"Fantastic Four" ဟာ Guardians of the Galaxy နဲ့ Black Panther လိုပဲ အောင်မြင်လာနိုင်တယ်လို့ Paul Walter Hauser က ပြောပါတယ်။
Paul Walter Hauser ကတော့ ဒီနှစ် July မှာထွက်မယ့် "The Fantastic Four: First Steps" နဲ့ Marvel Cinematic Universe ကို ပထမဦဆုံး ဝင်ရောက်လာသူဖြစ်ပါတယ်။ သူက "The Luckiest Man in America" ကို Promotion လုပ်ဖို့ The Direct နဲ့ စကားပြောရင်း "Fantastic Four" ဟာ Marvel ရဲ့ ရုံဝင်ငွေ အတက်အကျတွေကနေ ပြန်လည်အောင်မြင်မှုရလာအောင် လုပ်ပေးနိုင်မယ်လို့ပြောခဲ့ပါတယ်။
"Marvel ဟာ လူတွေကို ဝန်ဆောင်မှုပေးနေတာဖြစ်ပြီး လူတွေ ပျော်ရွှင် ခံစားနိုင်ဖို့ ဖျော်ဖြေရေးတွေအများကြီး ဖန်တီးပေးနေတာပါလို့" လို့ Hauser က ပြောပါတယ်။ "ကျွန်တော်တို့ တစ်ယောက်မှ ၁၀၀% ပြည့်စုံတာ မဟုတ်ပါဘူး။ တစ်ခါတလေမှ Target Audience က အတိအကျ မထိနိုင်ကြပါဘူး။ လူတိုင်းကြိုက်တဲ့ ဒါရိုက်တာတောင် တစ်ခါတစ်လေ စိတ်ပျက်စေတဲ့ ရုပ်ရှင်တစ်ကားကိုတော့ ရိုက်ခဲ့ဖူးပါပဲ။ ဒါက အမှန်တရားပဲ။" လို့ပြောပါတယ်။
"ဒါကြောင့် ကျွန်တော်တို့ရဲ့ ရုပ်ရှင် 'Fantastic Four: First Steps' ဟာ ကျွန်တော့်အမြင်အရဆိုရင်၊ ဒီနှစ်ရဲ့ Marvel ရုပ်ရှင်ထဲမှာ ကျွန်တော်တို့က အကောင်းဆုံးပဲလို့ ယုံကြည်ပါတယ်။ ဒါက ကြည့်ကို ကြည့်ရမယ့် ရုပ်ရှင်တစ်ကားပါ" လို့ သူက ထပ်ပြောပါတယ်။ "ဒီရုပ်ရှင်ဟာ သမိုင်းမှာ မှတ်တမ်းတင်ခံရမယ့် ရုပ်ရှင်တစ်ကားဖြစ်ပြီး၊ ကုမ္ပဏီအတွက် အောင်မြင်တွေယူဆောင်လာမယ့် ရုပ်ရှင်တစ်ကားလို့ ကျွန်တော် ယုံကြည်ပါတယ်။ ဒီဇာတ်ကားက 'Guardians of the Galaxy' နဲ့ 'Black Panther' တို့လို ပုံစံမျိုးနဲ့ ဆင်တူပါတယ်။
Marvel ဟာ ဒီနှစ်မှာ "Captain America: Brave New World" နဲ့ ရုံတင်ဝင်ငွေပိုင်းမှာ စိတ်ပျက်စေခဲ့ပြီး၊ ကမ္ဘာတစ်ဝှမ်း ဝင်ငွေ ၄၀၁ သန်းသာ ရရှိခဲ့ပါတယ်။ ၂၀၂၅ ရုံတင်ပြသမယ့်ထဲမှာတော့ "Thunderbolts" နဲ့ "Fantastic Four" တို့ ပါဝင်ပါတယ်။ မနှစ်က "Deadpool and Wolverine" က ဘီလီယံနဲ့ချီတဲ့ အောင်မြင်မှု ရှိခဲ့ပေမယ့်၊ Marvel ဟာ ၂၀၂၃ ခုနှစ်က "Ant-Man and the Wasp: Quantumania" နဲ့ "The Marvels" လို ရှားပါးတဲ့ ရုံတင်ဝင်ငွေ မအောင်မြင်မှုတွေ ကြုံခဲ့ရပါတယ်။ Hauser ရဲ့ အဆိုအရ "Fantastic Four" ဟာ ဒီလိုအဖြစ်အပျက်မျိုးတွေ မကြုံရဖို့ မျှော်လင့်ရပါတယ်။
"The Fantastic Four: First Steps" ကို Matt Shakman က ဒါရိုက်တာအဖြစ် ရိုက်ကူးထားပြီး၊ Pedro Pascal၊ Vanessa Kirby၊ Joseph Quinn နဲ့ Ebon Moss-Bachrach တို့က အဓိက လူလေးယောက်အဖွဲ့နဲ့ သရုပ်ဆောင်ထားပါတယ်။ Ralph Ineson နဲ့ Julia Garner တို့က Galactus နဲ့ Silver Surfer ဆိုတဲ့ ဗီလိန်နှစ်ယောက်အဖြစ် ပါဝင်ထားပြီး၊ Hauser နဲ့ John Malkovich တို့ကတော့ လျှို့ဝှက်ထားတဲ့ ဇာတ်ရုပ်တွေနဲ့ ပါဝင်ပါတယ်။