ထိုင်းနိုင်ငံအတွင်း တရားမဝင် ဝင်ရောက် အလုပ်ရှာဖွေသူ မြန်မာ ၉ ဦးကို မူးယစ်ဆေးနဲ့အတူ ဖမ်းမိ
နိုဝင်ဘာ ၂၁
ထိုင်းနိုင်ငံ၊ တာခ့်ခရိုင်၊ ဖုဖရမြို့နယ်အတွင်း တရားမဝင် ခိုးဝင်အလုပ်လာရှာတဲ့ မြန်မာ ၉ ဦးကို မူးယစ်ဆေးတွေနဲ့အတူ မနေ့ကမနက်ပိုင်းမှာ ဖမ်းဆီးမိခဲ့တယ်လို့ ကနဦး သိရပါတယ်။
ခိုးဝင် မြန်မာလုပ်သားတွေကို ဗုဒ္ဓဟူးနေ့(နိုဝင်ဘာ ၂၀) မနက် ၄ နာရီအချိန်က ဖမ်းဆီးရခဲ့တာဖြစ်ပြီး ဖမ်းမိသူတွေထဲမှာ အမျိုးသား ၂ ဦး၊ အမျိုးသမီး ၅ ဦးနဲ့ ကလေးငယ် ၂ ပါဝင်တယ်လို့ လည်း သိရပါတယ်။
ဖမ်းမိတရားခံ ၉ ဦးအနက် အမျိုးသားတစ်ဦးရဲ့ လက်ထဲမှာ စိတ်ကြွမူးယစ်ဆေး မက်သာဖက်တမင်းဆေးပြား ၁၄ ပြားကို စက္ကူနဲ့ထုပ်လျက်သား ဖမ်းမိခဲ့တယ်လို့လည်း ထိုင်းသတင်းဌာနတစ်ခုဖြစ်တဲ့ Khaosod က ဖော်ပြထားပါတယ်။
လက်ရှိမှာတော့ ခိုးဝင်မြန်မာ ၉ ဦးကို တရားမဝင် ဝင်ရောက်မှု၊ တရားမဝင်နေထိုင် အလုပ်လုပ်ကိုင်ဖို့ကြိုးပမ်းမှု၊ မူးယစ်ဆေးတွေ့ရှိမှု စတာတွေနဲ့ အမှုဖွင့်ထားတယ်လို့လည်း ကနဦး သိရပါတယ်။
Ref, Khaosod
Credit - MT News
#သတဟင်းလေးအိုးကြီး
