Pro တံဆိပ်တပ် CMF Phone 2 ထွက်ရှိ
ဖုန်းဆန်းကြီးတွေ ထုတ်တတ်တဲ့ Nothing က သူ့ရဲ့ပထမဆုံး Pro မော်ဒယ်ကို မိတ်ဆက်သွားပါတယ်။
CMF Phone 2 Pro က နာမည်အတိုင်း အရင်ကထက်တော့ Pro ပိုကျလာပါမယ်။ အဓိကက ပိုအကြမ်းခံလာပြီး ရေရှည်သုံးနိုင်တဲ့ဘက်ကို သွားတာပါ။ ဒီဇိုင်းက Ultra Slim ကိုမှ CMF Phone 1 နဲ့ နည်းနည်းဆင်ပြီး ကင်မရာ သုံးလုံး ဖြစ်လာပါတယ်။
ကင်မရာပိုင်းမှာ main sensor 50MP wide နဲ့အတူ 50MP 2x Tele ကင်မရာပါလာတာ နဲ့ 8MP Ultrawide သုံးလာက အပြောင်းအလဲတစ်ခုလို့ ပြောနိုင်ပါတယ်။ main ကင်မရာက 1/1.57" sensor နဲ့ ဖြစ်လို့ Phone 1 ထက် အလင်းဖမ်းတဲ့နေရာမှာ ၆၄% သာမယ်။ AI သုံး ရုပ်ငြိမ်နည်းပညာတွေ ပါမယ်။
ဖုန်းမှာ lens တပ်သုံးနိုင်မယ့် interchangeable lens တွေ ပါလာတာ ၊ magnetic stand နဲ့ lanyard ဖုန်းကြိုး တွဲတပ်နိုင်တာတွေက စိတ်ဝင်စားဖို့ ကောင်းပါတယ်။ Dimensity 7300 Pro နဲ့ RAM 8GB သုံးလာတာကတော့ သိပ်ရင်ခုန်စရာ မရှိပါဘူး။
5000mAh ဘက်ထရီက 33W Fast charging ပေးထားပေမယ့် wireless charging မရသေးပါဘူး။ ဘက်ထရီ charge cycle 1200 ပြည့်ပြီးတာတောင် ဘက်ထရီ capacity ကို အနည်းဆုံး ၉၀% ဆက်ထိန်းထားနိုင်မယ်ဆိုတာကတော့ မိုက်ပါတယ်။
ခေတ်ပေါ် ဖုန်းတွေနဲ့ မတူတာတစ်ခုက သူ့မှာ 2TB microSD support ပေးထားတာပါ။ IP54 ဖြစ်လာလို့ ပိုရေစိုခံနိုင်ပေမယ့် သိပ်အကြမ်းကြီးတော့ မဟုတ်ပါဘူး။ ဘက်ထရီ၆.၇၇ လက်မ AMOLED display နဲ့ ကြည့်တဲ့ content ပေါ် လိုက်ပြီး ဘက်ထရီပါဝါ သက်သာအောင် အပြောင်းအလဲ လုပ်နိုင်မယ့် 120Hz refresh rate ပါပါမယ်။
Android 15 ပေါ် တည်ဆောက်ထားတဲ့ NothingOS 3.2 နဲ့ လာပြီး OS Update ၃ ကြိမ် Security Patch ၆ နှစ် ပေးတာက mid-range တစ်လုံးအတွက် ကောင်းပါတယ်။ အဖြူ , အနက် ၊ အစိမ်းဖျော့ နဲ့ လိမ္မော် အရောင် ၄ မျိုးနဲ့ လာပြီး 8/128GB ကို ၂၅၀ ယူရိုနဲ့ စရောင်းမှာပါ။
fisheye နဲ့ macro lens တို့လို interachable lens အတွက် ၃၅ ယူရို ထပ်ကျပါမယ်။ cover , wallet နဲ့ lens တစ်ခုပါ အတွဲအတွက်ဆို ၄၅ ယူရိုလို့ ပြောပါတယ်။