အိန္ဒိယနိုင်ငံက အာကာသအတွင်း ချိတ်ဆက်ဆိုက်ကပ်မှုလုပ်နိုင်တဲ့ စတုတ္ထမြောက်နိုင်ငံ ဖြစ်လာ
အိန္ဒိယနိုင်ငံဟာ အာကာသအတွင်း ချိတ်ဆက်ဆိုက်ကပ်မှု(space docking) လုပ်နိုင်တဲ့ စတုတ္ထမြောက်နိုင်ငံ ဖြစ်လာခဲ့ပါတယ်။ ပြီးခဲ့တဲ့ဗုဒ္ဓဟူးနေ့ အိန္ဒိယစံတော်ချိန် နံနက် ၉ နာရီအချိန်မှာ အိန္ဒိယအာကာသသုတေသနအဖွဲ့အစည်း (ISRO) ဟာ အာကာသအတွင်း ချိတ်ဆက်ဆိုက်ကပ်မှု(SpaDeX) လုပ်နိုင်ခဲ့တာလို့ ISRO ရဲ့ ပြောရေးဆိုခွင့်ရှိသူက ဆိုပါတယ်။
အခုလို စွမ်းဆောင်နိုင်တာဟာ အမေရိကန်ဒေါ်လာ ၄၀၀ ဘီလျံတန်ကြေးရှိပြီး
တဟုန်ထိုး ကြီးထွားလာပြီး အာကာသဈေးကွက်မှာ ဝေစု ပိုရလာဖို့ ရည်မှန်းထားတဲ့ အိန္ဒိယနိုင်ငံအတွက် နည်းပညာပိုင်းဆိုင်ရာ မိုင်တိုင်တစ်ခု ဖြစ်တယ်လို့ မှတ်ယူထားကြပါတယ်။
အကြမ်းဖျဉ်းအားဖြင့် ရေခဲသေတ္တာကြီးတစ်လုံးစာ အရွယ်အစားရှိတဲ့ ISRO ဂြိုဟ်တု(၂)လုံး( Target နဲ့ Chaser လို့ အမည်ပေးထား)ဟာ ပတ်လမ်းအတွင်း ပူးချည်၊ ခွာချည်လုပ်ပြီး လှည့်လည်ခဲ့တာပါ။ ဂြိုဟ်တုဝန်ဆောင်မှု၊ အာကာသစခန်းဆိုင်ရာ လုပ်ဆောင်မှု၊ ဂြိုဟ်တွေကြား သွားလာမှု အစရှိတဲ့အပိုင်းတွေမှာ အရေးပါတဲ့ ဒီနည်းပညာကို လုပ်ဆောင်အောင်မြင်ခဲ့တာကြောင့် အိန္ဒိယနိုင်ငံဟာ အာကာသစီးပွားရေးနဲ့ စူးစမ်းရှာဖွေရေးအခန်းကဏ္ဍမှာ သိသိသာသာ ပါဝင်လှုပ်ရှားလာနိုင်တော့မှာ ဖြစ်ပါတယ်။
