အာဆီယံချန်ပီယံရှစ် အဖွင့်ပွဲစဉ်မှာ အင်ဒိုနီးရှားကို မြန်မာရှုံး
ဒီဇင်ဘာ ၉
၂၀၂၄ အာဆီယံချန်ပီယံရှစ် အုပ်စု B အဖွင့်ပွဲစဉ်အဖြစ် မြန်မာနဲ့ အင်ဒိုနီးရှားအသင်းတို့ ကစားခဲ့တာမှာ အင်ဒိုနီးရှား အသင်းက ၁ ဂိုး-ဂိုးမရှိနဲ့ အနိုင်ရရှိသွားခဲ့ပါတယ်။
ဒီပွဲစဉ်ရဲ့ ပထမပိုင်းမှာ မြန်မာအသင်းဟာ ဂိုးပေါက်တည့်မှု ၃ ကြိမ်အထိရှိခဲ့ပြီး အင်ဒိုနီးရှားအသင်းက တစ်ကြိမ်မှ မရှိခဲ့ဘဲ ဂိုးမရှိသရေနဲ့ ပြီးဆုံးခဲ့တာပါ။
ဒုတိယပိုင်းမှာတော့ အင်ဒိုနီးရှားအသင်းဟာ အပြောင်းအလဲ တွေလုပ်ပြီး မြန်မာအသင်းကို တောက်လျှောက် တိုက်စစ်ဆင်နေတာကြောင့် ပွဲချိန် ၇၆ မိနစ်မှာ ဦးဆောင်ဂိုး ရရှိသွားခဲ့ပါတယ်။
မြန်မာအသင်းဟာ ဦးဆောင်ဂိုး ပေးခဲ့ရပြီးနောက်မှာ ချေပဂိုးရဖို့ ကြိုးစားခဲ့ပေမယ့် အင်ဒိုနီးရှားအသင်းရဲ့ခံစစ်ကို ကျော်ဖြတ်နိုင်ဖို့ ခက်ခဲခဲ့တာကြောင့် သွင်းဂိုး မရရှိခဲ့တာပါ။
အင်ဒိုနီးရှားအသင်းကတော့ ဦးဆောင်ဂိုး ရရှိအပြီးမှာ ပွဲကို အကောင်းဆုံး ထိန်းချုပ်ကာ အဖွင့်ပွဲစဉ်မှာ ၃ မှတ် ရရှိသွားခဲ့ပါတယ်။
အုပ်စုဒုတိယပွဲစဉ်တွေအဖြစ် ဒီဇင်ဘာ ၁၂ ရက်မှာ မြန်မာအသင်းက ဖိလစ်ပိုင်အသင်းနဲ့ အဝေးကွင်းပွဲစဉ်၊ အင်ဒိုနီးရှား အသင်းက လာအိုအသင်းကို အိမ်ကွင်းယှဉ်ပြိုင်ရမှာ ဖြစ်ပါတယ်။
#centralnewsnaypyitaw
