အိန္ဒိယ အာသံပြည်နယ် အများပြည်သူဆိုင်ရာ နေရာတွေမှာ အမဲသားစားသုံးခွင့် တားမြစ်

ဒေလီ၊ ဒီဇင်ဘာ ၆

အိန္ဒိယနိုင်ငံမြောက်ပိုင်း အာသံပြည်နယ်ဟာ စားသောက်ဆိုင်နဲ့ ပွဲလမ်းသဘင်တွေအပါအဝင် အများပြည်သူဆိုင်ရာနေရာတွေမှာ အမဲသားစားသုံးတာကို တားမြစ်ပိတ်ပင်လိုက်ပါတယ်။

ဘုရားကျောင်းလို ဘာသာရေးနေရာတွေအနီးမှာ အမဲသားရောင်းချတာကို တားမြစ်ထားတဲ့ အစောပိုင်းက စည်းမျဉ်းတွေကို ထပ်မံတိုးချဲ့လိုက်တာလိုပ ပြည်နယ်ဝန်ကြီးချုပ်ကပြောပါတယ်။ ဒါပေမယ့်လည်း အသားတွေကို စျေးကဝယ်ပြီး နေအိမ်သိုမဟုတ် စက်ရုံအလုပ်ရုံတွေမှာ စားနိုင်တယ်လို့ ဆိုပါတယ်။

နိုင်ငံလူဦးရေရဲ့ ၈၀ ရာခိုင်နှုန်းရှိတဲ့ ဟိန္ဒူဘာသာဝင်တွေဟာ နွားကိုအလေးထားတာကြောင့် အိနိ္ဒယမှာတော့ အမဲသားစားသုံးမှုဟာ ထိရှလွယ်ကြပြဿနာတခုဖြစ်ပါတယ်။ အာသံအပါအဝင် ဝန်ကြီးချုပ်မိုဒီရဲ့ အာဏာရ ဘီဂျေပီပါတီ အုပ်ချုပ်တဲ့ အာသံအပါအဝင် ပြည်နယ်အများအပြားမှာ မကြာသေးမီနှစ်တွေအတွင်း နွားသတ်တာကို ပြင်းပြင်းထန်ထန် တားမြစ်ခဲ့ပါတယ်။

အိန္ဒိယပြည်နယ် ၂၈ ပြည်နယ်ရဲ့ သုံးပုံတပုံနှစ်ပုံကို ဘီဂျေပီပါတီက အုပ်ချုပ်ထားပြီး အဲဒီပြည်နယ်တွေမှာ နွားသတ်တာနဲ့ အမဲသားစားသုံးတာကို တစိတ်တပိုင်း သို့မဟုတ် အပြည့်အ၀ တားမြစ်ပိတ်ပင်ထားပါတယ်။

အာသံမှာတော့ ဟိန္ဒူ၊ ဂျိန်းနဲ့ ဆစ်ခ်လူမျိုးတွေ နေထိုင်ရာဒေသတွေမှာ အမဲသားရောင်းချတာနဲ့ ဝယ်ယူတာကို ၂၀၂၁ ခုနှစ်မှာ ပိတ်ပင်ခဲ့ပါတယ်။ အခြားနိုင်ငံရေးအတိုက်အခံတွေကတော့ ဒီတားမြစ်ချက်ဟာ ပြည်သူတွေရဲ့ စားဝတ်နေရေးကို ထိခိုက်စေတယ်လို့ ဝေဖန်ထားပါတယ်။

Ref:BBC
Photo:Getty Images

#သတင်းဟင်းလေးအိုးကြီး