#နိုင်ငံတကာသတင်း
◼ထရန့်ကိုယ်စားလှယ်နှင့် အပြုသဘောတွေ့ဆုံမှုကို မျှော်လင့်ကြောင်း ဇီလန်စကီးပြော
အမေရိကန်အထူးကိုယ်စားလှယ် ကိသ်ကဲလော့ နှင့် ယနေ့ တွငတွေ့ဆုံသွားမည်ဖြစ်ကာ အမေရိကန်နှင့်အပြုသဘောဆောင်သည့် အရာများလုပ်ဆောင်ရန် မျှော်လင့်ကြောင်း ယူကရိန်းသမ္မတ ဇီလန်စကီး က ညစဉ်မိန့်ခွန်း၌ ပြောကြားသည်။
အမေရိကန်သမ္မတဒေါ်နယ်ထရန့်က ၎င်းအား ဆိုရှယ်မီဒီယာတွင် တိုက်ခိုက်ပြောဆိုခဲ့ပြီးနောက် ဇီလန်စကီး၏ပြောကြားချက်ထွက်ပေါခဲ့ခြင်းဖြစ်သည်။
အမေရိကန် ၊ ဥရောပတို့နှင့်ဆိုလျှင် ငြိမ်းချမ်းရေးက ပိုမိုစိတ်ချရမည်ဖြစ်ကြောင်း နှင့် ယင်းမှာ မိမိတို့၏ ရည်မှန်းချက်ဖြစ်ကြောင်း ဇီလန်စကီးကဆိုသည်။
ထို့ပြင် ကမ္ဘာပေါ်တွင် ဩဇာအာဏာအကြီးဆုံးပုဂ္ဂိုလ်မှာ ကရင်မလင် နှင့် လက်တွဲ မလား ၊ ငြိမ်းချမ်းရေးနှင့် လက်တွဲမလားဆိုသည့် ရွေးချယ်မှုနှင့် ရင်ဆိုင်နေရကြောင်း ဒေါ်နယ် ထရန့်အား ရည်ညွှန်း၍ ဇီလန်စကီးက ပြောကြားသည်။
“ အနာဂတ်ဟာ ပူတင် နဲ့ ရှိမနေဘဲ ငြိမ်းချမ်းရေး နဲ့ ရှိနေပါတယ်။ ပူတင်နဲ့လက်တွဲမလား ဒါမှမဟုတ် ငြိမ်းချမ်းရေးနဲ့လက်တွဲမလားဆိုတာ ကမ္ဘာပေါ်ကလူတိုင်းအတွက် အင်အားကြီး သူအတွက်ရော ရွေးချယ်စရာဖြစ်နေပါတယ်။ ကျွန်တော်တို့ ငြိမ်းချမ်းရေးကို ရွေးသင့်ပါတယ်။” ဟု ဇီလန်စကီး က ဆိုသည်။
၎င်းအနေနှင့် ယူကရိန်း၏ စည်းလုံးညီညွတ်မှု ၊ ဥရောပ၏ စည်းလုံးညီညွတ်မှု နှင့် အမေရိ ကန်နိုင်ငံ၏ လက်တွေ့ကျမှုကိုအားထားနေကြောင်း ယူကရိန်းသမ္မတက ဆက် လက် ပြောကြားသည်။
ရုရှားက ၂၀၂၂ ခုနှစ် ဖေဖော်ဝါရီတွင် စတင်ကျူးကျော်ခဲ့သည့် ပထမတစ်စက္ကန့်မှာပင် ယူကရိန်းက စစ်ပွဲကိုအဆုံးသတ်လိုခဲ့ကြောင်းနှင့် ရုရှားက ထပ်မံမတိုက်ခိုက်ရေး သေချာစေမည့် ငြိမ်းချမ်းရေးမျိုးကိုအလိုရှိကြောင်း ၎င်းကပြောကြားသည်။
