ညောင်ဦးမြိုနယ်အတွင်းရှိ အုပ်စုအုပ်ချုပ်ရေးမှူးတစ်ဦးအား အကြမ်းဖက် PDF များက သတ်ဖြတ်
*******************
(မှုခင်း) မတ်လ ၅
မန္တလေးတိုင်းဒေသကြီး၊ ညောင်ဦးမြို့နယ်၊ အောက်ညဉ့်ကျေးရွာအုပ်စုအုပ်ချုပ်ရေးမှုးအား အကြမ်းဖက် PDF များမှ ယမန်နေ့မွန်းလွဲ ၃ နာရီအချိန်ခန့်က သတ်ဖြတ်သွားခဲ့ကြောင်း သိရသည်။
ဖြစ်စဉ်မှာ ယမန်နေ့ မွန်းလွဲ ၂ နာရီ ၅၅ မိနစ်အချိန်ခန့်တွင် ညောင်ဦးမြို့နယ်၊ သူကောင်းတည်ကျေးရွာနေ ဦးထွန်းဝေ၊ ၅၇ နှစ်၊ (ဘ)ဦးချောင်း၊အောက်ညဉ့်ကျေးရွာအုပ်စု အုပ်ချုပ်ရေးမှုးသည် နေအိမ်၌ သားဖြစ်သူ ချစ်မင်းသက်၊ ၃၂ နှစ်နှင့်အတူရှိနေစဉ် အကြမ်းဖက် PDF အင်အား ၆ ဦးခန့်သည် သေနတ်အတို/အရှည်များ ကိုင်ဆောင်၍ ကျေးရွာ၏တောင်ဘက် ယမ်းစမ်းကျေးရွာဘက်မှ ဆိုင်ကယ် ၃ စီးဖြင့် ရောက်ရှိလာပြီး ဦးထွန်းဝေ၏ နေအိမ်အတွင်းဝင်ရောက်ကာ သေနတ်ဖြင့်ပစ်သတ်ခဲ့ခြင်းဖြစ်ကြောင်း သိရသည်။
အဆိုပါ အကြမ်းဖက်သမားများ၏ ပစ်ခတ်မှုကြောင့် ဦးထွန်းဝေတွင် ယာ-ပါး ဖောက်ဝင်ဒဏ်ရာ ၁ ချက်၊ ဝဲ-ဦးခေါင်း ဖောက်ထွက်ဒဏ်ရာ ၁ ချက်၊ယာ-နံဘေး ဖောက်ဝင်ဒဏ်ရာ ၁ ချက်တို့ရရှိကာ အခင်းဖြစ်နေရာတွင်ပင် သေဆုံးခဲ့ရပြီး သားဖြစ်သူ ချစ်မင်းသက်တွင် ယာ-ခြေသလုံး ဖောက်ဝင် ဒဏ်ရာ ၁ ချက်ရရှိခဲ့ကြောင်းသိရပြီး၊ အကြမ်းဖက် PDF များမှာ လာရာလမ်းအတိုင်း ပြန်လည်ထွက်ခွာသွားကြောင်း၊ အခင်းဖြစ်နေရာအနီးမှ ၇.၆၂ ကျည်ခွံ ၁၄ ခုခန့် တွေ့ရှိခဲ့ကြောင်း သိရသည်။
