2024 YR4 လို့နာမည်ပေးထားတဲ့ ကြယ်တံခွန်ဟာ နေအဖွဲ့အစည်းနားမှာ လှည့်ပတ်နေပြီး၊ အာကာသအေဂျင်စီများ၏ ကနဦးခန့်မှန်းချက်အရ ၂၀၃၂ ခုနှစ် ဒီဇင်ဘာ ၂၂ ရက်နေ့မှာ ကမ္ဘာကို ဝင်တိုက်နိုင်ခြေ ရှိတယ်လို့ဆိုကြပါတယ် ။ ��ကြယ်တံခွန် 2024 YR4 ၏ အရွယ်အစားမှာ ၄၀ မှ ၉၀ မီတာအထိ ရှိပြီး၊ ဘောလုံးကွင်းတစ်ခု၏ အလျားနှင့် ဆင်တူပါတယ် ။��၂၀၂၅ ခုနှစ် ဇန်နဝါရီ ၃၁ ရက်နေ့အထိ ဒီကြယ်တံခွန်က ကမ္ဘာမှ မိုင်ပေါင်း ၃၀ သန်း ကွာဝေးမှာရှိနေသေးကြောင်း NASA ၏ Center for Near-Earth Object Studies (CNEOS) က ဆိုပါတယ် ။
တကယ်လို့ ကမ္ဘာကို ဝင်တိုက်မယ်ဆိုရင် တစ်နာရီကို မိုင်ပေါင်း ၃၈,၀၀၀ နှုန်းဖြင့်ဝင်တိုက်မှာဖြစ်ပြီး သူရဲ့အရွယ်အစားနဲ့အရှိန်ကြောင့် နျူကလီးယားဗုံးပေါင်း ရာချီ၏ ပျက်စီးမှုထက်ပင် ပိုမိုကြီးမားတဲ့ ပျက်စီးမှုများကို ဖြစ်ပေါ်စေနိုင်တယ်လို့သိရပါတယ် ။ �
ဒီပေါက်ကွဲမှုဟာ နျူကလီးယားဗုံးပေါင်း ရာချီပေါက်ကွဲမူ၏ စွမ်းအင်နှင့် ညီမျှနိုင်ပြီး၊ အနီးအနားရှိ ဒေသများကို ပြင်းထန်စွာ ပျက်စီးစေနိုင်ပါတယ် ။ ကြယ်တံခွန်ဟာ မြေပြင်ပေါ်သို့ ကျရောက်ပါက၊ ချိုင့်ဝှမ်းကြီးတစ်ခုကို ဖြစ်ပေါ်စေကာ၊ ပတ်ဝန်းကျင်ရှိ အဆောက်အဦများ၊ သဘာဝပတ်ဝန်းကျင်နှင့် သက်ရှိများကို ကို ကြီးမားစွာ ထိခိုက်စေမှာပါ ။ ကီလိုမီတာ ၅၀ ပတ်ပတ်လည်က သက်ရှိတွေအကုန်သေကြပျက်စီးသွားမယ်လို့ ကနဉီးခန့်မှန်ထားကြပါတယ် ။ ��ဥပမာအားဖြင့်၊ ၁၉၀၈ ခုနှစ်က Tunguska ဖြစ်စဉ်တွင်၊ အလားတူအရွယ်အစားရှိသော ကြယ်တံခွန်တစ်ခုသည် ရုရှားနိုင်ငံ၏ လူဦးရေနည်းပါးသော ဒေသတစ်ခုတွင် လေထုထဲ၌ ပေါက်ကွဲခဲ့ပြီး၊ TNT ပေါက်ကွဲမှု တန်ချိန် ၁၀ မှ ၁၅ သန်းခန့် စွမ်းအင်ကို ထုတ်လွှတ်ခဲ့ပါတယ် ။ ထိုပေါက်ကွဲမှုကြောင့် စတုရန်းမိုင် ၈၃၀ ဧရိယာအတွင်း သစ်ပင်ပေါင်း ၈၀ သန်းခန့်ကို မြေပြင်မှာ ပြားချပ်သွားစေခဲ့ပါတယ် ။
လက်ရှိတွက်ချက်မူတွေအရ ကြယ်တံခွန်ဝင်တိုက်နိုင်တဲ့ “အန္တရာယ်လမ်းကြောင်း” ဟာ တောင်အမေရိကမှ အတ္တလန္တိတ်သမုဒ္ဒရာကို ဖြတ်၍ ဆာဟာရတောင်ပိုင်း အာဖရိကအထိ ဖြစ်နိုင်ကြောင်း သိရပါတယ် ။
“ဒါပေမယ့် လမ်းကြောင်းက လုံးဝမသေချာသေးတာကြောင့် ထိခိုက်မှာလား၊ မထိခိုက်ဘူးလားဆိုတာ အတိအကျ မသိရသေးပါဘူး။ လက်ရှိမှာတော့ ကမ္ဘာကိုဝင်တိုက်နိုင်ခြေက ၂ % ရှိပါတယ် "လို့ သိပ္ပံပညာရှင်တွေက ဆိုထားပါတယ် ။
လက်ရှိမှာ ခန့်မှန်းထားတဲ့ ကြယ်တံခွန်ဝင်တိုက်နိုင်တဲ့ “အန္တရာယ်လမ်းကြောင်း” ပုံကို ကွန့်မန့်မှာထည့်ပေးထားပါမယ် ။
