ဖားကန့်က ကျောက်တူးဖော်ရေးလုပ်ငန်းခွင်မှာ မြေပြိုကျမှုကြောင့် အလုပ်သမား ၃ ဦး သေဆုံးပြန်
ဇန်နဝါရီ ၃၁
ကချင်ပြည်နယ်၊ ဖားကန့်မြို့နယ်၊ ဘဇံချောက်ကျေးရွာအနီးမှာရှိတဲ့ ကျောက်တူးဖော်ရေးလုပ်ငန်းခွင်တစ်ခုမှာ ဇန်နဝါရီ ၃၀ ရက်၊ ည ၁၀ နာရီခန့်အချိန်ခန့်က မြေပြိုကျမှုဖြစ်ပေါ်ပြီး အလုပ်သမား ၃ ဦး သေဆုံးသွားခဲ့တယ်လို့ ဒေသဆိုင်ရာသတင်းတွေအရ သိရပါတယ်။
သေဆုံးသူအလုပ်သမားတွေက မြိုင်နဲ့ အရာတော်မြို့နယ်တို့ကနေ လာရောက် အလုပ်ကိုင်သူတွေဖြစ်ကြတယ်လို့ သိရပြီး သူတို့ဟာ မြေပြိုတဲ့အထဲကို မြေတူးစက် သုံးစီးနဲ့အတူ ပါသွားခဲ့ရာကနေ သေဆုံးသွားခဲ့ရတာလို့ ဆိုပါတယ်။
အဲဒီသေဆုံးသူတွေရဲ့ ရုပ်အလောင်းတွေကို ဒီနေ့မနက်ပိုင်းမှာမှ ရှာဖွေတွေ့ရှိခဲ့တာလို့ သိရပြီး ယင်းဖြစ်စဥ်အတွင်း ပျောက်ဆုံးသူအရေအတွက်ကို အတိအကျ မသိရသေးပေမယ့် ရှာဖွေရေးလုပ်ငန်းတွေကိုတော့ ဆက်လက်ဆောင်ရွက်နေဆဲပဲလို့ သိရပါတယ်။
အခုမြေပြိုတဲ့ ဘဇံချောက်လုပ်ကွက်ဟာ ပြီးခဲ့တဲ့ ဇန်နဝါရီ ၁၃ ရက်မှာ နွံကန်ပြိုကျလို့ လူ ၃၁ ယောက် သေဆုံးခဲ့တဲ့ စပေ့ါရွာနားမှာရှိတာလို့လည်း ဒေသခံတွေရဲ့ပြောဆိုမှုတွေအရ သိရပါတယ်။
#သတင်းဟင်းလေးအိုးကြီး
