ပြုသူ အသစ် ဖြစ်သူ အဟောင်း🙏••••••••••••••••••••••••••••••••••••••••
"အရှင်ဘုရား----
တပည့်တော်လည်း မကောင်းတာ မလုပ်
မိဘဲ တပည့်တော် လုပ်လုပ် အကောင်း
မမြင်ကြဘူး၊နည်းမျိုးစုံနဲ့ တိုက်ခိုက်နေပါတယ်
ဘုရား၊အဲဒါ ဘာ့ကြောင့်ပါလဲဘုရား"
(အဲဒီမေးခွန်းက မကြာခဏ မေးလေ့ရှိတယ်၊
ခု ပြန်ဖြေပေးလိုကိပါပြီ။)
အဲဒါက---
မိမိပြုခဲ့တဲ့ အတိတ်က ကံကြွေး ပြန်ပြီး
ပေးဆပ်ရတယ်လို့ ခေါ်ပါတယ်။
ကိုယ် ဘာလုပ်လုပ် အကောင်း မမြင်တာ
ကိုယ်ဘယ်လောက်ကောင်းကောင်း
တိုက်ခိုက် ပုပ်ခတ် ခံနေရတာက အတိတ်က
အလားတူ မိမိကိုယ်တိုင် ပြုဖူးတဲ့ မကောင်း
မှု အကုသိုလ်ကံကြောင့် ဘဲဖြစ်ပါတယ်။
တခါက ဆရာတော်ကြီးတစ်ပါးဟာ
ကျောင်းက တိုင်ကပ်နာရီကြီး ခိုးခံရလို့ တုံးမောင်း
ရိုက်ပြီး ရွာကို သိစေခဲ့တယ်၊ပြီးမှ ဆရာတော်
ကြီးက တရားနှလုံးသွင်း ဆင်ခြင်ပြီး ဒကာတို့
ခိုးသူလည်း ရှာမနေနဲ့တော့၊လက်စသတ်တော့
ငါက အတိတ်က သူခိုးကြီး ဖြစ်ဖူးတယ်ကွ"
လို့ ဆိုဖူးပါတယ်။
ဘုန်းကြီးကိုယ်တိုင်လည်း ကြုံဖူးတယ်၊
ခရီးသွားရင်း ဒုက္ခရောက်လာလို့ တစ်ည အိပ်
ခွင့်ပြုလိုက်တဲ့ သူက နှစ်သိန်းလောက်တန်တဲ့
ဖုန်းကို ခိုးသွားတယ်၊ဒကာတွေက မကျေနပ်ဘဲ
လိုက်မယ်ဖမ်းမယ် တစ်ခုခု လုပ်မယ် ပြောကြ
တော့ "ဒကာတို့ မလိုက်ကြနဲ့ ဘာမှ မလုပ်ကြနဲ့၊
ငါကိုယ်တိုင် အတိတ်က ခိုးဖူးလို့ ပြန် အခိုးခံ
ရတာပါ၊ဝဋ်ကြွေးတခု ကျေတာပေါ့" လို့
နှစ်သိပ်ခဲ့ဖူးတယ်။
တကယ်တမ်း မိမိက ကောင်းပါလျှက်၊
မကောင်းတာ မပြုပါဘဲလျှက် ကိုယ့်ကို
အကောင်းမမြင်တာက ဖြစ်သူက(ခံရသူက)
ကံ အဟောင်း ကို ပေးဆပ်ရတာပါ။
မိမိက ကောင်းပါလျှက် တိုက်ခိုက်နေသူ၊
တဖက်သားကို နိုင်လိုမင်းထက် ပြုနေသူ
များဟာ ကံ အသစ်ပြုနေသူတွေ လို့ မှတ်ရ
ပါမယ်။အဲဒီ ကံအသစ် အကုသိုလ်က
မသေခင်စပ်ကြားနဲ့ သေပြီးသည့် နောက်
သံသရာထိ ခံရတတ်ပါတယ်။
ခွေး သတ္တဝါက ပစ်တဲ့ ခဲ ကိုလိုက်တတ်တယ်၊
ပစ်သူကို လိုက်ရကောင်းမှန်မသိဘူး၊
ခြင်္သေ့ သတ္တဝါက ခဲနဲ့ပစ်လျှင် ပစ်သူကိုသာ
လိုက်တတ်တယ်၊ခဲ နောက်မလိုက်ဘူး။
ထို့အတူမှတ်ရမှာက---
ပစ္စုပ္ပန်မှာ တိုက်ခိုက်ပုပ်ခတ်နေသူကို အပြစ်
မြင်နေ၊ လက်တုံ့ပြန်နေသူများက ခဲ ကိုလိုက်တဲ့
ခွေးနဲ့ တူလိမ့်မယ်။
တကယ်တမ်း ကိုယ်ကံမကောင်းတိုင်း
ကိုယ့်ရဲ့ အတိတ်ကံ ကို ပြန်မြင်ပြီး အဓိက
တရားခံက ကိုယ်ကိုယ်တိုင်ပါလား လို့
တရားခံ အစစ်ကို မြင်နိုင်သူက ခြင်္သေ့ နဲ့ တူတဲ့
တကဲ့ ပညာရှိ မည်ပါတယ်နော်။
ဒါ့ကြောင့်---
ပြုသူက ကံအသစ်ကိုပြုလိုက်တာ၊
ဖြစ်သူ(ခံရသူ)က ကံအဟောင်းကို ခံရတာ
လို့ တရားနဲ့ဖြေပါလို့ ဆိုချင်ပါတယ်နော်။ ။
(သဗ္ဗေသတ္တာ ကမ်မဿကာ )
