NYC လ၀က စီးနင်းမှုများတွင် အမိမြေလုံခြုံရေးဝန်ကြီး ကိုယ်တိုင်ပါဝင်
............
အမေရိကန် သမ္မတ ဒေါ်နယ်ထရမ့်က ခန့်အပ်လိုက်တဲ့ အမိမြေလုံခြုံရေးဝန်ကြီး ကရစ္စတင်းနိုး(မ်)ဟာ နယူးယောက်မြို့မှာ ပြုလုပ်တဲ့ တရားမဝင်ရွှေ့ပြောင်းအခြေချသူတွေကို စီးနင်းရှာဖွေဖမ်းဆီးမှုမှာ ဖယ်ဒရယ် လ၀က အေးဂျင့်တွေနဲ့အတူ ပါဝင်ခဲ့ပါတယ်။

အင်္ဂါနေ့မနက်က အဲ့ဒီလ၀က စစ်ဆင်ရေးအတွင်း တိုင်းပြည်ထဲ တရားမဝင် ဝင်ရောက်ခဲ့တဲ့ အမျိုးသားတစ်ယောက်ကို ဖယ်ဒရယ် အေးဂျင့်တွေက ဖမ်းဆီးဖို့ ပြင်ဆင်နေတဲ့ ပုံတစ်ခုကို နိုး(မ်) က သူရဲ့ လူမှုကွန်ရက်မှာ တင်ခဲ့ပါတယ်။

NYC မှာ လုပ်တဲ့ တရားဥပဒေစိုးမိုးရေး စစ်ဆင်ရေးအတွင်း ပြန်ပေးဆွဲမှု ၊ ရမ်းကားမှု နဲ့ ဖောက်ထွင်းမှုတွေ ကျူးလွန်ခဲ့တဲ့ နိုင်ငံခြားသားတစ်ယောက်ကို ICE အေးဂျင့်တွေရဲ့ ကျေူးဇူးကြောင့် ဖမ်းဆီးနိုင်ခဲ့ကြောင်း ပို့စ်မှာရေးသားထားတာကို တွေ့ရပါတယ်။ အင်္ဂါနေ့က လုပ်တဲ့နယူးယောက်စစ်ဆင်ရေးမှာ မူးယစ်နှိမ်နင်းရေး (DEA) ၊ လ၀က ၊ အမိမြေလုံခြုံရေးဌာန စုံစမ်းစစ်ဆေးရေးမှူး ၊ ယမကာ ၊ ဆေးရွက်ကြီး ၊ လက်နက် နဲ့ ပေါက်ကွဲစေတတ်သော ပစ္စည်းများရေးရာ ဗျူရို နဲ့ တခြားအာဏာပိုင်တွေ ပါဝင်ခဲ့ကြတယ်လို့ သက်ဆိုင်ရာ အာဏာပိုင် အဖွဲ့အစည်းတွေရဲ့ ထုတ်ပြန်ချက်မှာ ဖော်ပြထားပါတယ်။

စစ်ဆင်ရေးအတွင်း လူပေါင်း (၂၀)ကျော်ကို လက်ရှိအချိန်အထိ ဖမ်းမိထားကြောင်းလည်း အမေရိကန် အာဏာပိုင်တွေက ပြောပါတယ်။ အဲဒီစစ်ဆင်ရေးတွေမှာ NYPD လို့ခေါ်တဲ့ နယူးယောက်ရဲတပ်ဖွဲ့က ပါဝင်ခဲ့ခြင်းမရှိဘူးလို့ CNN က ဖော်ပြပါတယ်။