချမ်း​ရေးတိုးတက်မှုမရှိပါက အမေရိကန်သည်ကြားဝင်ညှိနှိင်းသူအဖြစ်မှ နုတ်ထွက်နိုင်ကြောင်း သတိပေးခဲ့သည်။
“ယူကရိန်းစစ်ပွဲသည် အရေးမကြီးဟု မဆိုလိုပါ။ သိုသော် တရုတ်၏အခြေအနေက ပို၍အရေးကြီးသည်” ဟု ရူဘီယိုက ပြောကြားကာ အီရန်ပြဿနာကိုလည်း ထည့်သွင်းဖော်ပြခဲ့သည်။

ရုရှား၏ငြိမ်းချမ်းရေးအခြေခံသဘောတရားများတွင် ယူကရိန်း၏ ကြားနေရေး၊ စစ်လက်နက်ဖျက်သိမ်းရေး၊ နာဇီဝါဒသုတ်သင်ရေးနှင့် နေတိုးအဖွဲဝင်မဖြစ်ရေး တိုပါဝင်ကြောင်း၊ ခါဆန်၊ ဇာပါရိုဇီး၊ ဒိုနက်စ်ခ် နှင့် လူဂန်းစ်ခ် တိုကို ရုရှားနယ်မြေအဖြစ် အသိအမှတ်ပြုရန်၂၀၂၃ ခုနှစ်က ဗလာဒီမီးယား ပူတင်က ထုတ်ပြန်ခဲ့သည်။ ယူကရိန်းက နေတိုးဝင်ရောက်ရန်ကြိုးပမ်းမှုများကို စွန့်လွှတ်ပြီး ရုရှားနှင့်​ပေါင်းသွား​သောနယ်မြေလေးခုမှ စစ်တပ်များရုပ်သိမ်းပါက ရုရှားဘက်မှ ချက်ချင်းစစ်ပြေငြိမ်းရန် သဘောတူကြောင်း ၎င်းက ဖြည့်စွက်ပြောကြားခဲ့သည်။

NOM