vivo ရဲ့ BlueVolt Battery နည်းပညာဆိုတာ...?
.
စမတ်ဖုန်းတစ်လုံးသုံးနေပြီဆိုရင် မကြာခဏ ဖုန်းအားကုန်ခြင်းက အမှန်တကယ်စိတ်ညစ်စရာကောင်းတဲ့အရာတစ်ခုပါ။ အထူးသဖြင့် အရေးကြီးဖုန်းပြောနေသောအချိန်၊ အလုပ်ကိစ္စအသုံးပြုနေချိန်နဲ့ Social Media အသုံးပြုနေချိန်တွေမှာ ဖုန်းအားကုန်ပြီးဖုန်းပိတ်ကျသွားတာမျိုး၊ နေ့စဉ်ဖုန်းအားကုန်သွားမှာ ကို စိုးရိမ်ကြောင့်ကြမှုတွေ ကြုံလာရသောအခါ သုံးစွဲသူများအနေဖြင့် စိတ်မသက်မသာ ဖြစ်ရပါသေးတယ်။
ယခုလိုဘက်ထရီအတွက်စိုးရိမ်ကြောင့်ကြမှုတွေနည်းပါးအောင် vivo ကနေ BlueVolt Battery System ကိုအများ ပြည်သူထံမိတ်ဆက်ပြီး vivo Smartphone များထဲတွင်ထည့်သွင်းအသုံးပြုလျက်ရှိပါတယ်။
အသစ်မိတ်ဆက်ထားသည့် vivo V50 Lite တွင်လည်း BlueVolt Battery System ပါဝင်လာပြီ ဖြစ်ပြီး သိုလှောင်အားကြီးမားသော်လည်း ထူထဲလေးလံမနေပဲ ပါးလွှာ၍ အားသွင်းလျင်မြန်ခြင်း၊ ဘက်ထရီသက်တမ်း ကြာရှည်စွာအသုံးပြုနိုင်သော နောက်ဆုံးပေါ်နည်းပညာတစ်ခုဖြစ်ပါတယ်။
BlueVolt Battery System တွင် Carbon Recomposition Technology, Laser Etching Technology, နှင့် Electrode Reshaping Technology တို့အတူပေါင်းစပ်၍ အံ့ဩထူးခြားစရာကောင်းသည့် စွမ်းအင်သိမ်းဆည်းမှုနှင့်အသုံးပြုခြင်းကို လုပ်ဆောင်နိုင် သည်ဖြစ်ရာ ဘက်ထရီသက်တမ်းနှင့်စွမ်းရည်တို့မှာ အများနှင့်မတူ ထူးထူးခြားခြားပို၍ကောင်းမွန် လာပါတယ်။
Carbon Recomposition Technology ဆိုသည်မှာ ဘက်ထရီအတွင်းရှိ ကာဗွန်၏ သိပ်ဆည်းဆကို တိုးမြှင့်ပေးပြီး စွမ်းအင်ပို၍သိုလှောင်နိုင်စေရန် ပြုလုပ်ပေးခြင်းဖြစ်ရာ တစ်နေ့တာတွင် လုံလောက်စွာ အသုံးခံသော ဘက်ထရီတစ်ခုအနေဖြင့် ဖန်တီးပေးနိုင်မှာဖြစ်ပါတယ်။
Laser Etching Technology နည်းပညာ သည် သေးငယ်သော လျှပ်စစ်စီးကြောင်းများကို လျှပ်ကူးမျက်နှာပြင်ပေါ်သို့ တိကျစွာဖြတ်သန်းစေပြီး စွမ်းအင်ထုတ်လွှတ်မှုကို အကောင်းဆုံးဖြစ်အောင် ထောက်ပံ့ညှိနှိုင်းပေးသည်ဖြစ်ရာ စွမ်းအင်ကူးပြောင်းရာတွင် ဟန့်တားခြင်းကို လျှော့ချပြီး ချောမွေ့လျင်မြန်၍စိတ်ချသော စွမ်းအင်ကူးပြောင်းမှုကို ဖန်တီးပေးနိုင်သော နည်းပညာတစ်ခုဖြစ်ပါတယ်။
Electrode Reshaping Technologyကြောင့်လျှပ်ကူးခေါင်းများ ပိုမိုပါးလွှာ၍ဘက်ထရီထဲတွင် လျှပ်ကူးခေါင်းများ ပို၍များစွာထည့်နိုင်လာသည်ဖြစ်ရာ စွမ်းအင်ထုတ်လွှတ် ရာတွင် ပို၍ထိရောက်ခြင်း၊ ဖုန်းတွင်းအပူကြောင့် စွမ်းအင်ဆုံးရှုံးမှုလျှော့ချနိုင်ခြင်း၊ ဘက်ထရီ၏သိပ်သည်းဆနှင့် စွမ်းဆောင်ရည်တိုးမြှင့်ခြင်းတို့အပြင် ဘက်ထရီ သက်တမ်းကြာရှည်ခံနိုင်ရန် ကူညီထောက်ပံ့ပေးနိုင်စေမှာပါ။
ဤနောက်ဆုံးပေါ်နည်းပညာသုံးခုကို ပေါင်းစပ်၍ သုံးစွဲသူများ၏တစ်နေ့တာတွင် ဘက်ထရီကြောင့် စိတ်ပူပန်ရခြင်းများ လျှော့ချပေးနိုင်ရန် ကြီးမား၍ကြာရှည်ခံသောဘက်ထရီကို လျင်မြန်စိတ်ချလုံခြုံစွာ အားသွင်းနိုင်သော နည်းပညာများဖြင့်ပေါင်းစပ်၍ BlueVolt Battery System အနေဖြင့် vivo Smartphone များတွင်ထည့်သွင်းအသုံးပြုပေးလျက်ရှိနေပြီဖြစ်ပါတယ်။
ဒါကြောင့်အသစ်မိတ်ဆက်ထားသော vivo V50 Lite တွင် 6500 mAh Battery ပါဝင်သည့်အပြင် BlueVolt Battery System ကြောင့်ပါးလွှာ၍ ကြာရှည်အသုံးခံသော ဘက်ထရီတစ်လုံး အနေဖြင့်သုံးစွဲသူများစိတ်ကျေနပ်‌စေရပြီး ဘက်ထရီကြောင့်ဖြစ်သော စိတ်မချမ်းမြေ့စရာများ မှ ကင်းဝေးနိုင်မှာသေချာပါတယ်။