The Medium (2021)
{Spoiler Free}
.
တော်တော်များများလည်း ကြည့်ပြီးလောက်ပြီထင်ပါတယ်။ ဒီဇာတ်ကားနဲ့ပတ်သက်ပြီး ကျွန်တော့်အမြင်ကိုနည်းနည်းပြောချင်လို့ပါ။ ဆရာကြီးလုပ်တာတော့မဟုတ်ပါဘူး။ ကျွန်တော့်အမြင်လေးကို sharing လုပ်ရုံပါခင်ဗျာ။
ပထမဦးဆုံးကတော့ ဒီဇာတ်ကားမထွက်ခင်ကတည်းက Shutter နဲ့ The Wailing တို့လို greatest horror films of all time စာရင်းဝင်ဇာတ်ကားတွေကိုဖန်တီးခဲ့တဲ့ ဒါရိုက်တာနှစ်ဦးပေါင်းပြီးဖန်တီးထားတယ်ဆိုရုံနဲ့ ဒီဇာတ်ကားက ပေါ့သေးသေးတော့မဟုတ်ဘူးဆိုတာ အားလုံးလည်းသိမှာပါ။
ဒီကားရဲ့ ဇာတ်လမ်းဇာတ်ကွက်တွေအကြောင်းရှင်းပြထားတဲ့စာတွေက တော်တော်များနေပြီဆိုတော့ ကျွန်တော့်အနေနဲ့ ဒီဇာတ်ကားရဲ့ရုပ်ရှင်ပိုင်းဆိုင်ရာလေးတွေပဲနည်းနည်းပြောချင်ပါတယ်။
Cinematography ပိုင်းကိုတော့ ကျွန်တော့် personally တော်တော်သဘောကျပါတယ်။ အရမ်းကြီးအနုပညာမြောက်နေတာမျိုးမဟုတ်ပေမဲ့ dark and realistic ဖြစ်ပြီး ကြည့်နေတဲ့လူတွေကို ဆွဲခေါ်သွားသလိုခံစားရပါတယ်။ တစ်ကားလုံးနီးပါး ထိုင်းထိုင်းမှိုင်းမှိုင်းကြီးနဲ့ စိတ်ညစ်ညူးစရာကောင်းလှပြီး The Wailing တုန်းကလို vibe မျိုးလည်း တော်တော်ရပါတယ်။
Documentary ပုံစံရိုက်ထားကိုတော့ ကြိုက်တဲ့လူတွေရှိသလို မကြိုက်တဲ့လူတွေလည်းများတဲ့အတွက် အမြင်ကွဲလွဲနိုင်ပါတယ်။ ဒါရိုက်တာကလည်း ဒီလို taste မျိုးရစေချင်လို့ကို သက်သက်လုပ်ထားတာလို့မြင်ပါတယ်။ ကျွန်တော်အမြင်ကတော့ သဘောကျပါတယ်။ အခုတောင် The Wailing ရဲ့ လွှမ်းမိုးမှုတွေတော်တော်ပါနေတာ၊ ဒီလိုမရိုက်ဘဲနဲ့ သာမန်ရိုက်နေကျအတိုင်းပဲရိုက်ရင် ဇာတ်ကားက The Wailing နဲ့ ချွတ်စွပ်နီးပါးသွားတူနေမယ်လို့ထင်ရလို့ပါ။
ပြီးတော့ ဒါရိုက်တာရော သရုပ်ဆောင်တွေရောက အရမ်းကြီး over တွေမလုပ်ဘဲ reality ဆန်ဆန်ပဲလုပ်ပြထားကြတာနဲ့ handheld documentary ပုံစံရိုက်ချက်တွေနဲ့ပေါင်းလိုက်တော့ scenes ​တော်တော်များများက အရမ်း realistic ဖြစ်ပြီး ကိုယ့်ရှေ့မှာဖြစ်နေသလိုကိုခံစားရပါတယ်။
ဒီဇာတ်ကားက သာမန်မြင်တွေ့နေကျသရဲကားတွေနဲ့ တော်တော်ကွဲထွက်တယ်လို့ပြောလို့ရပါတယ်။ ဆိုတော့ Hollywood horror movies တွေလို scare jumps တွေဖောဖောသီသီသုံးပြီး၊ သရဲကို အကောင်လိုက်ပြတာမျိုးပဲကြည့်ချင်တာဆိုရင်တော့ ဒီကားကိုမကြည့်ကြဖို့ပြောချင်ပါတယ်။
ပြီးတော့ အကြံပေးချင်တာတစ်ခုက ဖြစ်နိုင်ရင် ဒီကားကိုကြည့်မယ်ဆိုရင် တစ်ယောက်တည်းအေးဆေးဖြစ်နေတဲ့အချိန်မှ သေချာကြည့်ကြပါ။ သူငယ်ချင်းတွေနဲ့စုပြီးကြည့်လို့ကောင်းတဲ့ဇာတ်ကားမျိုးမဟုတ်ပါဘူး။ မြှုပ်ကွက်တွေပါသလို တွေးစရာတွေလည်းအများကြီးပါတဲ့အတွက်ပါ။
ဆိုတော့ကား ဒီကားက တချို့တွေပိုပိုသာသာတွေပြောနေကြသလို ရုပ်ရှင်ရုံမှာမီးဖွင့်ပြီးပြရတယ်ဘာညာလောက်ထိတော့မဟုတ်ပါဘူး။ ဒါပေမဲ့ တချို့တွေ ရစရာမရှိအောင်ပြောနေကြတဲ့အတိုင်း ပေါကားသာသာကြီးလည်းမဟုတ်ပါဘူး။ The Wailing, Shutter တို့လောက် ကောင်းမနေသည့်တိုင်အောင် အဆင့်တစ်ခုမှာတော့ရှိတဲ့ဇာတ်ကားပါ။ ကျွန်တော့်အတွက်ကတော့ ဒီနောက်ပိုင်းနှစ်တွေထဲမှာထွက်တဲ့ horror films တွေထဲမှာ အကြိုက်ဆုံးကားလို့ပြောလို့ရပါတယ်။
ရုပ်ရှင်ချစ်တဲ့လူတွေအတွက်ကတော့ သေချာပေါက်တစ်ခုခုရစေမယ့်ဇာတ်ကားမျိုးမို့လို့ ကြည့်ကိုကြည့်သင့်ပါတယ်။
အနည်းဆုံးတော့ ကျွန်တော်တို့နိုင်ငံနဲ့အရမ်းနီးစပ်တဲ့ ထိုင်းနိုင်ငံရဲ့ ယဉ်ကျေးမှုတွေ၊ ဓလေ့ထုံးတမ်းတွေအကြောင်းကို အများကြီးသိလိုက်ရမှာပါ။