ရန်ကုန် အိမ်ခြံမြေဈေးကွက် အတက်ဘက်ကို ဦးတည်နေ
အကြောင်းအမျိုးမျိုးကြောင့် ရန်ကုန်ကို ပြောင်းရွေ့နေထိုင်တာတွေများလာတဲ့အတွက် ရန်ကုန်ရဲ့အိမ်ခြံမြေဈေးက အတက်ဘက်ကို ဦးတည်နေတယ်လို့ ရန်ကုန်တိုင်းဒေသကြီး အိမ်ခြံ မြေဝန်ဆောင်မှုအသင်း ဥက္ကဋ္ဌ ဒေါ်မြတ်မိုမိုကပြောပါတယ်။
ဒါ့အပြင် ရန်ကုန်ကို ယာယီရွှေ့ပြောင်းနေထိုင်သူတွေလည်းများလာတာကြောင့် အိမ်ခြံမြေအငှားဈေးကွက်လည်း အားကောင်းနေတယ်လို့ ဆိုပါတယ်။
ရန်ကုန်မြို့တွင်း ၆ မြို့နယ်မှာ လူဦးရေထူထပ်လာပြီး မြေနည်းလာသလို တိုက်ခန်းတွေများပြားလာတဲ့အတွက် မြေကိုနှစ်သက်သူတွေက မြေရှိရာမြို့သစ်မြို့နယ်တွေမှာ ဝယ်လိုအားများပြားလာတယ်လို့ ဒေါ်မြတ်မိုမိုကပြောပါတယ်။
အိမ်ခြံမြေဈေးကွက်အားကောင်းနေတာကြောင့် အိမ်ခြံမြေအကျိုးဆောင်တွေရဲ့ အခန်းကဏ္ဍက အရေးပါလာတဲ့အတွက် သင်တန်းတက်ပြီးတဲ့ အိမ်ခြံမြေအကျိုးဆောင်လုပ်ငန်း လုပ်ကိုင်သူတွေကို လုပ်ကိုင်ခွင့်အသိအမှတ်ပြုလက်မှတ်တွေ ထုတ်ပေးထားပြီး ခိုင်မာမှုရှိအောင်ဆောင်ရွက်ပေးထားတယ်လို့ သိရပါတယ်။
