🍖 ဆိတ်သားခြောက်ဖုတ်, ဆိတ်သားထောင်း
🍖 ဆိတ်သားခြောက် လုပ်နည်း

ဆိတ်သား တစ်ပိဿာကို
ဆိတ်သားခြောက်ဖြစ်အောင်
နေလှန်းလိုက်ရင်
၃၀ သားပင် ကျန်လေသည်။

ဆိတ်သား တစ်ပိဿာကို
၃ သောင်းနီးပါးစျေးရှိသဖြင့်
ဆိတ်သားခြောက် ၁၀ သားဆိုရင်ပင်
၁ သောင်း ကျလေသည်။

ဒါကြောင့် ဆိတ်သားခြောက်စစ်စစ်
တစျပျိဿာ ဆိုရငျ ၁ သိနျး ရှိရမညျ။
ဒါသည်ပင် မိမိအိမ်မှာ နေလှန်းတဲ့စျေးဖြစ်သည်။

စျေးကွက်တွေမှာ ရောင်းနေတဲ့
ဆိတ်သားခြောက်က
အလွန်ပင် စျေးသက်သာနေသဖြင့်
ဘာ အသားတွေမှန်း မသိရချေ။

ဖြစ်နိုင်ရင်တော့ မိမိအိမ်မှာပင်
ယမ်းစိမ်း မပါသော, မငံလွန်းသော
ဆိတ်သားခြောက်စစ်စစ်ကို
လုပ်စားစေချင်သည်။

ဆိတ်သားခြောက်ဆိုတာ
အရသာကောင်းဖို့ အဓိကပါ။
အရောင်နီနီလေးနဲ့
လှနေဖို့ မလိုအပ်ပါဘူး။
ယမ်းစိမ်းတွေ, ဆိုးဆေးတွေနဲ့
နီရဲနေအောင်လုပ်ထားတဲ့
ဆိတ်သားခြောက်ဟာလည်း
မစားသုံးသင့်ပါဘူး။

သဘာဝအတိုင်း နေလှန်းထားတဲ့
ဆိတ်သားခြောက်ဟာ
အရောင် မလှနိုင်ပါဘူး။

ဒါကြောင့် နေရောင်ခြည်ကိုသာ
အားကိုးပြီး လှန်းတဲ့
မငံလွန်းတဲ့ ဆိတ်သားခြောက်လေးကို
မိမိ အိမ်မှာပဲ လုပ်စားကြရအောင်။

_________________________________________________

ဆိတ်သားခြောက်
*****************
ဆိတ်သားခြောက် နေလှန်းတဲ့အခါ
အသားတွေအူမှာစိုးပြီး ဆားအများကြီး
မထည့်စေချင်ပါဘူး။

ပထမဆုံး
ဆိတ်သား တစ်ပိဿာကို
သဲစင်အောင် ရေဆေးပြီး
မထူလွန်း မပါးလွန်း
ဆိတ်သား အမျှောင်းလေးများ လှီးဖြတ်ပြီး
ဆား ထမင်းစားဇွန်း ၁ ဇွန်းနဲ့ ဆုပ်နယ်ပါ။

နေလှန်းတဲ့အခါ ဆိတ်သားများရင်
ဆိတ်သားကို အပေါက်ဖေါက်ပြီး
ဂျိတ်နဲ့ နေလှန်းတာက အကောင်းဆုံးပါ။

သိပ်မများရင်တော့ လင်ဗန်းနဲ့ လှန်းလဲ ရပါတယ်။
လင်ဗန်းနဲ့ နေလှန်းရင်တော့
နေ့တစ်ဝက်မှာ တစ်ဖက်လှန် ပေးရပါမယ်။
ဒါမှ အတွင်းဖက် မအူမှာပါ။

ပထမ ၂ ရက်မှာတော့
ညနေ ရုတ်ပီးရင် ရေခဲသေတ္တာထဲမှာ
သိမ်းထားပြီး နောက်နေ့ကျမှ
ပြန်ထုတ်ပြီး နေလှန်းရပါတယ်။
ငါးရက် နေလှန်းပြီးရင်တော့
အိမ်လုပ် ဆိတ်သားခြောက်စစ်စစ်ကို ရရှိပါပြီ။

ဆိတ်သားတုံးတာ သိပ်မထူရင်တော့
အနည်းဆုံး ငါးရက်တိတိ နေလှန်းရပါတယ်။
ထူနေရင်တော့ တစ်ပတ်တိတိ နေလှန်းရပါမယ်။
ဒါတောင် နွေရာသီရဲ့ အပူရှိန်နဲ့ နေလှန်းတာပါ။

ကဲ အားလုံးပဲ အဆင်ပြေကြပါစေ။