"လေလံတင်တယ်"ဆိုတဲ့ ဝေါဟာရ ပေါ်ပေါက်လာခဲ့တဲ့ ခေတ်ဟောင်း အကြောင်းတရားများ..

ကမ္ဘာပေါ်မှာ ဘာသာ၊လူမျိုးမတူတဲ့ ပညာရှင်တွေ တီထွင်ထားတဲ့ ပစ္စည်းအမျိုးမျိုးနဲ့ အတူသဘာဝတွင်းထွက်ပစ္စည်းတွေလဲ ရှိနေပါတယ်။
ဒီလို ပစ္စည်းတွေရဲ့ ဈေးနှုန်းအားပြိုင်မှုနဲ့ အတူ လေလံတင်ခြင်းကလည်း AD 80ခုနှစ်ထဲက တရုတ်ပြည်ကနေ စတင်ခေတ်စားလာခဲ့ပါတယ်။ 1900ခုနှစ်နှောင်းပိုင်း တွေမှာတော့ ခေတ်အစားဆုံးပါပဲ။

ဒါဆို ဘာကြောင့်လေလံတင်ကြတယ် ဆိုတာ ပြောပြပါရစေ။👇👇👇

ရောင်းသူဘက်က ပစ္စည်းတစ်ခုဟာ တန်ဖိုးကြီးလွန်းတဲ့အတွက် ရနိုင်တဲ့ ခန့်မှန်းတန်ဖိုးထက် ပိုပေးနိုင်မယ့်သူကို ရှာရပါတယ်။
ဝယ်သူတွေကလဲ (ဥပမာ-တန်ဖိုးကြီးပစ္စည်း ကျောက်စိမ်း) ကို ဝယ်လိုက်ပြီး ကြာလာတဲ့အခါ လေလံဈေးထက်ပိုကာ မြတ်နိုင်ပါတယ်။

ရှေးက လေလံတင်ပုံစံ အကျဉ်းချုပ်ကို ပြောရရင် မှန်ဘောင်တွေ ဝန်းရံထားတဲ့အလယ်မှာ ပစ္စည်းတွေကို စနစ်တကျပြသထားပြီး လေလံတင်ခါနီးမှ လေလံပွဲထဲကို လက်အိတ်ဝတ်ထားတဲ့ လူတချို့က လာပြတာပါ။လေလံတင်သူက ပစ္စည်းကို အရင်ပြသပြီး အဖွင့်ဈေးကို ပြောပါလိမ့်မယ်။ပြီးရင်တော့ လူချမ်းသာလူကြီးမင်းတချို့က သူ့ထက်ငါအပြိုင် ဆိုင်းဘုတ်တွေထောင်ပြီး အလုအယက်ဝယ်ယူကြပါတော့တယ်။

ပစ္စည်းတစ်ခု ဘယ်သူ့လက်ထဲ ရောက်မယ်ဆိုတာကတော့ ဘယ်သူဈေးပိုပေးနိုင်မယ် ဆိုတာနဲ့ မူတည်ပါတယ်။ကိုယ်လိုချင်တဲ့ ပစ္စည်းဆိုရင်တော့ လေလံတင်သူ သစ်သားခုံကို သုံးချက် မခေါက်ခင် သူများထက် ဈေးပေးပြီး ဝယ်ရပါတယ်။

ဗိုလ်ပါ တချို့ကတော့ ဂုဏ်သိက္ခာနဲ့ စည်းစိမ်ကို ပြိုင်ဆိုင်တဲ့အနေနဲ့ လေလံဆွဲလေ့ရှိကြပါတယ်။မင်းကတော်၊မြို့စားကတော်တွေ သူတို့ရဲ့ခင်ပွန်း သူဌေးတွေရဲ့ ရှာသမျှကို သုံးဖြုန်းရာ နေရာလည်းဖြစ်ပါတယ်။

ဒီလို ဂုဏ်သရေရှိ လူကြီးမင်းတွေ ကြားထဲမှာ ရောင်းတဲ့(လေလံတင်တဲ့) ပစ္စည်းတွေဆိုတာ သေချာပေါက် ပေါပေါပဲပဲ ပစ္စည်းတွေတော့ မဟုတ်ပါဘူး။ရှေးခေတ်ပန်းအိုးတွေ၊ခေတ်ဟောင်းက လက်ဝတ်ရတနာပစ္စည်းတွေ၊ခါးစည်းအဆောင်တွေ၊ရှေးက နာမည်ကြီးသူတွေ ဆင်မြန်းခဲ့တဲ့ ပိုးဝတ်စုံတွေ၊ခေတ်ဟောင်းပန်းချီတွေ စသည်ဖြင့်ပေါ့။ဒါတွေအကုန်လုံးက နှစ်ရာချီနေတဲ့ အဖိုးတန် အမွေအနှစ်တွေပါ။

အခုခေတ်အထိလဲ ကျောက်သူဌေးတွေ ကြားထဲမှာ လေလံတင်တဲ့ ‌ကျောက်စိမ်းပွဲတွေ၊ကျော်ကြားတဲ့ ပန်းချီပညာရှင်တွေ ရေးဆွဲတဲ့ပန်းချီကားချပ်တွေ စတဲ့ ဝယ်ချင်တိုင်း မရနိုင်တဲ့ အဖိုးတန်ပစ္စည်းတွေကို‌ပဲ လေလံတင်နေကြတာပါ။

ဒါကြောင့် လေလံတင်ခြင်းဆိုတာ အဖိုးတန်ပစ္စည်းတွေကို ခင်းကျင်းပြသရာ၊ရောင်းချရာ၊သူဌေးအများစုရဲ့ အင်အား ပြိုင်ဆိုင်ရာ နေရာဖြစ်တယ်လို့ အကျဉ်းချုပ် ပြောပြရင်း နှုတ်ဆက် အဆုံးသတ်လိုက်ရပါတယ် ခင်ဗျာ။

#ancient
#culture
#heritage
#frankiestories