လူနှစ်ယောက်ချစ်ကြပြီဆိုရင်
တစ်ယောက်ကိုတစ်ယောက်က
နားလည်ပေးနိုင်ရတယ် ။
ကိုယ်ဖြစ်ချင်တဲ့ ဘောင်ထဲ အတင်းဆွဲသွင်းပြီး
ကိုယ်လိုချင်တဲ့ ဘက်ကို သိမ်းသွင်းလို့မရဘူး
တစ်ယောက်နဲ့တစ်ယောက်ဖြတ်သန်းလာတဲ့
မှုလဗီဇ အသိုင်းအဝိုင်းအခြေခံတွေကို
မတူညီကြဘူး ဆိုတဲ့ အတွေးကိုတွေးထားရမယ်။
အဲ့ဒီတော့ ညှိယူပေးရမယ် ။
အချိန်ပေးရမယ် ။ ကိုယ်ဖြစ်ချင်တိုင်း
မဖြစ်ရလို့ အပြစ်တင်မယ် ဆိုရင်
ဒါဟာ ကိုယ်အတ္တ ကြီးနေတာလို့ခေါ်တယ်။
လူတွေဟာ တစ်ဦးကိုတစ်ဦး ဖြတ်သန်းစီးဆင်း
လာတဲ့ ပတ်ဝန်းကျင်တွေ မတူညီကြဘူး ။
အဲ့ဒီအခြေအနေမှာ လူနှစ်ယောက်ဆုံလာတဲ့အခါ
သူတို့ရှင်သန် လာတဲ့ ပတ်ဝန်းကျင်အသိုင်းဝိုင်းက
အသက်သွင်းပေးလိုက်တဲ့ အကျင့်တွေ
ခံယူချက်တွေဟာလည်းကွဲပြားနေတတ်တယ်
ဒါကို သိဖို့လိုတယ် ။
ဒီနေရာမှာ တစ်ယောက်ကိုတစ်ယောက်က
တူညီနိုင်မယ့် အချက်တွေ အားသားချက်တွေကို
ပေါင်းစပ်ပြီး မတူညီတဲ့ အချက်တွေအပေါ်မှာ
ဖြည့်တွေးပေးရမယ် အချိန်ပေးရမယ်
နားလည်ပေးရမယ် အပြစ်မတင်ရဘူး ။
Relationship တစ်ခုမှာ တစ်ခုခုဆို
ငါ့မှုဘောင်အတိုင်းပဲ ဖြစ်ရမယ်
ငါ့အကြိုက်ပဲ လိုက်ရမယ်
ငါ့ဖြစ်ချင်တာကိုပဲ ဖြစ်ပေးရမယ်ဆိုတဲ့
ငါစွဲအတ္တတွေ များလာရင် အဲ့ဒီ ချစ်ခြင်းမေတ္တာဟာ
ပျော်စရာတွေချို့တဲ့လာတယ်
ပြီးရင် အမြဲတမ်း ဘာတွေ အပြစ်ဖြစ်အုံးမလဲ
ဆိုပြီး ကျန်တဲ့ လူတစ်ဖက်သားက
စိုးရိမ်လာရတယ် ။
လူနှစ်ယောက်ချစ်ကြပြီ ဆိုရင်
ပျော်စရာနည်းလာတဲ့အပြင် ဘာတွေထပ်ပြီး
အပြစ်တင်ခံရအုံးမလဲလို့ တွေးနေရပြီဆိုရင်
အဲ့ဒါ ချစ်နေကြတာမဟုတ်ဘူး
တစ်ယောက်ကိုတစ်ယောက် အတ္တတွေနဲ့
ဘောင်လိုက်ခတ်နေကြတဲ့ လူတွေဖြစ်နေပြီဆိုတာ
သတိထားဖို့လိုလာပါပြီ ။
တစ်ယောက်ကိုတစ်ယောက် အပြန်အလှန်
ဖြည့်တွေးပေးတဲ့ ချစ်ခြင်းမေတ္တာတွေမှာ
ပျော်ရွှင်စရာ ရာခိုင်နှုန်းတွေပိုများလာတယ်
စိတ်လုံခြုံမှုတွေနဲ့ ယုံကြည်မှုနဲ့တွေ ရလာတယ်
ရဲရဲဝံ့ဝံ့ရှေ့ဆက်နိုင်ကြတဲ့ သတ္တိတွေ အပြည့်နဲ့
အတူတူ ဘယ်အရာတွေကိုမဆို
ရင်ဆိုင်ရဲလာကြတယ် ။
အဲ့တာကြောင့် တစ်ယောက်ကိုတစ်ယောက်
ချစ်ကြပြီ ဆိုရင် အတ္တတွေမများစေနဲ့
ကိုယ်ဖြစ်ချင်တာတွေကို ဆွဲမယူကြပါနဲ့ ။
" ချစ်ခြင်းမေတ္တာတွေဟာ
ကျန်းမာနေဖို့လိုတယ် "
LuAh(AungKhinSitt)
