အိန္ဒိယနိုင်ငံမှ အံ့ဖွယ်မဟာဗောဓိညောင်ပင်
°°°°°°°°°°°°°°°°°°°°°°°°°°°°°°°°°°°°°°°°°°°°°°°°
ကမ္ဘာပေါ်မှာ အံ့သြဖွယ်ရာ သဘာဝဖြစ်တည်မှုတွေ အများအပြားရှိတဲ့အနက် အိန္ဒိယနိုင်ငံ အနောက်ဘင်္ဂလားပြည်နယ်၊ (Howrah) ဟောင်ရာမြို့အနီး မှာရှိတဲ့ မဟာဗောဓိညောင်ပင်ကြီးဟာ ထူးခြားတဲ့ သစ်ပင်တစ်ပင်အဖြစ် ထင်ရှားပါတယ်။
ဒီအပင်ကြီးဟာ သစ်တောတစ်ခုလို ကျယ်ပြန့်လှပေမယ့် တကယ်တမ်းတော့ အပင်တစ်ပင်တည်းသာ ဖြစ်ပါတယ်။
သက်တမ်းအားဖြင့် နှစ်ပေါင်း ၂၅၀ ကျော်ရှိပြီဖြစ်တဲ့
ဒီညောင်ပင်ကြီးရဲ့ ထူးခြားချက်ကတော့ ပင်စည်တစ်ခုတည်းကနေ ကောင်းကင်အမြစ်တွေ အများအပြား ထွက်ပေါ်လာပြီး မြေကြီးထဲကို ထိုးဆင်းကာ ပင်စည်အသစ်တွေအဖြစ် ကြီးထွားလာခြင်းပါပဲ။
ဒီဖြစ်စဉ်ကြောင့် အပင်ဟာ အချိန်ကြာလာတာနဲ့အမျှ ဧရိယာ ၄.၆၇ ဧက (၁.၈၉ ဟက်တာ) လောက်အထိ ကျယ်ပြန့်လာပြီး သစ်တောအုပ်ကြီးတစ်ခုလို ထင်မှတ်မှားရလောက်အောင် ဖြစ်လာပါတယ်။
အပင်ရဲ့ အမြင့်ကတော့ ပေ ၈၀ (၂၄ မီတာ) ဝန်းကျင် ရှိပါတယ်။ သို့သော်လည်း ၁၉၂၅ ခုနှစ်မှာ မုန်တိုင်းဒဏ်ကြောင့် မူလပင်စည်ဟာ မှိုရောဂါကြောင့် ပျက်စီးသွားခဲ့ပြီး ဖယ်ရှားခဲ့ရပါတယ်။
လက်ရှိမြင်တွေ့နေရတဲ့ အပင်ကြီးဟာ မူလပင်စည်ကနေ ပေါက်ဖွားလာတဲ့ ကောင်းကင်အမြစ်တွေကနေတဆင့် ပင်စည်အသစ်များစွာအဖြစ် ဆက်လက်ရှင်သန်ကြီးထွားနေတာ ဖြစ်ပါတယ်။
#knowledge