စူပါတိုက်ဖွန်းမန်ယီ ဖိလစ်ပိုင်ကုန်းတွင်းပိုင်းကို ဝင်ရောက်ပြီးအားပျော့သွား
လူတစ်သန်းကျော်ကို ဘေးလွတ်ရာ ရွှေ့ပြောင်းပေးခဲ့ရပြီး နေရာအများအပြားရှိ နေအိမ်အဆောက်အအုံများ ကိုထိခိုက်ပျက်စီးစေခဲ့သည့် စူပါတိုက်ဖွန်း မန်ယီသည် တနင်္ဂနွေနေ့ တွင် ဖိလစ်ပိုင်၏ အဓိကကျွန်း လူဇုန်တစ်ဝန်းကို ဝင်ရောက်တိုက်ခတ်နေကာ မြို့တော်မနီလာဒေသတွင် မိုးကြီးနိုင်သည့် အန္တရာယ်ရှိနေသည်။
လေတိုက်နှုန်း တစ်နာရီ ၁၁၅ မိုင်ရှိ မန်ယီသည် စနေနေ့ညပိုင်းတွင် ကာတန်ဒူယန်နက်စ်ပြည်နယ် ပန်ဂါနီဘန်မြို့ကို ဝင်ရောက်တိုက်ခတ်ခဲ့ပြီးနောက် သီတင်းပတ်ကုန်ပိုင်းတွင် အနည်းငယ်အားပျော့သွားကာ Camarines Norte ပြည်နယ် ကမ်းလွန်ရေပြင်သို့ နံနက် ၈ နာရီခန့်တွင် ရောက်ရှိနိုင်သည်ဟု မိုးလေဝသအရာရှိများက ပြောဆိုသည်။
“တိုက်ဖွန်းမုန်တိုင်းဝင်ရောက်တိုင်း အနီးက မြစ်မှာ မြစ်ရေတက်မှုတွေဖြစ်တာကြောင့် ဘေးလွတ်ရာရွှေ့ပြောင်းခဲ့ပါတယ်” ဟု မနီလာမြို့တော် ကမ်းရိုးတန်းဧရိယာများတွင် နေထိုင်သူတစ်ဦးဖြစ်သော အမ်မလီယာ ဆန်တီဆက်စ်က ပြောဆိုခဲ့သည်။
မိမိတို့နှင့်အတူ ကလေ-းများလည်း လိုက်ပါလာပြီး သူတို့တွေ ကြောက်ရွံ့နေကြသည်ဟုလည်း ဆန်ဆက်စ်က ပြောဆိုသည်။ ရေလွှမ်းမိုးမှုဘေးမှ ရှောင်ရှားနိုင်ရန် တိုက်ဖွန်းလမ်းကြောင်းအတွင်းရှိ ဒေသခံ ပြည်သူ တစ်သန်းကျော်ကို ဘေးလွတ်ရာရွှေ့ပြောင်းစေခဲ့ရာတွင် ဆန်ဆက်စ်တို့လည်း ပါဝင်ခဲ့သည်။
ဘေးလွတ်ရာ ရွှေ့ပြောင်းမှုများကြောင့် လူေ-သဆုံးမှုသတင်းများ မကြားရသော်လည်း တိုက်ဖွန်း၏ ပြင်းထန်သော လေတိုက်နှုန်းကြောင့် ကာတန်ဒူယန်နက်စ်ပြည်နယ်တွင် နေအိမ်များ၊ စာသင်ကျောင်းများနှင့် စီးပွားရေးအဆောက်အအုံများ ပျက်စီးမှုဖြစ်ခဲ့သည်ဟု အရပ်ဖက်ကာကွယ်ရေးအကြီးအကဲ Ariel Nepomuceno က ရိုက်တာကို ပြောကြားခဲ့သည်။
တစ်လအတွင်း ဖိလစ်ပိုင်နိုင်ငံကို ဆဋ္ဌမမြောက် အပူပိုင်း ဆိုက်ကလုန်းအဖြစ် ဝင်ရောက်သည့် မန်ယီသည် နိုင်ငံတောင်ပိုင်းနှင့် လူဇုန်ကျွန်း အလယ်ပိုင်းဧရိယာများကို ဦးတည်ခဲ့သည်။
