#ဝက်သားကုန်းဘောင်ကြီးကြော်
""""""""""""""""""""""""""""""""""""""""""""""""""""
👩🍳 ဝက်သားကို အသီးအရွက်နည်းနည်းရောပြီး ဆိုင်ကြော်နည်းအတိုင်းကုန်းဘောင်ကြီးကြော်လေးချက်စားကြည့်ရအောင်နော် 😋
------------------------------------
🔸🔹ပါဝင်ပစ္စည်းများ🔹🔸
""""""""""""""""""""""""""""""""""""""""""""""
▪️ဝက်သား - ၁၅ ကျပ်သားခန့်
▪️ကြက်သွန်ဖြူ - ၅ မြွှာ (ဓားပြားရိုက်ပါ)
▪️ချင်း - ၅ ပြား (ပါးပါးလှီးပါ)
▪️ကြက်သွန်နီ - ၂ လုံး(၄ စိတ်စိတ်ပြီး အဖတ်လေးများ နွှာထားပါ)
▪️ကြက်သွန်မြိတ် - ၃ ပင် (အနေတော်အရွယ်လှီးပါ)
▪️ပန်းဂေါ်ဖီပွင့် - အနည်းငယ်
▪️ငရုတ်ပွသီး - အကြီး ၁ လံုး
▪️ဆီ - စားပွဲဇွန်း ၃ ဇွန်း
▪️ငရုတ်သီးခြောက်ကြော် - ၁၀ တောင့်
▪️သီဟိုဠ်စေ့ - အနည်းငယ်
▪️ငရုတ်ကောင်းမှုန့် - လက်ဖက်ရည်ဇွန်း ၁/၃ ဇွန်း
🔸🔹ဆော့စ်ချက်ရန်အတွက် ပါဝင်ပစ္စည်းများ🔹🔸
""""""""""""""""""""""""""""""""""""""""""""""""""""""""""""""""""""""""""""""""""""
▪️ပဲငံပြာရည်အနောက် - စားပွဲဇွန်း ၃ ဇွန်း
▪️ခရုဆီ - စားပွဲဇွန်း ၁ ဇွန်းခွဲ
▪️ပဲငံပြာရည်အကြည် - စားပွဲဇွန်း ၁ ဇွန်းခွဲ
▪️ရှာလကာရည် - စားပွဲဇွန်း ၁ ဇွန်း
▪️ရေ - စားပွဲဇွန်း ၄ ဇွန်း
▪️နာနတ်ပွင့် - ၆ ပွင့်
▪️သကြား - လက်ဖက်ရည်ဇွန်း ၁ ဇွန်း
------------------------------------------------------------------------------------
👩🍳 ချက်ပြုတ်နည်း 👩🍳
"""""""""""""""""""""""""""""""""""""
1️⃣ ဦးစွာပထမ ဆော့စ်ချက်ရန်မှာ ဒယ်အိုးတစ်အိုးထဲ ပါဝင်ပစ္စည်းများအားလုံး ထည့်၍ မီးအေးအေး ဖြင့် သမအောင်မွှေပြီး ဆူပွက်သည်အထိတည်ထားပါ။
2️⃣ ဒယ်အိုးထဲ ဆီထည့်ပြီး ပူအောင် တည်ပါ။ ဆီပူလာလျှင်ကြက်သွန်ဖြူနှင့် ချင်းကို ထည့်ပြီး အနံ့မွှေးလာသည်အထိ ဆီသတ်ပါ။
3️⃣ ပြီးလျှင် ဝက်သား၊ ငရုတ်သီးခြောက်ကြော်၊ ပန်းဂေါ်ဖီပွင့်၊ ငရုတ်ပွသီး၊ သီဟိုဠ်စေ့နှင့် ကြက်သွန်နီတို့ကို ထည့်ပြီး ကြော်ပါ။ ငရုတ်ကောင်းမှုန့်ထည့်ပြီး သမအောင် မွှေပါ။
4️⃣ ပြီးလျှင် ချက်ထားသော ဆော့စ်ရည်နှင့် ကော်ရည်ကို ထည့်ပြီး သမအောင် မွှေပါ။ ဝက်သားကျက်ပြီဆိုလျှင် ကြက်သွန်မြိတ်ထည့်ပြီး ခဏနေလျှင် ပန်းကန်ထဲသို့ထည့်၍သံုးေဆာင်လို့ရပါပြီနော် 🤤
--------------------------------
#ဝက်သား #ဝက်ကုန်းဘောင်
#cooking #ကုန်းဘောင်ကြီးကြော်
