ငါးပူတင်းမှာရှိတဲ့ တက်ထရိုဒိုတော့ဆင်(Tetrodotoxin - TTX) အဆိပ်ဓာတ်
တက်ထရိုဒိုတော့ဆင် (Tetrodotoxin - TTX) သည် အလွန်ပြင်းထန်ပြီး အာရုံကြောကိုထိခိုက်စေနိုင်သော အဆိပ်တစ်မျိုးဖြစ်သည်။
တက်ထရိုဒိုတော့ဆင် အဆိပ်သည် ငါးပူတင်းတွင် အဓိကတွေ့ရှိရပြီး အခြားပင်လယ်သတ္တဝါများတွင်လည်း တွေ့ရှိနိုင်သည်။
ဂျပန်နိုင်ငံတွင် ငါးပူတင်းကို "Fugu" ဟုခေါ်ပြီး အထူးလိုင်စင်ရထားသော စားဖိုမှူးများမှသာ ချက်ပြုတ်ရောင်းချခွင့်ရှိသည်။ အကြောင်းမှာ တက်ထရိုဒိုတော့ဆင်သည် အလွန်အန္တရာယ်များသောကြောင့် ဖြစ်သည်။
တက်ထရိုဒိုတော့ဆင်သည် အာရုံကြောဆဲလ်များ၏ လုပ်ငန်းဆောင်တာကို နှောင့်ယှက်ခြင်းဖြင့် အာရုံကြောစနစ်ကို ထိခိုက်စေသည်။
ကြွက်သားများကို အားနည်းစေပြီး အသက်ရှူလမ်းကြောင်းကို ထိန်းချုပ်သော ကြွက်သားများကိုပါ ထိခိုက်ပါက အသက်ရှူရပ်တန့်ခြင်းအထိ ဖြစ်စေနိုင်သည်။
တက်ထရိုဒိုတော့ဆင် အဆိပ်သင့်ပါက အချိန်တိုအတွင်း သေဆုံးနိုင်ချေရှိသည်။
တက်ထရိုဒိုတော့ဆင် အဆိပ်သင့်ခြင်း၏ လက္ခဏာများ -
🔹ပါးစပ်နှင့် လျှာထုံကျင်ခြင်း
🔹ပျို့အန်ခြင်း၊ ဝမ်းလျှောခြင်း
🔹ခေါင်းကိုက်ခြင်း၊ မူးဝေခြင်း
🔹ကြွက်သားများ အားနည်းခြင်း
🔹အသက်ရှူရခက်ခဲခြင်း
🔹သတိလစ်ခြင်း
တက်ထရိုဒိုတော့ဆင်သည် အပူဒဏ်ကိုခံနိုင်သော အဆိပ်ဖြစ်သည်။ ထိုအပြင် တက်ထရိုဒိုတော့ဆင်အတွက် အဆိပ်ဖြေဆေးလည်းမရှိပါ။