ကမ္ဘာ့စင်မြင့်ထက်တွင် ပါဝင်ယှဉ်ပြိုင်နိုင်ရေး မြန်မာ့ professional boxer များ MBC ဖြင့် လာရောက်လက်တွဲရန်ဖိတ်ခေါ်

ကမ္ဘာ့စင်မြင့်ထက်တွင် ပါဝင်ယှဉ်ပြိုင်နိုင်ရေးအတွက် မြန်မာ့ professional boxer ကစားသမားများအနေဖြင့် လာရောက်လက်တွဲကြရန် Myanmar Boxing commission ( MBC )က ဖိတ်ခေါ်ထားသည်။

MBC ၏ အဓိက ရည်ရွယ်ချက်မှာ မြန်မာ့ professional boxers များကို ကမ္ဘာ့စင်မြင့်ထက်တွင် ပါဝင်ယှဉ်ပြိုင် အနိုင်ယူရေးသည် အဓိကဖြစ်သဖြင့် ကူညီပံ့ပိုးသွားမည်ဖြစ်သောကြောင့် ကမ္ဘာ့ boxing ပြိုင်ပွဲကြီးများတွင် အောင်မြင်လိုသော professional boxer များ လာရောက်လက်တွဲရန် ဖိတ်ခေါ်ထားခြင်းဖြစ်သည်။

Myanmar Boxing commission ( MBC )သည် WBC ၊ OPBF အစရှိသည့် ကမ္ဘာ့အဖွဲအစည်းများ၏ Boxrec တွင် ပါစေရန် ဆောင်ရွက်ပေးနေသည့်မြန်မာနိုင်ငံ၏ တခုတည်းသော အသိအမှတ်ပြု အဖွဲ့အစည်းဖြစ်သည်။

ထို့ပြင် WBC ၊ OPBF ၊JBC တို၏ ကမ္ဘာ့အဆင့်ပြိုင်ပွဲများတွင် ဝင်ရောက်ယှဉ်ပြိုင်နိုင်ရန် professional boxer license ကိုလည်း MBC တခုတည်းကသာ ထုတ်ပေးနိုင်သည်ဟု အသိပေးနှိုးဆော်ထားသည်။