The Odyssey မှာ ပါဖို့ ကမ်းလှမ်းခံရသော်လည်း ငြင်းပယ်ခဲ့တဲ့ Robert Downey Jr.
ကမ္ဘာ့စာပေကို လေ့လာသူတိုင်း မဖြစ်မနေ ဖတ်ရှုလေ့လာရတဲ့ ရှေးခေတ် ဂရိကဗျာရှည်ကြီး တစ်ပုဒ်ဖြစ်တဲ့ ‘The Odyssey’ ကို ဟောလိဝုဒ်ရဲ့ အထင်ကရ ဒါရိုက်တာ တစ်ယောက်ဖြစ်တဲ့ Christopher Nolan က ရုပ်ရှင်အဖြစ် အသက်သွင်း ဖန်တီးသွားဖို့ ရှိနေပါတယ်။
‘The Odyssey’ မှာဆိုရင် ကမ္ဘာကျော်ထိပ်တန်း သရုပ်ဆောင်တွေ ဖြစ်တဲ့ Matt Damon, Robert Pattinson, Tom Holland, Anne Hathaway, Charlize Theron, Zendaya နဲ့ Lupita Nyong’o တို့ မြိုင်မြိုင်ဆိုင်ဆိုင် ပါဝင်သရုပ်ဆောင်သွားမှာပါ။
ဒါတင်မကသေးဘဲ The Odyssey မှာ ပါဝင်လာမယ့် Poseidon ဇာတ်ကောင်နေရာအတွက် Christopher Nolan က သူနဲ့ အလုပ်တွဲလုပ်ဖူးတဲ့ သရုပ်ဆောင် Robert Downey Jr. ကို ကမ်းလှမ်းခဲ့သေးတယ်လို့ သိရပါတယ်။
ဒါပေမဲ့ RDJ က Marvel Studios က ထုတ်လုပ်သွားမယ့် Avengers: Doomsday ရုပ်ရှင်ရဲ့ အဓိက ဇာတ်ကောင် Dr.Doom အဖြစ်သရုပ်ဆောင်ဖို့ လက်ခံထားပြီးဖြစ်တဲ့အပြင် ရုပ်ရှင်အတွက် ရိုက်ကူးရေး လုပ်ငန်းတွေလည်း စတင်နေပြီ ဖြစ်တဲ့အတွက် ကမ်းလှမ်းမှုကို ငြင်းပယ်ခဲ့ရတယ်လို့ သတင်းတွေက ဖော်ပြနေကြပါတယ်။