𝟐𝟎𝟐𝟒 𝐌𝐚𝐳𝐝𝐚 𝐂𝐗-𝟗𝟎
ကျွန်တော် Mazda ကိုကြိုက်ရတဲ့အဓိကအချက်က Body styling ဗျ။ သေသပ်လှပကျော့ရှင်းပြီး ခေတ်မှီဆန်းသစ်လှတဲ့ လူငယ်ဆန်ဆန် Design elements တွေကြောင့်ဆိုရင်လည်း မမှားဘူးပေါ့ဗျာ။ မြင်ရသူတိူ့အဖို့ ငေးကြည့်ချင်စရာဖြစ်နေအောင် လှပနေပြီး Body syling ပိုင်းမှာလည်း ခေသူမဟုတ်လှတဲ့ ကားတွေကို စျေးနှုန်းချိုချိုသာသာ​ဖြင့် ရောင်းချပေးနေတာကလည်း နောက်ထပ်ကြိုက်မိတဲ့အချက်တစ်ချက်ပါပဲ။ ခုဆိုရင်လည်းကြည့် Mazda ရဲ့ အကြီးဆုံးနဲ့ high-end အဖြစ်ဆုံး flagship ကားတစ်စီးဆိုပေမယ့် သူ့ရဲ့ MSRP ကိုသိလိုက်ရုံနဲ့ မိတ်ဆွေစိတ်ထဲမှာ တန်တယ်ဆိုတဲ့ခံစားချက်တစ်ခုရသွားမယ်ဆိုတာ ကျွန်တော်လုံးဝယုံကြည်တယ်။ ချီးမွမ်းခန်းတွေလည်းဝင်ပြီးပြီဆိုတော့ မိတ်ဆွေတို့ကို ဒီနေ့မိတ်ဆက်ပေးမယ့် ကားလေးက caption မှာရေးထားတဲ့အတိုင်း Mazda CX-90 လေးပါ။ ကျွန်တော် သုညတစ်လုံးပိုရေးမိတယ်လို့ထင်သွားလား။ ဒါဆိုရင်တော့ ကျွန်တော်မှားရေးမိတယ်လို့မထင်လိုက်ပါနဲ့ CX-90 ပါ CX-9 မဟုတ်ပါဘူး။
SUV တွေအတော်လေးခေတ်စားလာပြီး အတော်လေးပြိုင်ဆိုင်မှုတွေများပြားလှတဲ့ ယနေ့ခေတ်ကြီးထဲမှာ Automakers တွေဟာလည်း သူတို့ရဲ့ကားတွေကို လူတွေစိတ်ဝင်စားဖို့အတွက် အသစ်အသစ်တွေပြောင်းလည်းထုတ်လုပ်လာကြတာဟာ ကျွန်တော်တို့မျက်မြင်ပါပဲ။ EV ကိုလုံးလုံးလျားလျားပြောင်းတဲ့သူကပြောင်း ယခင် အင်ဂျင်တွေကိုပဲ Hybrid မော်ဒယ်တွေတစ်စတစ်စ လုပ်ရင်းနဲ့ပဲ ICE ခေတ်ကတဖြည်းဖြည်းနဲ့ ကုန်ဆုံးလို့လာနေပါပြီ။ သိတဲ့အတိုင်း ယခင်ကတော့ CX-9 မော်ဒယ်ကသာ Mazda ရဲ့ အကြီးဆုံး Crossover တစ်စီးအဖြစ်ရပ်တည်နေခဲ့တာပါ။ အပေါ်မှာပြောခဲ့တဲ့အတိုင်းပဲ ပြိုင်ဆိုင်မှုတွေများပြားလှတဲ့ ယနေ့ခေတ်ထဲမှာ Mazda လည်း CX-9 မော်ဒယ်နေရာမှာ ပိုပြီးခန့်ငြားထည်ဝါတဲ့ CX-90 နဲ့အစားထိုးလိုက်ပါပြီ။ ကားရဲ့အလျား အနံကစလို့ အရွယ်အစားပါပိုမိုကြီးမားလာပြီး long wheelbase ဖြစ်လာတာနဲ့အညီ CX-90 ရဲ့ hood အပါအဝင် ကားတံခါးတွေပါ ပိုမိုကျယ်လာတာပဲ ဖြစ်ပါတယ်။ ယခင်မော်ဒယ်တွေကဲ့သို့ honeycomb grille တွေကိုဆက်မသုံးတော့ဘဲ ဒေါင်လိုက်ဖြစ်တဲ့ vertical grille တွေကို တောက်ပြောင်လှတဲ့ Chrome တန်းတွေနဲ့ လိုက်ဖက်လွန်းလှစွာ ပုံဖော်ထားတဲ့အတွက်ကြောင့် ခံ့ခြားထည်ဝါတယ်ဆိုတဲ့ ဂုဏ်ပုဒ်ကိုပေးခဲ့တာဗျ။ နောက်ကြည့်မှန်ရဲ့အောက်ဖက်မှာတော့ CX-90 မှာတပ်ဆင်ထားတဲ့ powertrains တွေကိုအလွယ်တကူခွဲခြားသိမြင်နိုင်စေရန်အတွက် inline 6 နှင့် PHEW (Hybrid) စာသားလေးတွေပါတဲ့ Chrome Badge လေးတွေ ကပ်ပေးထားပါသေးတယ်။ Flagship ကားတစ်စီးဆိုတဲ့ဂုဏ်ပုဒ်ကို ပိုပီသသွားစေရန်အတွက် Hands-free power liftgate လုပ်ပေးထားအုံးမှာပဲ ဖြစ်ပါတယ်။
ကဲ ဒါဆို Performance ပိုင်းကိုဆက်ဖတ်ပေးအုံးနော့။ Mazda CX-90 ရဲ့ Trims တွေက (၁၁) မျိုးလောက်ရှိတာဆိုတော့ ဒါတွေအကုန်လုံးရေးလည်း ခဏနေရင်မေ့သွားမှာဆိုတော့ အဓိက Powertrain နှစ်မျိုးကိုပဲပြောပြပါ့မယ်။ ပထမတစ်မျိုးကတော့ 3.3L six-cylinders turbo အင်ဂျင်ပါ။ 340 Hp နှင့် 369 lb-ft of torque အထိ စွမ်းဆောင်ရည်ရရှိနိုင်မှာဖြစ်ပါတယ်။ Powertrain နှစ်ခုစလုံးမှာတော့ 8-speed automatic transmission နဲ့ paired လုပ်ပေးထားမှာဖြစ်ပြီး ဒုတိယ တစ်ခုဖြစ်တဲ့ 2.5L four-cylinders (Hubrid) မှာတော့ 323 Hp နှင့် 369 lb-ft of torque အသီးသီးထွက်ရှိနိုင်ပါလိမ့်မယ်။ ဒါ့အပြင် ထူးခြားချက်တစ်ခုကတော့ M-hybrid လို့ခေါ်တဲ့ mild hybrid system ကို Electric Motor အင်ဂျင်နဲ့ Transmission ကြားမှာထည့်ပေးထားတဲ့အတွက် အင်ဂျင် start/stop လုပ်တဲ့အခါမှာပဲဖြစ်ဖြစ်၊ ကားစက်နှိုးထားပြီး မမောင်းသေးဘဲထားထားတဲ့အချိန်မှာပဲဖြစ်​ဖြစ် ကားဆီစားခြင်းမှကာကွယ်အောင် စွမ်းဆောင်ပေးနိုင်မှာပဲ ဖြစ်ပါတယ်။ ဒါနဲ့ Towing Capacity အနေနဲ့ 5000 lbs လောက်အထိကို ဆွဲနိုင်အုံးမှာပါ။
CX-90 ရဲ့ interior ကတော့ 3 Rows ဖြစ်သွားတဲ့အတွက် တစ်ချိန်တည်းမှာပဲ လူရှစ်ယောက်လောက်အထိ ဝင်ဆံ့နိုင်မယ်ဗျ။ Kumihimo ခေါ် Japanese weaving technique နဲ့ပြုလုပ်ထားတဲ့ dashboard ပေါ်ကအသားအနားတွေကို အရည်အသွေးမြင့်မားလှတဲ့ Nappa leather ထိုင်ခုံတွေနဲ့ ပေါင်းစပ်ဖန်တီးထားတဲ့အတွင်းခန်းကတော့ ဘယ်လောက်တောင် မိုက်နေမလည်းဗျာ။ Door panel မှာ Chrome တန်းလေးတွေ ထပ်လောင်းအသုံးပြုပေးထားပြီး သစ်သားအစစ်နဲ့ပြုလုပ်ပေးထားတဲ့ materials တွေကြောင့်လည်း CX-90 ကိုပို luxury ဆန်တဲ့အတွင်းခန်းဖြစ်အောင် ဖန်တီးပေးနေတာ အမှန်ပါပဲ။ 7.0" digital gauge cluster, 12.3" ရှိတဲ့ resolution ကောင်းကောင်း ဗြက်သေးသေး အလျားရှည်ရှည် infotainment screen တစ်ခုအပြင် standard အနေနဲ့ Speakers 8 လုံးအထိထည့်သွင်း အသုံးပြုပေးထားမှာပါ။ အကယ်၍ မိတ်ဆွေက Speakers 8 လုံးတည်းနဲ့ မကျေနပ်နိုင်သေးဘူးဆိုရင်တော့ 12 Speakers Bose Premium Sound System ကို option အနေနဲ့ ဝယ်ယူနိုင်အုံးမှာပဲ ဖြစ်ပါတယ်။ ပုံမှန်ကားတွေရဲ့ Second row ကတော့ heated and cooled seats တွေမရတတ်ပေမယ့် CX-90 ရဲ့ Second row ကတော့ Captain chairs တွေဖြစ်သွားတာနဲ့အညီ ထိုအရာတွေကိုပါ ပေးစွမ်းနိုင်ပါလိမ့်မယ်။ Massaging seats တွေကတော့ မရနိုင်သေးပါဘူး။ ထုံးစံအတိုင်း Third row ကတော့ ခပ်ငယ်ငယ် ကလေးလေးတွေ ထိုင်ဖို့အတွက်လောက်သာ အဆင်ပြေနိုင်မယ်လို့ပြောချင်ပါတယ်။
ကဲ ဒီလောက်ဆိုရင်တော့ Mazda CX-90 လေးအကြောင်း အထိုက်အလျောက်သိသွားမယ်လို့ထင်ပါတယ်။ 2024 Mazda CX-90 ရဲ့ MSRP ကတော့ Trims ပေါ်မူတည်ကာ $39,595 - $61,325 ကြားသာကျသင့်မှာဖြစ်ပြီး ပြိုင်ဖက်တွေဖြစ်တဲ့ Acura MDX နှင့် Volvo XC-90 တို့ကတော့ $60,000 ကျော်မှစကာ $80,000 ကျော်လောက်အထိကိုကျသင့် ကြမှာပဲ ဖြစ်ပါတယ်။
𝐊𝐞𝐞𝐩 𝐂𝐚𝐥𝐦 𝐀𝐧𝐝 𝐃𝐫𝐢𝐯𝐞 𝐎𝐧