ကမ္ဘာပေါ်မှာ အပျော်ရွှင်ဆုံးလူသားတွေဟာ ဘယ်သူတွေလို့ထင်ကြလဲ...
တချို့တွေကျ ငွေကြေးပြည့်စုံကြွယ်ဝချမ်းသာသူ၊ အောင်မြင်ကျော်ကြားသူ၊ ဂုဏ်တွေ ရာထူးတွေရှိသူလို့ ပြောကြမှာ အမှန်ပါပဲ။
ဒါပေမဲ့ ဒီအရာတွေရှိတိုင်း မပျော်ရွှင်ကြပါဘူး။ အခုကျွန်တော်ပြောမယ့်အရာလေးရှိတဲ့လူတွေကတော့ အဲဒီအရာလေးကနေပဲ သူတို့ကို ပျော်ရွှင်သွားစေပါတယ်။
လွန်ခဲ့တဲ့ လေးနှစ်က တစ်နိုင်တစ်ပိုင် စီးပွားရေးလေးလုပ်ပြီး ပျော်ရွှင်နေတဲ့ အသိတစ်ယောက်ကို တွေ့ဖူးပါတယ်။ သူ့ကိုကြည့်လိုက်ရင် ပျော်ရွှင်ပြီး ပေါ့ပါးသွက်လက်နေတာပဲ။
''အစ်မက ဘာလို့ အဲဒီလောက် တတ်ကြွပျော်ရွှင်နေတာလဲ'' လို့ မေးကြည့်တော့ အစ်မက ''လွတ်လပ်တဲ့ ဘဝမှာနေလို့''တဲ့။
ချမ်းသားနေရုံ၊ အောင်မြင်ကျော်ကြားနေရုံ၊ ဂုဏ်တွေ ရာထူးတွေ ရှိနေရုံနဲ့ အပျော်ရွှင်ဆုံးလူသားတွေ ဖြစ်မလာပါဘူး။ လွတ်လပ်သောဘဝကို ပိုင်ဆိုင်မှသာလျှင် ဒီကမ္ဘာကြီးထဲ အပျော်ရွှင်ဆုံးလူသားတွေ ဖြစ်လာပါလိမ့်မယ်။
