ငွေကြေးယဥ်ကျေးမှု
ကြေးရတတ် လူ့အဖွဲ့စည်းတစ်ခုရဲ့
ယိုယွင်းပျက်စီးနေတဲ့ စာရိတ္တနဲ့ကျင့်ဝတ်တွေ၊
ခြိမ့်ခြိမ့်သည်း ပါတီပွဲကြီးတွေနဲ့
နောက်ဆက်တွဲ ဖောက်ပြန်တဲ့အချစ်တွေ၊
ပကတိလောကနဲ့ အနီးစပ်ဆုံး ထပ်တူကျနေတဲ့
ဇာတ်​ကောင်တွေရဲ့ စိတ်အတွင်းသားထဲက
မည်းမှောင်စုတ်ပြတ်နေတဲ့ အကျင့်စရိုက်တွေ
" ဂတ်စ်ဘီ "
အထက်တန်းလွှာကျကျ
ချမ်းသာကြွယ်ဝခြင်းတွေ၊
ထူးခြားတဲ့ ဘဝဖြတ်သန်းပုံတွေကြောင့်
လူတွေရဲ့ ပါးစပ်ပေါင်း
သောင်းခြောက်ထောင်ထဲမှာ
ကောလဟာလ ပေါင်း သောင်းခြောက်ထောင်နဲ့
ကျော်ကြားနေခဲ့တဲ့ " ဂတ်စ်ဘီ "
ဒါမှမဟုတ်ရင်လည်း မိန်းမတစ်ယောက်ကို
ဘဝတစ်ခုလုံးစာ ချစ်ခဲ့တဲ့ " ဂတ်စ်ဘီ " ပေါ့
" ဂတ်စ်ဘီ " ဟာ " ဘယ်သူလဲ "
" ဒုစရိုက်သမားလား "
" လူကောင်းလား "
" ဘာအလုပ်လုပ်တာ "
" စစ်ကြီးအပြီးမှာ အချိန်တိုအတွင်း
မည်သို့မည်ပုံချမ်းသာလာတာ "
စတဲ့ လူတိုင်း စိတ်ဝင်စားနေတဲ့
" ဂတ်စ်ဘီ " ရဲ့ ဘဝဇာတ်ကြောင်း အစစ်မှန်နဲ့
ပတ်သတ်ဆက်နွယ်ခဲ့သူတွေရဲ့ ဘဝတွေကိုပါ
ကျနော်တို့ စာဖတ်သူတွေက
သူ့အိမ်နီးချင်းဖြစ်သူရဲ့
ကမ္ဘာထဲကနေ စိတ်ဝင်တစား
ချောင်းမြောင်းကြည့်ရှုခွင့်ရခဲ့တယ်။
စိတ်ဝင်စားစရာ​ကောင်းသလောက်
လူ့သဘောမနော အတွင်းစိတ်
အလင်းအမှောင်တွေကို ကွက်ကွက်ကွင်းကွင်း
မြင်တွေ့နိုင်မဲ့ စာအုပ်တစ်အုပ်ပါပဲ ။
" The Great Gatsby " ဟာ
သာမန် အချစ်ဇာတ်လမ်းတစ်ပုဒ်မဟုတ်ဘဲ
အမေရိကန် လူ့အဖွဲ့အစည်းနဲ့ ကြိုးစားရင်
လူတိုင်း ချမ်းသာအောင်မြင်နိုင်တယ်ဆိုတဲ့
" အမေရိကန်အိပ်မက် " ရဲ့နောက်ကွယ်က
ပုပ်သိုးမှုတွေကို ပါးပါးနပ်နပ်နဲ့
ခပ်ထေ့ထေ့ မီးမောင်းထိုးပြထားတဲ့
ဇာတ်လမ်းတစ်ပုဒ်ဖြစ်ကြောင်း . . .