“ မင်းဘ၀မှာ ပျော်ရွှင်ခဲ့ဖူးလား ”
“ မင်းကြောင့် အခြားသူတွေရော ပျော်ရွှင်ဖူးလား “
ဒီလိုပဲ ဒီဇာတ်ကားထဲမှာဆိုရင်လည်း ပိုက်ဆံသန်းပေါင်းများစွာ ပိုင်ဆိုင်ထားတဲ့ အတ်ဝေါ့ နှင့် သာမာန်မိသားစုက ကတ်တာ တို့က ဆေးရုံတစ်ခုကို တစ်ခန်းထဲ သွားစုံကြတယ်။သူတို့ နှစ်ယောက်လုံးက ကင်ဆာ ရောဂါရှိနေကြတာပါ။ဒါပေမယ့် အဲ့တာကိုမသိခင်အထိ ဆေးရုံမှာ တစ်ခန်းထဲ အတူ နေကြရင်း ခင်သွားကြပါတယ်။ဒီလိုနဲ့ ဆေးစစ်ချက်တွေထွက်တော့ သူတို့တွေ ခြောက်လ တစ်နှစ်ပဲ နေရတော့မယ်ဆိုတာ သိလိုက်ရတော့ သူတို့တွေ ဆေးရုံမှာပဲ အကုန်ခံမနေပဲ သူတို့ မသေခင်မှာ ဖြစ်ချင်တဲ့ အရာလေးတွေကို စာရွက်တစ်ခုမှာ ချရေးပြီးတော့ တစ်ခုချင်းကို နှစ်ယောက်သား လိုက်လုပ်ပါတော့တယ်။ဇာတ်အိမ်ကတော့ သူတို့ ဒီလိုဖြစ်ချင်တာတွေ လိုက်လုပ်တာကို ဇာတ်အိမ်တည်ထားပါတယ်။
သူတို့ အီဂျစ် ပီရိမစ်ထိပ်မှာ စကားပြောနေကြတုန်း ကတ်တာက ခုလိုပြောတယ်
"ရှေးခေတ်အီဂျစ်တွေမှာ သေခြင်းနဲ့ ပတ်သတ်ပြီးတော့ သိပ်ကောင်းတဲ့ အယူရှိတယ် ”
“သူတို့ ဝိညာဉ်တွေကောင်းကင်ဘုံကို ရောက်သွားချိန်မှာ ဘုရားသခင်က သူတို့ကို မေးခွန်းနှစ်ခုမေးတယ်
ကောင်းကင်ကို ၀င်ခွင့်ရမရ အဆုံးအဖြတ်ပေးတဲ့ မေးခွန်းတွေပေါ့"တဲ့
အတ်ဝေါ့က ပြန်မေးတယ် "အဲ့နှစ်ခုကဘာလဲ"
ကတ်တာက "မင်းဘ၀မှာ ပျော်ရွှင်ခဲ့ရဖူးလား"တဲ့ ပြီးတော့
"မင်းကြောင့် လူတွေပျော်ဖူးလား" တဲ့။
ကတ်တာ မေးလိုက်တဲ့မေးခွန်းနှစ်ခုက ရိုးရိုးလေးနဲ့ ဖြေရခက်တဲ့ မေးခွန်းတွေပေါ့။
ပြီးတော့ သူတို့ နှစ်ယောက်လုပ်ချင်တဲ့ စရင်းထဲက ကမ္ဘာပေါ်က အလှဆုံး ကောင်မလေးကို နမ်းမယ်ဆိုတဲ့ အရာကို အတ်ဝေါ့က သူ့မြေးလေးကို နမ်းပြီး ဖြည့်စည်းနိုင်ခဲ့သလို ကတ်တာရဲ့ ငါရယ်နိုင်သလောက်ထိ ရယ်မယ်ဆိုတာကို သူ့ရဲ့ နောက်ဆုံးအချိန်မှာ အတ်ဝေါ့နဲ့ ရယ်ခဲ့တာလေးက ဒီဇာတ်ကားရဲ့ မေ့မရတဲ့ အခန်းတွေထဲက တစ်ချို့ပေါ့ဗျာ။ကျန်တဲ့သူတို့လုပ်မယ့်အရာလေးတွေကတော့ ဇာတ်ကားလေးကိုကြည့်ရင်း ခံစားကြည့်လိုက်ပေါ့ဗျာ။
အပြင်မှာလည်း "တစ်ချို့လူတွေ ပျော်ရွင်မှုဆိုတာကိုတောင်မသိတော့ပဲ အလုပ်ပဲ လုပ်နေကြတာတွေကို ကိုယ်သာ မနက်ဖြန်သေသွားမယ်ဆိုရင် ဆက်လုပ်အုန်းမှာလား" ဆိုတဲ့ ပုံစံမျိုးကို မီးမောင်းထိုးပြနေတဲ့ ဇာတ်ကားမျိုးလို့လည်းပြောလို့ရပါတယ်။
ဇာတ်ကားကိုကြည့်ရင်း ကိုယ့်အတွေးကိုပါ ပြောင်းလဲပစ်နိုင်တဲ့ အဓိပ္ပာယ်ရှိလွန်းနဲ့ စကားလုံးတွေအများကြီးပါပါတယ်။
ဒါကြောင့် မကြာခင် သေတော့မယ့် လူအိုနှစ်ယောက်ရဲ့ ဘယ်လိုအရာတွေလုပ်ရင်း ပျော်ရွှင်အောင်နေထိုင်သွားကြမလဲဆိုတာကို ကြည့်ရင်း ကိုယ့်ရဲ့ အတွေးတွေကိုလည်း ပြောင်းလဲနိုင်တဲ့အတွက် The Bucket List ဆိုတဲ့ ဇာတ်ကားကောင်းလေးကို ညွှန်းပေးလိုက်ပါတယ်ခင်ဗျာ။
