အမေရိကနှင့်ရုရှားအကာသယာဉ်မှူးများပါဝင်သော ဒုံးပျံကို ရုရှား လွှတ်တင်
နိုင်ငံတကာ အာကာသစခန်းသို့ သွားရောက်မည့် အမေရိကန် အာကာသယာဉ်မှူးတစ်ဦးနှင့် ရုရှားအာကာသယာဉ်မှူးနှစ်ဦးကို တင်ဆောင်သွားသော ရုရှား ဆိုယုဇ်ဒုံးပျံကို ကာဇက်စတန်ရှိ Baikonur လွှတ်တင်ရေးစခန်းမှ အင်္ဂါနေ့တွင် လွှတ်တင်ခဲ့သည်ဟု ရုရှားနိုင်ငံ၏ Roscosmos အာကာသအေဂျင်စီက ပြောကြားခဲ့သည်။
ဆိုယုဇ် MS-27 အာကာသယာဉ်သည် ရုရှားနိုင်ငံသား ဆာဂီ ရိုင်ဇီကော့ဗ် နှင့် အလက်စီ ဇူဘရစ်စကီနှင့် နာဆာအကာသယာဉ်မှူး ဂျိုနသန်ကင်မ်တို့ကို တင်ဆောင်သွားခဲ့ခြင်းဖြစ်သည်။
အာကာသယာဉ်သည် ဂရင်းနစ်စံတော်ချိန် ၀၉၀၄ နာရီတွင် နိုင်ငံတကာအာကာသစခန်းသို့ ဆိုက်ရောက်ရန် မျှော်လင့်ထားသည်။
အာကာသယာဉ်မှူးသုံးဦးသည် အာကာသစခန်းတွင် ၈ လကြာ နေထိုင်သွားရန် စီစဉ်ထားသည်။
မစ္စတာကင်မ်သည် အနာဂတ် အကာသမစ်ရှင်များအတွက် အာကာသယာဉ်မှူးများကို ပြင်ဆင်ရာတွင် အထောက်အကူပြုရန်နှင့် ကမ္ဘာပေါ်ရှိ လူသားများအတွက် အကျိုးကျေးဇူးများပေးနိုင်ရန် သိပ္ပံနည်းကျ စုံစမ်းစစ်ဆေးမှုများနှင့် နည်းပညာသရုပ်ပြမှုများကို လုပ်ဆောင်သွားမည်ဖြစ်သည်ဟု နာဆာက ပြောကြားခဲ့သည်။
မစ္စတာ ကင်မ်၊ မစ္စတာ ရိုင်ဇီကော့ဗ်နှင့် မစ္စတာ ဇူဘရစ်စကီတို့သည် နာဆာအာကာသယာဉ်မှူး ဒွန် ပက်တစ်၊ အန်နီ မက်ကလိန်း၊ နစ်ကိုး အေယားစ်၊ ဂျပန်အာကာသစူးစမ်းရေးအေဂျင်စီ၏ အကာသယာဉ်မှူး တာကူယာ အိုနီးရှီနှင့် ရုရှားအာကာသယာဉ်မှူး အလက်ဇီ အော့ဗ်ချင်နင်၊ အိုင်ဗန် ဗာ့ဂ်နာနှင့် ကီရိုင်း ပက်စ်ကော့ဗ်တို့နှင့်အတူ အကာသစခန်းတွင် ပူးပေါင်းမည်ဖြစ်သည်။ Ref: သည်ဂျေရုဆလင်ပို့စ်၊ တီအိပ်ချ်