ဒါတွေကို တစ်ကယ်ထင်နေတုန်းလား?
၁. Browser တွေမှာ Incognito Mode သုံးရင် လုံးဝလုံခြုံတယ်။
Browser တွေမှာ Incognito သုံးရင် သင့်မိဘ ဒါမှမဟုတ် ကောင်မလေးက ဖုန်းကို ဝင်စစ်ရင်သာ ဘယ် Website တွေကိုဝင်ထားတယ်၊ ဘာတွေကြည့်ထားတယ်ဆိုတာပဲ မမြင်ရမှာပါ။ Website ပိုင်ရှင်တွေ, Internet Service Provider တွေကတော့ မိတ်ဆွေတို့ ဘာတွေကြည့်နေတယ်။ ဘယ် Application တွေသုံးနေတယ်ဆိုတာကို မြင်ရပါတယ်။
၂. ငါကဘာကောင်မှမဟုတ်တာ၊ ငါ့အကောင့်ကို ဘယ်သူမှ မ Hack ပါဘူး။
အဲ့လိုထင်နေရင်တော့ အမှားကြီးမှားနေပါပြီ။ အနည်းဆုံးတော့ ဖုန်းနံပါတ်သိသွားရင် Scam Message ပို့တာ၊ Facebook ပါသွားရင်း ကိုယ့်အယောင်ဆောင်ပြီး အကောင့်ထဲကလူတွေဆီက ပိုက်ဆံချေးတာလုပ်ပါလိမ့်မယ်။ မဟုတ်ရင် အနည်းဆုံးတော့ ကိုယ်နဲ့ အွန်လိုင်းမှာ စကားပြောထားတဲ့ Conversations တွေပေါက်သွားပြီး အရှက်ကွဲနိုင်ပါသေးတယ်။ ဒါ့ကြောင့် ဂရုစိုက်ပါ။
၃. MacBook တွေနဲ့ iPhone တွေက Computer Malware မကူးနိုင်ဘူး။
ထပ်မှားပြန်ပါပြီ။ Virus တွေနဲ့ Melware ကိုတီထွင်တဲ့သူတွေက သူကတော့ MacBook သုံးလို့ မကူးအောင်ရေးကွာ၊ ဒါမှဟုတ် Macbook ကအရမ်းလုံခြုံလို့ ဖောက်ထွင်းဖို့မလွယ်လို့ မလုပ်ဘူးကွာဆိုပြီး မရှိပါဘူး။ No System is Safe ပါ။ တစ်ကမ္ဘာလုံးမှာ Windows Laptops တွေနဲ့ Android သုံးသူတွေက Apple သုံးတဲ့သူတွေထက် ပိုများလို့ Attacker တွေက ငါးများများရမယ့် နေရာကို ငါးစာချတာပါ။ Mac တွေနဲ့ iPhone တွေကိုပဲ သီးသန့်တိုက်ခိုက်တဲ့ Virus တွေအများကြီးပါ။
၄. AI တွေမှာ ကိုယ်ပိုင်အသိဉာဏ်ရှိတယ်။
ကျွန်တော်ကိုယ်တိုင်လည်း ခုမှသေချာစာသင်ခန်းထဲမှာ သေချာသင်ရခါမှ သိလာရတဲ့အကြောင်းကတော့ AI ဆိုတာ သင်္ချာ Model ကြီးတစ်ခုဖြစ်ပြီး ဖြစ်တန်ချေပေါ်မှာ အခြေခံထားတဲ့ နည်းပညာတစ်ခုပါ။ အဲ့တော့ AI ကနေ လူနဲ့ဆင်တူတဲ့ ကိုယ်ပိုင်အသိဉာဏ်ရလာဖို့ဆိုတာ ခုလောလောဆယ်မှာတော့ မဖြစ်နိုင်သေးတဲ့နည်းပညာတစ်ခုပါပဲ။ အနာဂါတ်မှာတော့ နည်းပညာသစ်၊ စွမ်းအင်သစ်တွေ ရှာတွေ့လာရင်တော့ စောင့်ကြည့်ရပါမယ်။
၅. ဖုန်းတွေကို တစ်ညလုံးအားသွင်းတာ Battery မြန်မြန်ပျက်နိုင်တယ်။
အရင်တုန်းကဖုန်းတွေမှာတော့မှန်ကောင်းမှန်နိုင်ပေမယ့် ဒီဖက်ခေတ်မှာတော့ ဖုန်းတွေရဲ့ Battery ပိုကောင်းဖို့နဲ့ လျှပ်စစ်အန္တရာယ်ကင်းစေဖို့ Hardware Level ရော၊ Software Level မှာပါ ကာကွယ်ပေးမယ့်စနစ်တွေရှိနေပါပြီ။ Hardware Level မှာဆိုရင် Charging Brick တွေမှာ အပူချိန်များလာရင် အားသွင်းတာကိုရပ်ပစ်တာမျိုး၊ အားဝင်နှုန်းကိုထိန်းတာမျိုးနဲ့ Software Level မှာဆိုရင် ဖုန်းအား % တစ်ခုကိုရောက်ရင် Fast Charging ကိုရပ်လိုက်တာမျိုးတွေဖြစ်ပါတယ်။ ရဲရဲကြီး ညဖက်အားသွင်းအိပ်လို့ရပါတယ် အားသွင်းခေါင်းနဲ့ ကြိုးကို Original သို့မဟုတ် Third Party ကောင်းကောင်းဝယ်ထားရင်ပေါ့
