Part-3
*စကားပြောဆိုရာတွင် လိုက်နာရမည် ပထမဥပဒေသ၊ နားထောင်ပါ
ထိုကဲ့သို့ အဖြေများထွက်လာသည်မှာ ကျွန်တော်ဘာပြောသည်နှင့် မသက်ဆိုင်ဘဲ ကျွန်တော်ဘာကြားသည်နှင့်သာ သက်ဆိုင်သည်။ ကျွန်တော် နားထောင်ခြင်းကြောင့် ဖြစ်သည်။
ကွယ်လွန်သူဂျင်ဘီရှော့သည် ထင်ရှားသော စာရေးဆရာတစ်ယောက် ဖြစ်ပြီး မီယာမီတွင် နှစ်ပေါင်းများစွာနေထိုင်သော နယူးယောက်သား တစ် ယောက်ဖြစ်သည်။ တစ်ခါက သူစိတ်ဆိုးသည့် ကိစ္စတစ်ခုမှာ “နေကောင်း ရဲ့လား” ဟုမေးပြီး အဖြေကိုနားမထောင်သည့် သူများနှင့် ပတ်သက်သည်။ လူတစ်ယောက်ဆိုလျှင် ထိုသို့ မကြာခဏလုပ်သူ ဖြစ်သည်။ ထိုသို့ဖြင့် ဂျင်က ထိုပုဂ္ဂိုလ်နားမထောင်သည့် သူတစ်ယောက်ဖြစ်ကြောင်း ထင်ရှားရန် စမ်းသပ်ကြည့်လိုက်သည်။ တစ်နံနက်၌ ထိုသူက ဂျင်ထံသို့ရောက်လာ သည်။ ထုံးစံအတိုင်းပင် စကားစ,ပြောသည်။ “ဂျင်... ဘယ်လိုလဲ၊ နေကောင်းရဲ့လား” ဟု မေးလိုက်သည်။ ဂျင်က “ကျွန်တော် အသည်း ကင်ဆာဖြစ်နေတယ်” သူက “ဟာ... သိပ်ကောင်းတာပေါ့ ဗျာ ပြောပါဦးဂျင်ရေ” ဟု ဆက်ပြောသည်။ ဂျင်ဘိရှော့က သူနှင့်တွေ့ဆုံသည့် သူသည် သူပြောစကားကို မေးရုံမေးပြီး နားထောင်သည့်သူမဟုတ်ကြောင်း သက်သေပြခဲ့သည်။
ဒေးလ်ကာနယ်ဂျီကလည်း မိတ်ဆွေတိုးပွားနည်း၊ သြဇာလွှမ်းမိုးနည်း ဆိုသည့် စောင်ရေ ၁၅ သန်း ရောင်းပြီးသည့်စာအုပ်၌ “စိတ်ဝင်စားမှုခံရရန်အတွက် စိတ်ဝင်စားပါ” ဟု ပို၍ ထိထိမိမိရေးသားခဲ့သည်။
သူက တခြားသူတွေဖြေချင်မည့် မေးခွန်းမျိုးကိုမေးပါ။ သူတို့ အကြောင်းနှင့် သူတို့ရဲ့ အောင်မြင်မှုအကြောင်းတွေကိုမေးပါ။ သင်နှင့် တွေ့ ဆုံနေသည့်သူများသည် သူတို့အကြောင်း၊ သူတို့၏ဆန္ဒများ၊ သူတို့၏ ပြဿနာများကို သင့်အကြောင်း၊ သင်၏ပြဿနာများအကြောင်းထက် အဆ ပို၍ စိတ်ဝင်စားကြောင်း မမေ့ပါနှင့်။ လူတစ်ယောက်၏ သွားနာသည့် ကိစ္စသည် တရုတ်နိုင်ငံ၌ လူသန်းပေါင်းများစွာ သေကျေသော ငတ်မွတ်မှု ကိစ္စထက်ပို၍ အရေးကြီးသည်။ လည်ပင်းပေါ်က အနာတစ်ခုသည် အာဖရိကတွင် အကြိမ် ၄ဝ လှုပ်ခဲ့သော ငလျင်ထက်ပို၍ အရေးကြီးသည်။ သူ့အတွက် ပို၍စိတ်ဝင်စားစရာဖြစ်သည်။ ထိုအကြောင်းကို နောင်တစ်ချိန် စကားစတင်ပြောလျှင် သတိရပါဟု သူကရေးခဲ့သည်။
